1 Corĩtu 10:5 - ꞌRe Ihâimana Uꞌâsi Mono Zadawa Wasuꞌu

⁵ Tane nherẽ, ãne na 'Re ihâimana u'âsi mono te te 're dapawapto mono nherẽ, ma tô da'ahâ na siwi da'awẽ'õ, dapo're ãna 're danomro mono 'ru te. Tahawa, a'ubuni wi 're danomro mono ré, ma tô te te 're da'a'uprosi, danhimizahâri mono sidâpâsi.

1 Corĩtu 10:5 ပူးပေါင်းရင်းမြစ်များ

Salmu 95:11

Tahawa, ĩnhiti'ru na ĩhâimana wa, wa tô duré ãne ropisudu hã 'manha: ‘Ta norĩ hã niwamhã ti'a na ropisudu ihâimana u isisisi da hã mare di za, 're idawa'utu za'ra mono zéb da, ti'a za te isõmri u hã.’ ”

Hebreu 3:17

Duré, e 'wam norĩ hã ma tô bété 'Re ihâimana u'âsi mono hã siwi wẽ'õ pese za'ra, Mozési hã Ezitu hawi te te dazani za'ra pari, 40 na da'ãma wahub ré, a'ubuni wi 're danomro mono ré hã. Tô õ norĩ hã tiwasédé te te 're i'manharĩ za'ra mono norĩ hã ma tô siwi wẽ'õ pese za'ra. Tiwasédé hã te te 're i'manharĩ za'ra mono zéb zarina, ma tô a'ubuni wi ai'utõ, ta norĩ hã. Ma'ãpé ta norĩ wasu'u na 're asipo're pu'u za'ra wa'aba mono duré, waihu'u za'ra wa'aba da.

Zuda 1:5

Wa za oto ãma aipo're pu'u za'ra wa'wa, aima waihu'u pese za'ra wa'aba nherẽ. Duréihã Wanhib'apito hã ma tô Izaraéu nhihudu norĩ sõ'reptu za'ra. Ezitu hawimhã ma tô sani za'ra. Tawamhã te te sõ'reptu za'ra nherẽ, ni'wam norĩ hã te te sina 're i'umnhasi za'ra mono õ norĩ hã ma tô uprosi.