1 Corĩtu 13:6 - ꞌRe Ihâimana Uꞌâsi Mono Zadawa Wasuꞌu

⁶ Isazei'wa norĩ, simizawi pese na 're ihâimana za'ra mono zéb da hã. Dahâimana wasété na 're idahâimana za'ra mono zé wasu'u hã te te 're wapari za'ra mono wamhã, te te ãma sima 're rowẽ za'ra mono õ di za, isazei'wa norĩ hã. 'Re idanomro wẽ mono zé wasu'u na si, te za ãma 're toi uptabi za'ra, sena na.

1 Corĩtu 13:6 ပူးပေါင်းရင်းမြစ်များ

Salmu 10:3

Iwasété norĩ hã te mreme nhiséb ãna marĩ iwasété si te te sima 're i'ruiwapari za'ra mono na 're mreme zusi, isi'madâ'â ze zéb zarina. Duré danhimarĩ zô hâimana nhipese sina te te sima 're ida'wani za'ra mono norĩ hã, te Uburé Danhib'apito ãma te te 're wasété za'ra.

Salmu 119:136

Ĩtõmo'u te panho'õmo ne ĩwi 're praba, asimiroti da te dasiwi 're 'madâ'â pese mono õ wa.

Ezodu 18:9

Ãne hã Zetru te te wapari wamhã, tãma hã rowẽ uptabi di, Uburé Danhib'apito, Izaraéu nhihudu norĩ ma, te te i'manharĩzéb zabâdâ hã, Ezitu hawi te te isani za'ra zém na hã.

Provébiu 14:9

Simiza'rese ãna 're ihâimana za'ra mono norĩ, tiwasédé te te 're 'manharĩ za'ra mono wamhã, 're isiwẽ'õ za'ra mono da hã mare di, tarére tãma za'ra hã. Tane nherẽ, iwẽ norĩ si te za tô tiwasété pari zéb zô hã sima 're sõpré u'âsi.

Mateu 18:13

Tawamhã te te sãmri wẽ te, te za 're to, pone'ẽrebâ tede'wa hã. Pone'ẽrebâ hã isimani'õ norĩ hã rowẽ u'âsi tãma 're hâimana za'ra mono wa, tãma 're irowẽ mono zém nhipai u, te za 're to za'ẽtẽ.

Luca 22:5

Ãhã wamhã, imreme te te wapari za'ra wamhã, tãma rowẽ za'ra di. Tahawa, te tãma ropisutu za'ra, rob'uiprazé te te tãma sõmri za'ra da.

Roma 1:32

'Re ihâimana u'âsi mono hã ma tô ãne na da'ãma sima roti siro, dapo're'õ na 're danomro mono wa, isiré i'rata za 're idahâimana u'âsi za'ra mono õ na hã. Dapo're'õ norĩ ma hã, ãne hã tãma waihu'u pese za'ra di. Tane nherẽ, te tihâimana wasété si te te sima 're 'ruiwapari u'âsi za'ra, te te 're rẽme za'ra mono ãna. Tane nherẽ, uburé tiwasédé hã te te 're i'manharĩ za'ra mono zém nhipai u, te duré marĩ iwasédé hã te te 're 'manharĩ za'ra. Ni'wam norĩ hã isine 're hâimana wasété za'ra mono wa, te ta norĩ si te te 're wẽsãmri za'ra.

Roma 12:9

Taré asimizawizé hã aima 're hâimana za'ra wa'aba mono tõ da, te za tô sena na asimizawi pese zé hã aima 're hâimana u'âsi za'ra wa'wa. Uburé marĩ wasété nhiti, te za 're aihâimana za'ra wa'aba mo, asiwi 're wẽ'õ pese za'ra wa'aba mono sina. Uburé aihâimanazé iwẽ na si te za oto 're aihâimana za'ra wa'aba mo.

Filipu 1:18

Tane nherẽ, wẽ di tô, ĩma hã. Ni'wam norĩ hã simirosa'rata wẽ na Cristu te te dama 're wasu'u za'ra mono wamhã, duré ni'wam norĩ hã sima si te te 're irosa'rata za'ra mono zéb zarina, Cristu te te dama 're wasu'u za'ra mono nherẽ, wẽ di duré tô ĩma hã. E marĩ wa. Cristuhu si te te dama 're wasu'u za'ra mono wa, ta norĩ hã. Taha si tô ipire uptabi hã te tô wama 're hâimana. Tahawa, ãma ĩto ti, wa hã. Ĩ'ãma 're aimreme zusi aba mono zéb zarina, duré Zezu Cristuhu pẽ'ẽzani nhimipawaptobzéb zarina, wa za rowẽ na watobro, ãne na ĩma iromhâimana wasété zém hawi. Ãne hã ĩma waihu'u pese wa, wa rowẽ u'âsi 're ĩhâimana tô.

Filipu 1:4

Duré 'Re ihâimana u'âsi mono ma, ai'ãma 're ĩmreme za'ra wa'aba mono sidâpâsi, wa ãma aima 're ĩtoi u'âsi za'ra wa'wa, aihâiba mono bâ wa'aba.

Filipu 3:18

Ni'wam norĩ hã ahâ na Cristuhu zazei'wa 're hâimana za'ra mono newa, te tihâimana wasété zarina, Cristu hã wedepo'o nhonhi'rãmi na dazada idâ'âzé wasu'u da, 're hâimana za'ra. Ã norĩ wasu'u na hã ahâ na wa tô te ãma aima 're rowasu'u za'ra wa'wa. Tane nherẽ, ãhã na wa duré aima ãma sahu za'ra wa'wa, ĩwawa sina te ãma aima rowasu'u za'ra wa'aba nherẽ, rob'ui'éré na hã.

2 Tesalonita 2:12

Tahawa, sisiti te za dazatõrĩ za'ra ropipa u, tô sena iwasu'uwẽ hã da te 're isaze za'ra mono õ norĩ hã, iwasété si, da te dasima 're iwẽ za'ra mono norĩ hã.

2 Zuwã 1:4

Ni'wam norĩ hã asiré 're i'aihâimana za'ra wa'aba mono norĩ hã iwasu'uwẽ tô sena zarina si te, u, 're hâimana za'ra, Wamama te te wama 're i'aroti mono zéb zarina si. Ãne hã te wapari wamhã, ma tô iwasu'u wẽ za'ra hã ĩma rowẽ waze. Tahawa, ĩtoi uptabi di, ãhã na mono hã.