1 Corĩtu 11:22 - ꞌRe Ihâimana Uꞌâsi Mono Zadawa Wasuꞌu

²² E niha. E asõrõwa hã aima 're hâimana za'ra wa'aba mono ã bâ, asapa'abâ asa hã iwa 're ihuri aba mono zéb da hã. Asiré 're asi'rã'õtõ aba mono ré, ãne hã asiwi 're 'manharĩ wasété za'ra wa'aba mono wamhã, asiré 'Re ihâimana u'âsi mono nhib'a'uwẽ, 're i'ruiwapari za'ra wa'aba mono zé, te aima wasu'u za'ra wa'wa. Ãne hã asima 're 'manharĩ wasété za'ra wa'aba mono wa, te duré isimarĩ'õ norĩ hã 're wazéb za'ra wa'aba mono ãna, 're aihâimana za'ra wa'aba mo. Ãne wamhã, e niha wa za ai'ãma waihu'u za'ra wa'wa. E ãne zarina, wa za duré ai'ãma 're ĩwata za'ra wa'wa. Mare uptabi di, ai'ãma 're ĩwata za'ra wa'aba mono da hã.

1 Corĩtu 11:22 ပူးပေါင်းရင်းမြစ်များ

Provébiu 17:5

Ni'wa hã isimarĩ'õ ãma 're wa'ẽi mono wamhã, taha u'âbâ te duré 'Re ihâimana u'âsi mono ipoto'wai ãma hã te te 're wasété. Duré ropipa hã dazô watobro wa, te te da'ãma sima irowẽ hã, tãma rob'manharĩ wasété ãna ihâimana da hã, mare di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:28

Tahawa, te za 're asi'madâ'â pese za'ra wa'aba mo, 're anomro wẽ wa'aba mono da. Duré isazei'wa norĩ hã te za 're i'madâ'â pese za'ra wa'aba mo, siré 're isi'rã'õtõ mono norĩ hã. 'Re ihâimana u'âsi mono pẽ'ẽzani hã ma tô sima aipisutu za'ra wa'wa, isazei'wa norĩ hã tãma 're 'madâ'â za'ra wa'aba mono da. Ti'ra wapru na ma tô isazei'wa norĩ hã wa'â, tite da. Tahawa, pone'ẽrebâ 'madâ'â'wa norĩ ne, te za 're ida'madâ'â pese za'ra wa'aba mo, 'Re ihâimana u'âsi mono nhib'a'uwẽ norĩ hã.

1 Corĩtu 10:32

Marĩ hã 're 'manharĩ za'ra wa'aba mono õ di za oto, da te ãma 're ai'madâ'â za'ra wa'aba mono wa, dawasété u 're darere'e mono tõ da. Ãne hã dazada 're 'manharĩ za'ra wa'aba mono õ di za, zudeu norĩ da, duré zudeu'õ norĩ da, duré 'Re ihâimana u'âsi mono nhib'a'uwẽ 're ihâimana za'ra mono norĩ da.

1 Corĩtu 11:17

Aimawi na wa za oto aima ãma roti za'ra wa'wa, aihâimanazém na 're i'upa za'ra wa'aba mono zém na hã. Tahawa, ai'ãma ĩwata za'ra wa'aba õ di za, ãhã na hã. Rowahutu u asiré 're asi'rã'õtõ aba mono wamhã, asiptete sina Cristuhu ãma 're anomro aba mono zéb da, 're asipawaptob za'ra wa'aba mono õ di. Marĩ na si, ma tô i'upana asiwi 're iro'wa'rutu za'ra wa'aba mo.

1 Corĩtu 11:2

A norĩ wa'wa hã te oto ĩ'ãma 're aipo're pu'u u'âsi za'ra wa'aba mo, 're ĩhâimana mono zém na hã, duré uburé te aima ãma 're irowasu'u za'ra wa'aba mono zém na zama. Isazei'wa norĩ 're ihâimana za'ra mono zém na roti hã da te ĩma 're iwaihu'u za'ra mono zéb zarina, te oto 're anomro u'âsi aba mo, te aima ãma 're iroti za'ra wa'aba mono zéb zarina si. Tahawa, wa ai'ãma 're ĩwata u'âsi za'ra wa'wa.

1 Corĩtu 11:34

Ni'wam norĩ hã asiré 're ihâimana za'ra wa'aba mono norĩ hã, mra te te 're simroi mono wamhã, tinhorõwa ãma si te za a'â tisa hã te te 're huri. Taha parip si, te za oto asitẽme 're aihutu aba mo, asiré 're asi'rã'õtõ aba mono da. 'Re ihâimana u'âsi mono hã te te siwi 're aiwẽ'õ za'ra wa'aba mono tõ da, te za ãne si i'uwaibaba 're i'manharĩ za'ra wa'aba mo. Nimahã na, ãma atẽme ĩmorĩ aba wapsi, wa za aimawi na aima ãma roti za'ra wa'wa, rob'ui'éré na we asiwi ĩzadanharĩ za'ra wa'aba zém na hã.

1 Corĩtu 15:9

Wa hã uburé ĩsiré Zezusihi zadawa wasu'u'wa norĩ zapari, wa 're ĩhâimana, tãma ĩwapu za'ra na. E marĩ wa. Te sazei õ ré, wa tô 'Re ihâimana u'âsi mono nhib'a'uwẽ ma, te tãma 're rob'manharĩ wasété u'âsi za'ra. Tahawa, ibâi õ di aré, isadawa wasu'u'wa na, da te 're ĩwaptẽrẽ za'ra mono zé hã.

1 Timotiu 3:5

Ni'wa hã isõrõwa 're, 're ihâimana za'ra mono norĩ 're nomro wẽ mono da, te te 're 'madâ'â pese za'ra mono õ nherẽ, e niha te za tawamhã õ hã 'Re ihâimana u'âsi mono zazei'wa norĩ hã te te 're 'madâ'â wẽ za'ra duré, 're nomro wẽ mono da, ta norĩ zama. Tãma hã waihu'u õ di za tô.