1 Corĩtu 1:26 - ꞌRe Ihâimana Uꞌâsi Mono Zadawa Wasuꞌu

²⁶ Ĩsisãnawã norĩ, ma'ãpé asina aipo're pu'u za'ra wa'aba, 'Re ihâimana u'âsi mono, tinhib'a'uwẽ da, te te 're aipisutu za'ra wa'aba mono õ ré, 're aihâimana 'rata za'ra wa'aba mono zém na. Ai'umro wa'aba na si ma tô asiré norĩ ma, asimirosa'rata waihu'u pese na si, aré 're aihâimana za'ra wa'aba mo. Ai'umro wa'aba na si, ma tô asima aipire na aré 're aihâimana za'ra wa'aba mo. Ai'umro wa'aba na si, ma tô dama ipire norĩ 'ra na 're aihâimana za'ra wa'aba mo aré. Ai'ahâ wa'aba na ma tô dama aiwapu na dama 're aihâimana za'ra wa'aba mo.

1 Corĩtu 1:26 ပူးပေါင်းရင်းမြစ်များ

Luca 10:21

Tame 'Re ihâimana u'âsi mono pẽ'ẽzani te te tãma iwaihu'uzéb zarina, te 're to, Zezusi hã. Toi uptabi di oto. Tahawa, te Timama ma tinha, ãne: — Ĩmama, a hã Danhib'apito uptabi, hâiwa ãma zama, ti'ai ãma zama. Ã norĩ hã marĩ te te waihu'u za'ẽtẽ za'ra õ di. Tane nherẽ, ma tô marĩ iwẽ hã tãma iwaihu'u za'ra. Rowaihu'u pese 'wa norĩ ma hã, marĩ hã iwẽ tãma waihu'u za'ra õ di. Tane tô, Ĩmama. Asima iwẽzéb uwaibaba, ma tô ã norĩ ma si a'â iwaihu'u za'ra, marĩ iwẽ hã. Tahawa, wa ai'ãma ĩwata, asõpru wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:12

Tawamhã danhib'apito hã aibâ itob'a na te te 'madâ'â wamhã, ma tô saze, sena na Zezusihi wasu'uwẽ hã. Wanhib'apito nhimiroti na ma tô duré titob'uzu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:34

Tane nherẽ, ni'wam norĩ hã ma tô Pauluhu ãma sasõmri za'ra. Zezusi hã ma tô saze za'ra. Aibâ hã, Dionizi'u na isisi hã ma tô saze, da'ãma rowairébé'wa norĩ siré Atena ãma, dama ipire uptabi hã. Pi'õ Damarisi na isisi hã ma tô duré saze. Duré ni'wam norĩ hã tamemhã umro na ma tô siré saze za'ra.

Roma 11:29

'Re ihâimana u'âsi mono te te sima 're da'apisutu mono nherẽ, duré marĩ iwẽ na dama 're sõpru mono nherẽ, e te za tinhimirosa'rata na te te ãma 're saprĩ. Mare di. Misi haré, isimirosa'rada hã te tãma 're hâimana u'âsi.

1 Corĩtu 1:20

E niha tawamhã ti'ai ãma rowaihu'u pese 'wa norĩ nhimirowaihu hã. Ta hã 'Re ihâimana u'âsi mono ma hã tarére. Duré danhimiroti waihu'u nhipese na, 'râwi da te dasima ãma 're iroti za'ra mono zé hã tarére tãma hã. Uburé danhimirowaihu'u nhipese na dahâimanazé hã wapure di tãma hã, 'Re ihâimana u'âsi mono waihu'u pese ma hã. Ãne, 'Re ihâimana u'âsi mono hã tiwaihu'u pese na te te dama 're i'ab'manharĩ mono zéb zarina, wa tô waihu'u za'ra ni.

1 Corĩtu 2:13

Tahawa, wa norĩ hã ti'ai ãma danhimirowaihu'u pese zarina, wa te oto dama 're rowasu'u za'ra mono õ di. 'Re ihâimana u'âsi mono pẽ'ẽzani te te wama 're i'aroti mono zéb zarina si, wa oto wa te dama 're rowasu'u za'ra. Ipẽ'ẽ 're, Ipẽ'ẽzani tãma 're ihâimana za'ra mono norĩ ma si, wa isimiroti wẽ hã wa te tãma 're wasu'u za'ra, 'Re ihâimana u'âsi mono hâimanazé wasu'uwẽ na hã.

1 Corĩtu 2:8

Tiwaihu'u pese zarina, 'Re ihâimana u'âsi mono nhimirowaihu iwẽ uptabi hã te te waihu'u za'ra õ di, ti'ai ãma dama roti'wa norĩ isazei'õ'wa norĩ hã. Te te waihu'u za'ra 'wa'âhã, Wanhib'apito, danhipai u iwaihu'u pe hã te te siwi wĩrĩ õ di aré, wedepo'o nhonhi'rãmi na hã.

Filipu 4:22

Uburé 'Re ihâimana u'âsi mono nhib'a'uwẽ norĩ, ãme 're ihâimana za'ra mono norĩ hã te duré ãma asawi za'ra wa'wa. Apito Sézaha nhorõwa ãma 'ri 'rãihâ 're, romhuri'wa norĩ zama te duré ãma asawi za'ra wa'wa dame, wasiré isazei'wa norĩ hã.

Tiagu 2:5

Ĩsisãnawã norĩ, ĩma i'asawi pese za'ra wa'aba norĩ, ma'ãpé ĩwapari pese za'ra wa'aba. Ti'ai ãma, simarĩ ãna 're ihâimana za'ra mono norĩ, ma tô 'Re ihâimana u'âsi mono hã pisutu za'ra, te te sina 're i'umnhasi za'ẽtẽ za'ra mono na si, 're hâimana za'ra mono da, duré da'ãma 're isib'a'uwẽ mono zéb 're rowẽ uptabi na i'rata 're hâimana u'âsi za'ra mono da, isawi'wa norĩ ma, te te tãma iropisutu za'ra zéb zarina.

2 Zuwã 1:1

Wa hã, Wanhib'apito zazei'wa norĩ 'madâ'â'wa, wa ãma aima rob'ui'éré za'ra wa'wa, tinhib'a'uwẽ da, 'Re ihâimana u'âsi mono te te 're i'aipisutu za'ra wa'aba mono norĩ ma. Tame te asiré isazei'wa norĩ me hã, 're asi'rã'õtõ u'âsi aba mo. Pi'õ norĩ hã ti'ra te te 're i'madâ'â pese za'ra mono ne, te 're asi'madâ'â pese za'ra wa'aba mo, isazei'wai mono bâ. Tahawa, sena na hã ĩma asawi pese za'ra wa'aba di. Tane nherẽ, ĩma si asawi za'ra wa'aba õ di. Uburé Zezusihi wasu'uwẽ waihu'u pese 'wa norĩ ma zama, asawi za'ra wa'aba di duré.