Ãne ma tô wahi'rata norĩ ma tiromhâiba duréihã, tiwasédé te te 're i'manharĩ za'ra mono zéb zarina, 'Re ihâimana u'âsi mono te te 're ihâ za'ra mono zém na, da te 're waihu'u za'ra mono da. Ma tô duré ãne na ni'wa hã ãma rob'ui'éré, ãma 're iwasipo're pu'u za'ra mono zéb da hã, isine wa te 're 'manharĩ za'ra mono tõ da. Romhuture di oto, waré za'ra irob'rãsutuzéb u hã. Tahawa, wa za wanhimiza'rese 're wahâimana u'âsi za'ra.
1 Corĩtu 10:6 - ꞌRe Ihâimana Uꞌâsi Mono Zadawa Wasuꞌu6 E marĩ, te tawamhã wama wasu'u za'ra, ãne na wahi'rata norĩ wasu'u hã. Ta norĩ ne, wawasété si, wa te wasima 're 'ruiwapari za'ra mono tõ da, te wama wasu'u za'ra. အခန်းကိုကြည့်ပါ။ |
1 Corĩtu 10:6
12 ပူးပေါင်းရင်းမြစ်များ
Tahawa, rowẽ uptabi na 're iwanomro mono zéb zô si, wa za wasima 're wanhopré u'âsi, ãma 're wahâimana u'âsi za'ra mono da. Duréihã Izaraéu nhihudu norĩ hã a'ubuni wi 're nomro mono ré, 'Re ihâimana u'âsi mono nhimiroti te te siwi wẽ'õ pese za'ra wa, ta norĩ hã te te sina uwaimrami za'ra õ di, 're idawa'utu u'âsi za'ra mono zé hã. Ta norĩ ne, wa te wasiwi 're simini tõ za'ra mono da, wa za tô taha zô si wasima 're wanhopré u'âsi, iwẽ uptabi zô si.
Ãhã wa, Cristu hã dâ'â pari oto duré hâiwa'utu wamhã, ti'ai ãma danhib'rata na da te 're i'ri za'ra mono 'remhã, sébré õ di, 'Re ihâimana u'âsi mono iwa 're isãmra mono zéb u hã. E marĩ wa. Ta hã ti'ai ãma 'ri hã, hâiwa ãma 'ri i'uptabi ne si 're hâimana mono wa, duré i'uptabi õ wa. Hâiwa ãma 'Re ihâimana u'âsi mono hã iwa 're isãmra mono zéb u si ma tô ãzé Cristu hã, tame te te oto wa'ãma 're romhuri u'âsi mono da, Timama nho'a.
Ta hã â hã, â dawabzuri, te wasu'u, danho'reptuzé. E da'u're wa, da'upsõzé, te â dawabzuri hã wasu'u. Mare di. 'Re ihâimana u'âsi mono ma, da te dasi'ãma 're iropisutu za'ra mono zé te wasu'u, â dawabzuri hã. Dawasédé te te dama 're apari mono wa, 'râwi 're dasiwaihu'u za'ra mono õ di oto, dawasété na hã. Tahawa, dama 're irowẽ za'ra mono zéb zarina, te za oto dasina da te tãma 're ropisutu za'ra, ãma 're idanomro mono zéb da hã. Zezu Cristu hã dâ'â uptabi nherẽ, Imama hã ab're hawi te te hâiwa'utu wa, duré apâ 're morĩ wa, te oto asõ'reptuzé hã aima tihâimana za'ra wa'wa.
Duré ãma asipo're pu'u za'ra wa'aba, duréihã Sodoma na 'ri nho'õmo nhisi ãma 're idahâimana wasété za'ra mono norĩ ãma, duré Gomora na 'ri nho'õmo nhisi ãma 're idahâimana wasété za'ra mono norĩ ãma, duré i'rata 'ri wa'õtõ mono bâ 're idahâimana wasété za'ra mono norĩ ãma hã. Tamemhã ma tô uburé dahâimana wasété uptabi na 're dahâimana za'ra, dasiwazari. Dahâiba na ma tô dasina 're danhimisaihuri za'ra. Duré aibâ nherẽ, ma tô aibâ si'uiwa na dasina 're dawasété za'ra. Hâiwa ãma aré te te 're iromhuri za'ra mono norĩ hã, 'Re ihâimana u'âsi mono hã te te 're iwapari za'ra mono õ ne, da te 're wapari za'ra mono õ di. Tahawa, ma tô unhama ro'o na dama rob'manharĩ za'ra, 'Re ihâimana u'âsi mono hã, da te 're robzépata u'âsi za'ra mono da, wẽ te bâ, unhama ro'o u'âsi na. Taha na te za ãma 're dasipo're pu'u u'âsi za'ra, ta norĩ zarina ãma 're danomro wasété tõ mono da, isirã za'ra zéb zarina.
ကြော်ငြာတွေ