1 Corĩtu 13:11 - ꞌRe Ihâimana Uꞌâsi Mono Zadawa Wasuꞌu

¹¹ Wa hã ai'uté na 're ĩhâimana mono ré hã, ai'uté mreme na, wa tô 're ĩmreme aré. Duré ai'uté nhimirosa'rata na, wa tô te 're rosa'rata aré, ĩpẽ'ẽ 'remhã. Tane nherẽ, oto ĩprédu wamhã, ai'uté hâimanazém ne na, 're ĩhâimana mono õ di oto. Wa tô oto rẽme pese, ai'utére ré 're ĩhâimana mono zé hã.

1 Corĩtu 13:11 ပူးပေါင်းရင်းမြစ်များ

Mateu 16:7

Tawamhã isiré 're inomro mono norĩ hã ma tô sima nharĩ za'ra, ãne: — Ãté õ hã i'u'ẽtẽ wapu hã wa te wei wasiré 'mai'âri za'ra õ wa, ma tô ãne wama nharĩ za'ra.

1 Corĩtu 13:10

Tane nherẽ, nimahã bâtâ na Zezusi hã apâ wei morĩ wamhã, isine za oto 're wahâimana za'ra mono wa, tâibâ za oto suru na 'Re ihâimana u'âsi mono zadawa wasu'u, wa te 're iwaihu'u za'ra mono zé hã. Duré tâibâ za oto suru na Ipẽ'ẽzani na, wa te 're irowaihu'u za'ra mono zé hã.

1 Corĩtu 13:12

Tane duré, wa norĩ hã dasi'madâ'âzé i'uzurire na ãma 're idasi'madâ'â pibui prã za'ra mono ne, 'Re ihâimana u'âsi mono hâimanazé hã wama waihu'u prã za'ra di, ti'ai ãma 're wahâimana za'ra mono ré hã. Tane nherẽ, nimahã na si, wa za 'râwi wa te 're 'madâ'â za'ra oto, 'Re ihâimana u'âsi mono hã. Tawapsi wama waihu'u pese za'ra di za oto, 'Re ihâimana u'âsi mono hâimanazé hã. 'Re iwahâimana za'ra mono zém na, te te 're iwa'awaihu'u pese mono ne, wama waihu'u pese za'ra di za oto duré.

1 Corĩtu 14:20

Ĩsisãnawã norĩ, ai'uté norĩ hã siwa'ru te te sima 're irosa'rata za'ra mono ne, asima ãma 're rosa'rata za'ra wa'aba mono õ di za, te aima ãma irowasu'u za'ra wa'aba zém na hã. Duré ai'utépré norĩ hã tiwasédé te te 're i'manharĩ za'ra mono õ ne, te za aiwasété ãna 're anomro aba mo. Aihâimana prédub sina, te za asima ãma 're irosa'rata u'âsi za'ra wa'aba mo.

Galata 4:1

Ãne wa za duré marĩ hã aima waihu'u za'ra wa'wa, romnhimiré'é na iwaihu'u za'ra wa'aba zéb da hã. Ãté ai'uté mama tõ hã te 're 'maihâimana, 'watébrémi hã. Prédu wapsi, ite hã za, imama hã dâ'â õ ré, tinhibrom na te te tãma ãma iropisutuzé hã. Tane nherẽ, uburé timama nhibrob ré, za 're hâimana mono nherẽ, prédub õ ré te za danhimarĩ ãna te te dama 're iromhuri za'ra mono norĩ ne, 're hâimana. Te za a'â da te dasiwi 're 'madâ'â, hâimana wẽ na 're hâimana mono zô. Imama nhibro hã te za duré da te tãma 're 'madâ'â pese, 'watébrémi ma. Ãne te za a'â i'ra hã 're hâimana, ãma iwahubzé hã bâdâ hã iwa waptã'ã õ ré, imama tinhibrom na te te tãma iropisutuzém na hã.

1 Samuéu 3:7

Tawamhã Samuéu hã zahadu te te waihu'u õ di, Uburé Danhib'apito hã. E marĩ wa. Zahadu 'Re ihâimana u'âsi mono niwamhã te te tãma nharĩ õ wa.