1 Corĩtu 11:13 - ꞌRe Ihâimana Uꞌâsi Mono Zadawa Wasuꞌu

¹³ E tawamhã i'uwaibaba, te za pi'õ norĩ hã 'rãi ubu ãna, 'Re ihâimana u'âsi mono ma, 're mreme zusi, isazei'wa norĩ hã siré 're si'rã'õtõ mono wamhã. Ma'ãpé, a norĩ wa'wa hã asi'uihâ na ãma waihu'u za'ra wa'aba, ãne na hã.

1 Corĩtu 11:13 ပူးပေါင်းရင်းမြစ်များ

Luca 12:57

Uburé ma, te duré dama tinha, ãne: — E marĩ wa, asina 're roti wẽ za'ra wa'aba mono õ di, iwẽ hã 're 'manharĩ za'ra wa'aba mono da. Wa za ãma simiré'é, ãne: Ãté, ni'wa hã te za asaprõ, da'ãma 're irowairébé mono 'wa, 're isãmra mono zéb u. Marĩ 'manharĩ wa, te za asaprõ, te te tãma aiwasu'u da. Tahawa, te za bâdâdi na ane wa'aba ré, tãma asiwasu'u aiwasété na, rowairébé'wai u te te asaprõni tõ da, damrami'wai ma, te te duré ai'ru tõ da, dazazéb 're, te te asẽrẽ tõ da.

Zuwã 7:24

Ma'ãpé atõmo na dahâiba mana wawi, asiwi 're ida'madâ'â za'ra wa'aba mono zéb zarina si, asiwi 're dawẽ'õ za'ra wa'aba mono tõ, i'uwaibaba si 're dawaihu'u za'ra wa'aba mono da.

1 Corĩtu 10:15

A norĩ wa'wa hã te oto asimiza'rese 're aihâimana za'ra wa'aba mo, tô. Tahawa, ãhã na te aima ãma irowasu'u za'ra wa'aba zém na, te za ãma 're irosa'rata pese za'ra wa'aba mo, i'uwaibaba te ãma aima 're i'a'uwaimrami aba mono zô.

1 Corĩtu 11:14

Aibâ norĩ hã séré pa ré, 're nomro mono wamhã, wẽ'õ nherẽ, te siséb ãna iré 're hâimana za'ra, tihâimanazéb zarinai õ nherẽ. Ãne hã 'râwi wapẽ'ẽ na dahâimanazém na, wa te wasina 're iwaihu'u za'ra mono zéb zarina, wa ãne na aima ãma roti za'ra wa'wa.

1 Corĩtu 14:34

Isazei'wa norĩ, asiré 're asi'rã'õtõ aba mono wamhã, pi'õ norĩ hã te za ari'iwi dame 're si'ubumro, 're iwahâimana za'ra mono zéb zarina. Timro norĩ zapari, te za tô 're hâimana za'ra pi'õ norĩ hã, duréihã 'Re ihâimana u'âsi mono nhimiroti na, Mozési ãne na te te ãma irob'ui'érézéb zarina. Tahawa, asiré 're asi'rã'õtõ aba mono wamhã, pi'õ norĩ hã te te sima 're robzanhamri za'ra mono õ di za, timreme na asima 're rowasu'u za'ra wa'aba mono ré, te te 're ro'wa'rutu tõ za'ra mono da.