1 Corĩtu 1:3 - ꞌRe Ihâimana Uꞌâsi Mono Zadawa Wasuꞌu

³ Wamama ma, wa ai'ãma 're ĩmreme u'âsi za'ra wa'wa, 'Re ihâimana u'âsi mono ma, duré Wanhib'apito Zezu Cristuhu ma zama, isimizawizé hã ai'ãma 're hâimana u'âsi za'ra wa'aba mono da, taha paramhã duré rowẽ u'âsi, ãma 're anomro aba mono da.

1 Corĩtu 1:3 ပူးပေါင်းရင်းမြစ်များ

Roma 1:7

'Re ihâimana u'âsi mono ma, asawi pese za'ra wa'aba di. Taha si ma tô aipisutu za'ra wa'wa, isib'a'uwẽ si oto 're anomro aba mono da, tãma. Tahawa, wa ãhã na aima ãma rob'ui'éré za'ra wa'wa, Roma ãma 're aihâimana za'ra wa'aba mono norĩ ma. Wamama ma, wa ai'ãma 're ĩmreme u'âsi za'ra wa'wa, 'Re ihâimana u'âsi mono ma, duré Wanhib'apito Zezu Cristuhu ma zama, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're anomro aba mono da.

1 Corĩtu 1:4

'Re ihâimana u'âsi mono ãma, wa 're ĩwata u'âsi, iwẽ hã te te aima 're sõmri za'ra wa'aba mono wa, Cristu Zezusihi ãma si oto 're i'anomro aba mono zéb zarina.

2 Corĩtu 1:2

Wamama ma, wa ai'ãma 're ĩmreme u'âsi za'ra wa'wa, 'Re ihâimana u'âsi mono ma, duré Wanhib'apito Zezu Cristuhu ma zama, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're i'anomro aba mono zéb da hã.

Éfézu 1:2

Wamama 'Re ihâimana u'âsi mono ma, wa ai'ãma 're ĩmreme u'âsi za'ra wa'wa, duré Wanhib'apito Zezu Cristuhu ma zama, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, ãma 're anomro aba mono da.

1 Pedru 1:2

Aipoto za'ra wa'aba õ ré, ma tô Wamama hã sima aipisutu siromo za'ra wa'wa, 'Re ihâimana u'âsi mono hã, isib'a'uwẽ na oto 're anomro aba mono da. Taha da, ma tô Tipẽ'ẽzani hã aipẽ'ẽ 're aima sõmri za'ra wa'wa, aiwẽ uptabi na oto õhõ ãma si 're anomro aba mono da, duré Zezu Cristuhu nhimiroti si 're wapari pese za'ra wa'aba mono da, duré Cristu hã dazada idâ'âzéb zarina, aipẽ'ẽ 're te te 're ai'a'upsõi wa'aba mono wa, aiwasété ãna ãma 're anomro aba mono da oto. 'Re ihâimana u'âsi mono ma, wa ai'ãma 're ĩmreme u'âsi za'ra wa'wa, isimizawizé hã ai'ãma 're hâimana u'âsi za'ra wa'aba mono da, rowẽ u'âsi, duré ãma 're anomro aba mono da, taha ãma si.