E marĩ wa. Isazei'õ'wa norĩ 're ihâimana za'ra mono zéb zarina, zahadu 're anomro aba mono wa. Tahawa, te zahadu 're asi'ruiwapari za'ra wa'aba mo, marĩ na. Te duré 're asisada'âbâ u'âsi za'ra wa'aba mo. Ãne na 're aihâimana za'ra wa'aba mono zé hã, e marĩ te aima wasu'u za'ra wa'wa. Cristu hã 're saze za'ra wa'aba mono õ ré, aiwasété na 're aihâimana za'ra wa'aba mono zé, zahadu 're irẽme waihu'u za'ra wa'aba mono õ zé, te aima wasu'u za'ra wa'wa, isazei'õ'wa norĩ 're ihâimana za'ra mono zém ne hã.
1 Corĩtu 11:18 - ꞌRe Ihâimana Uꞌâsi Mono Zadawa Wasuꞌu18 Ãne uimrehẽne, wa za a'â ai'ãma za'ra wa'aba rob'ui'éré. Ma tô we ĩma aiwasu'u za'ra wa'aba ni, asiré 're asi'rã'õtõ aba mono nherẽ, asima aipo'o aba na hã, 're asisada'âbâ za'ra wa'aba mono 'ru te. Ãne na suru na wa tô dazaze, da te we ĩma aiwasu'u wasété za'ra wa'aba zém na hã. Ãté tô sena, ãne na hã. အခန်းကိုကြည့်ပါ။ |
1 Corĩtu 11:18
4 ပူးပေါင်းရင်းမြစ်များ
Tawamhã wa tô duré aiwasu'u wasété 'wa hã wapa, ni'wa airob za'ra wa'aba ãma asiré wa'aba nherẽ, pi'õ na hâimana wasété na 're ihâimana mono na hã. Ta hã te, u, timama mro tém na 're hâimana. Ãne hã wasété uptabi di, 'Re ihâimana u'âsi mono ma hã. Isazei'õ'wa norĩ hã 're hâimana wasété uptabi za'ra mono nherẽ, ta norĩ ma zama, wẽ za'ra õ di, ãne hã. Tane nherẽ, te asiré isazei'wa hã dame 're 'maihâimana wasété, aibâ hã. Ãne hã wasété uptabi di.
Ni'wa hã asiré isazei'wa nherẽ, marĩ hã te te aiwi 're 'mai'manharĩ wasété aba mono wa, sada 're ai'maihâimana za'ra wa'aba mono wamhã, e isazei'õ'wa norĩ u, te za 're isimroi wa'aba mo, marĩ te te aiwi 're i'manharĩ wasété aba mono zém na, tãma 're wasu'u za'ra wa'aba mono da, da'ãma rowairébé'wa norĩ ma. Mare di. I'uwaibaba õ di. 'Re ihâimana u'âsi mono nhib'a'uwẽ u si, te za 're isimroi wa'aba mo, ta norĩ si te te 're waihu'u za'ra mono da, marĩ hã te te aiwi 're i'manharĩ wasété za'ra wa'aba mono zém na hã, tãma 're wasu'u za'ra wa'aba mono da.
ကြော်ငြာတွေ