1 Corĩtu 1:19 - ꞌRe Ihâimana Uꞌâsi Mono Zadawa Wasuꞌu

¹⁹ Ãne duréihã 'Re ihâimana u'âsi mono mreme na isadawa wasu'u'wa nhimi'ui'éré hã: “Ni'wam norĩ hã ĩnhimirowaihu'u pese na te 're pawaptob za'ra mono õ nherẽ, tinhimirowaihu'u pese na 'râwi 're si'madâ'â ze za'ra mono wamhã, wa za isimirowaihu'u pese zé hã te tiwi 're a'uprosi, ta norĩ wi, ti'ab ré danhimirosa'rata waihu'u pese na 're idahâimana za'ra mono zé hã marĩ dai õ na 'râwi da te dasina 're iwaihu'u pese za'ra mono zéb da hã oto.”

1 Corĩtu 1:19 ပူးပေါင်းရင်းမြစ်များ

1 Corĩtu 3:19

Ti'ai ãma isazei'õ'wa norĩ hã tinhimirowaihu te te sima 're i'ruiwapari u'âsi za'ra mono hã, tarére 'Re ihâimana u'âsi mono ma hã. Duréihã ma tô ãne na ni'wa hã 'Re ihâimana u'âsi mono ãma rob'ui'éré siro, ibaihâ na hã: “'Re ihâimana u'âsi mono hã te isazei'õ'wa norĩ nhimirowaihu'u na 're ihâimana za'ra mono norĩ ma, te te tãma 're rob'manharĩ za'ra, tinhimirowaihu'u pese na, 'râwi 're sisimini za'ra mono da.”

1 Corĩtu 4:10

Cristuhu wasu'uwẽ na si, wa te dama 're rowasu'u za'ra mono wa, te isazei'õ'wa norĩ hã wanhimiza'rese'õ na 're iwahâimana za'ra mono na te te wa'ãma 're rosa'rata upa za'ra. E a norĩ wa'wa hã, 'Re ihâimana u'âsi mono nhimiroti, wanhipai u aima waihu'u pese za'ra wa'aba bâ, te ãne hã 'râwi asimirosa'rada hã asi'ãma 're i'manharĩ za'ra wa'aba mo, Cristuhu ãma 're aihâimana za'ra wa'aba mono na. Duré wa norĩ hã isazei'õ'wa norĩ ma, wawapure na 're iwahâimana za'ra mono na, te ta norĩ hã te te wa'ãma 're rosa'rata za'ra. E a norĩ wa'aba si, tãma aipire za'ra wa'aba bâ, te bété 'râwi ãne na asi'ãma 're irosa'rata za'ra wa'aba mo. Duré wa norĩ hã dama wawapure na 're iwahâimana za'ra mono na, da te wa'ãma 're rosa'rata za'ra mono wa, da te dasiwi 're wawazéb za'ra mono õ di. Ãté a norĩ wa'aba si, da te 're aiwazé pese za'ra wa'aba mono na, te 'râwi asi'ãma 're irosa'rata ze za'ra wa'aba mo. E ãne hã i'uwaibaba. Mare di.

1 Corĩtu 4:6

Ĩsisãnawã norĩ, te 're aipawaptob za'ra wa'aba mono da, wa tô ãne na aima ĩsiwasu'u za'ra wa'wa ĩhâimanazém na hã, Apoluhu hâimanazém na zama. 'Re ihâimana u'âsi mono nhimiroti 'rata na rob'ui'éré zarina si, 're aihâimana za'ra wa'aba mono da, wa tô ãne na aima roti za'ra wa'wa, wasiré rowahutu'wa norĩ hã tisiré norĩ nhimiroti nhipai u, wẽ uptabi newa, ta norĩ niwĩ 're aihâimana za'ra wa'aba mono wẽ te, asina 're aiwata za'ra wa'aba mono tõ da duré.