1 Corĩtu 1:22 - ꞌRe Ihâimana Uꞌâsi Mono Zadawa Wasuꞌu

²² Zudeu norĩ hã marĩ dama i'manharĩ waihu'u'õ hã, 'Re ihâimana u'âsi mono te te 're i'ab'manharĩ mono zéb zô si, te 're sõpré. Duré zudeu'õ norĩ hã uburé marĩ te te 're iwaihu'u pese za'ra mono zéb da si, te sima te te 're wẽ u'âsi za'ra.

1 Corĩtu 1:22 ပူးပေါင်းရင်းမြစ်များ

Marcu 8:11

Tawamhã farizeu norĩ hã ma Zezusihi u aihutu, isimirowasu'u na te te saze za'ra õ wa, imreme wa'rãmi te te nasi tãma nharĩ za'ra da. Tawamhã Zezusihi wi, te oto rowaptẽrẽ za'ra, tiwaihu'u pese na marĩ dama i'manharĩ waihu'u'õ hã te te tãma 'manharĩ za'ra da. E marĩ da. Tô sena 'Re ihâimana u'âsi mono zadawa para, dama iwaihu'u'õ hã te te 're i'ab'manharĩ mono zô, te te siwi pibu za'ra da. Taré te te siwi wẽ'õ da, te ãne tiwi rowaptẽrẽ za'ra.

Luca 11:16

Ihâiba amo norĩ hã te duré wada'uri za'ra, ãne: — Ma'ãpé wanho'a, marĩ dama i'manharĩ waihu'u'õ hã wama 'manharĩ za'ra na, aiwaihu'u pese na, 'Re ihâimana u'âsi mono zadawa para, wa'uburé, dama 're i'anhamra mono na, wa te ãma aiwaihu'u za'ra da.

Luca 11:20

Tô sena, wa 'Re ihâimana u'âsi mono zadawa para si, te dama 're anhamra, wa'uburé hã. Taha zarina si, te za oto iwaihu'u za'ra wa'wa, tô sena 'Re ihâimana u'âsi mono, ai'ãma 're isib'a'uwẽ za'ra wa'aba mono zéb da, te te ãma isãna'rata na hã.

Zuwã 2:18

Tahawa, te dama ipire norĩ hã tãma nharĩ za'ra, ãne: — E 'wa sadawa para, ma tô idazate mo, rob u. 'Re ihâimana u'âsi mono zadawa para, sate mono wamhã, e marĩ te za i'manha, dama i'manharĩ waihu'u'õ hã wa te ãma aiwaihu'u za'ra da.

Zuwã 4:28

Taha pari, te pi'õ hã oto mo, 'ri tẽme. Sisa'u ma piza hã tirẽ. Wisi wamhã, ma tô dazô hâ awa'awi, ãne: — Oto wasi'aba'réi wa'aba, aibâ hã asiwi sabui wa'aba da. Uburé te 're i'ab'manharĩ mono zé hã ma tô ĩma waihu'u. Ãté õ hã 'Re ihâimana u'âsi mono te te ipisudu, Danho'reptui'wa da.

Zuwã 4:48

Tawamhã Zezusi te asa tãma tinha, ãne: — E niha te za marĩ dama i'manharĩ waihu'u'õ hã te dama 're i'ab'manharĩ mono zéb zarina si 're ĩzaze za'ra wa'aba mo.