1 Corĩtu 10:3 - ꞌRe Ihâimana Uꞌâsi Mono Zadawa Wasuꞌu

³ Duré a'ubuni wi 're danomro mono ré, 'Re ihâimana u'âsi mono, hâiwa hawi te te 're idapawapto mono na, ma tô dasa da te 're huri, aihĩni.

1 Corĩtu 10:3 ပူးပေါင်းရင်းမြစ်များ

Neemia 9:15

Izaraéu nhihudu norĩ, mram na 're hâimana za'ra mono ré hã, ma tô i'u'ẽtẽ wapu hâiwa hawimhã tãma 're isõmri za'ra mo. Duré 'rubu na 're hâimana za'ra mono wamhã, ma tô ẽtẽ tõmo wawẽ hawimhã â hã tãma ipu'u za'ra. Duré ti'a, õ norĩ ma, sõmri da, tãma iropisutu za'ra zéb zarina, ma tô tãma i'ru za'ra, te te siwi âri da hã oto.

Neemia 9:20

Ma tô Aipẽ'ẽzani iwẽ hã tãma isõmri za'ra, niha na marĩ te te 're i'manharĩ za'ra mono zém na, te te ãma tãma 're irowasu'u za'ra mono da hã. Hâiwa hawi mana na ma tô duré i'asaihu. Ma tô duré â hã tãma ipu'u za'ra, 'rubu ãma tãma wĩrĩ za'ra da hã.

Ezodu 16:15

Izaraéu nhihudu norĩ ã hã te te 'madâ'â za'ra wamhã, te te waihu'u za'ra õ di marĩ hã. Tahawa, te ãma sisada nharĩ za'ra ãne: — E marĩ. Tawamhã Mozési te ãma tãma rowasu'u za'ra ãne: — Ã hã dasa huri aba da, Uburé Danhib'apito we te te aima isõmri za'ra wa'wa.

Ezodu 16:35

Izaraéu nhihudu norĩ hã 40 na wahub 're, ma tô mana hã te te 're huri, ti'ai wa, 're idahâimana siromo za'ra mono 're isihutuzéb u, Cana'ã ti'a zada'ré ãma u.

Ezodu 16:4

Tahawa, Uburé Danhib'apito te Mozésihi ma tinha ãne: — Hâiwa hawi dasa, tã ne aima 're a'a za'ra wa'aba mono da hã wa za te aima ab'manharĩ 'wa. Tahawa, awẽ sidâpâsi te za uburé pese rob u hã sô 're dawairébé, misi bâtâ na dahâiba mono bâ da te dasisa 're ubumroi mono da. Ãne wa za dapibu za'ra, dama ĩnhimiroti za'ra zé, da te 're wapari pese za'ra mono zô.