1 Corĩtu 11:9 - ꞌRe Ihâimana Uꞌâsi Mono Zadawa Wasuꞌu

⁹ Duré aibâ hã pi'õi ma, 're hâimana mono da, te te poto õ di, 'Re ihâimana u'âsi mono hã. Pi'õ si, ma tô tãma poto, aibâ ma, 're ihâimana mono da hã.

1 Corĩtu 11:9 ပူးပေါင်းရင်းမြစ်များ

Zenezi 2:18

Taha pari te duré Uburé Danhib'apito hã tinha ãne: — Aibâ siwaprosi 're ihâimana mono da hã wẽ õ di. Tahawa ni'wa te te 're ipawapto mono 'wa da hã wa za tãma 'manha, ihâiba a'âri'wa hã.

Zenezi 2:20

Si norĩ hã, uburé abaze da te 're itébré za'ra mono norĩ hã duré rom na 're ihâimana za'ra mono norĩ hã ma tô te te anhisi, imono bâ. Tane nherẽ, zahadu ihâiba a'âri'wa ipawapto'wa da hã tãma 'maihâimana õ di.

Zenezi 2:22

Tawamhã taha waihi na ma tô pi'õ 'manha. Taha pari, te aibâ tẽmemhã oto saprõ.

1 Corĩtu 11:10

Tahawa, isazei'wa norĩ hã rowahutu u 're si'rã'õtõ mono wamhã, pi'õ norĩ hã te za tô 'rã ubu ré dasiré 're hâimana za'ra. E marĩ wa. Timro norĩ zapari 're ihâimana za'ra mono zém na, da te ãma 're waihu'u za'ra mono da, duré hâiwa ãma 'Re ihâimana u'âsi mono ma romhuri'wa norĩ hã te te iré 're 'madâ'â za'ra mono wa, te te siwi 're wẽ'õ za'ra mono tõ da, zudeu'õ norĩ hâimanazé hã te te sina 're uwaimrami za'ra mono da.