1 Corĩtu 12:16 - ꞌRe Ihâimana Uꞌâsi Mono Zadawa Wasuꞌu

¹⁶ Ãté wapo're hã te aré duré wama te te 're nharĩ za'ra, ãne: “Wa hã atõmo õ di. Tahawa, wa taré aihâiba na ai'ãma 're ĩhâimanare. Marĩ dai õ di, wa hã.” E ãne hã aré duré i'uwaibaba. Mare di. Pire na te tô wama 're hâimana u'âsi za'ra, wapo're hã.

1 Corĩtu 12:16 ပူးပေါင်းရင်းမြစ်များ

Roma 12:10

Dasisãnawãi uptabi 're idasisawi pese za'ra mono ne, te za a norĩ wa'wa hã 're asisawi pese za'ra wa'aba mo, Cristuhu ãma asisãnawã oto asiré 're aihâimana za'ra wa'aba mono wa. Te za duré 're asiwazé pese za'ra wa'aba mo.

Roma 12:3

'Re ihâimana u'âsi mono hã tinhimizawi pese zéb zarina, ma tô ĩpisutu, isadawa wasu'u'wa na oto 're ĩhâimana mono da. Tahawa, wa za oto ãne na aima roti pese za'ra wa'wa. Dama aipire na, duré dama aiwẽ na 're aihâimana za'ra wa'aba mono õ nherẽ, 'râwi aipire na 're asi'madâ'â za'ra wa'aba mono õ di za. 'Re ihâimana u'âsi mono, ma tô te te sima 're aipisutu za'ra wa'wa, õhõ ãma si oto 're anomro aba mono da. Tane nherẽ, aihĩni isazei'wa, asiré 're anomro aba mono nherẽ, ni'wam norĩ si te isazei pese 'wa hã 're hâimana za'ra. Duré ni'wam norĩ hã isazei prãi 'wa, te 're hâimana za'ra. Isazei prãi 'wa norĩ hã 're sazei pese za'ra wa'aba mono newa, 'râwi asi'ãma 're rosa'rata za'ra wa'aba mono õ di za, 're sazei pese za'ra wa'aba mono õ nherẽ.

1 Corĩtu 12:15

Ãne, wa za duré aima ãma simiré'é za'ra wa'wa taré, wahâiba na marĩ hã wama 're ihâimana za'ra mono zém na hã. Ãté wapara, te aré wama te te 're nharĩ za'ra, ãne: “Wa hã asib'rata õ di. Tahawa, wa taré aihâiba na ai'ãma 're ĩhâimanare. Marĩ dai õre di, wa hã.” E ãne hã aré i'uwaibaba. Mare di. Pire na te tô wama 're hâimana u'âsi za'ra, wapara hã.

1 Corĩtu 12:17

Duré, wahâiba na watõmo si wama 're hâimana za'ra mono 'wa'âhã, e niha wa aré 're wanhimipari za'ra. 'Re wanhimipari waihu'u za'ra mono õ di aré, tô. Duré wahâiba na wapo're si wama 're hâimana za'ra mono 'wa'âhã, e niha wa aré duré 're wanhimhã za'ra. 'Re wanhimhãi waihu'u za'ra mono õ di tô aré.

1 Corĩtu 12:22

Nima norĩ hã wahâiba na marĩ hã wama 're ihâimana za'ra mono hã sib'uware na wama 're hâimana za'ra mono newa. Tane nherẽ, te tô pire na wama 're hâimana za'ra.

Filipu 2:3

'Râwi asima si 're irosa'rata za'ra wa'aba mono zéb zarina, marĩ hã asima 're 'manharĩ za'ra wa'aba mono õ di za. Duré aipire na dama 're aihâimana za'ra wa'aba mono newa, taré asina 're aiwata za'ra wa'aba mono da, marĩ hã asima 're 'manharĩ za'ra wa'aba mono õ di za. Duré dama aipire na 're asi'madâ'â ze za'ra wa'aba mono õ di za. Taha wa'rãmi te za iwẽ na si 're idahâimana wazéb za'ra wa'aba mo, aima dapire na da'ãma 're irosa'rata za'ra wa'aba mono zéb zarina.