तीतस 3:7 - पश्चिम तामाङ7 चोले ङ्य्हङ्मा थेङ्की अनुग्रहचे लज्यीम् धर्मी तज्यी, ओसेम् ङ्य्हङ्चे आस् थेन्बे खेमेएनो अबेबे जीवन्की हक्दार् तज्यी। အခန်းကိုကြည့်ပါ။ |
तीतस 3:7
25 ပူးပေါင်းရင်းမြစ်များ
होत्तज्यीम् चु बाचा बीस्वास् ग्यम्से यङ्ब। चु पर्मेस्वर्चे ओलेन्नो न्हङ्बे बर्दान् य्हीन्ब। ओसेम् ङ्य्हङ्मातेङ् अब्रहाम्ल र्हङ्बे बीस्वास् मुज्यी पङ्सम् ङ्य्हङ्माचे मोसाचे ब्रीबे नीयम् ङ्येन्लएनो वुइ अङ्येन्लएनो चु बाचा ङ्य्हङ्मा जम्मचे पक्कनो यङ्ब। तलेपङ्सम् अब्राहाम बीस्वास् स्य्हेङ्बलमा जम्मइ लागीरी आत्मीक् अप य्हीन्ब।
होलेतलेनो ङ्य्हङ्माचे स्येःब, मोसाचे ब्रीबे पर्मेस्वर्की नीयम् म्हन्दीज्यीम् म्ही धर्मी अत, तर येसु ख्रीस्ट्त बीस्वास् स्य्हेङ्ज्यीम्कीनो धर्मी तब। होत्तज्यीम् मोसाचे ब्रीबे पर्मेस्वर्की नीयम् म्हन्दीज्यीम् अय्हीन् तर ख्रीस्ट्री थेन्बे बीस्वास् ग्यम्से धर्मी तबरी ङ्य्हङ्माचेएनो ङ्य्हङ्माकी बीस्वास् येसु ख्रीस्ट्री थेन्ज्यी, तलेपङ्सम् मोसाचे ब्रीबे पर्मेस्वर्की नीयम् ङ्येन्ज्यीम् खलएनो धर्मी अत।
बीस्वास् लज्यीम् नोआचे होदे बेलो सम्म अम्रङ्बे लीक्यम् तस्येकी तम्की बारेरी पर्मेस्वर् ग्यम्सेइ चेतावनीत ङ्येन्ज्यी। थेचे पर्मेस्वर्चे कुल्जेत्पे तम् ङ्येन्ज्यीम् र्हङ्की म्हेम्यमात थर्नलबरी ङ्हच्छ्यङ् दोङ्ग गीः स्य्हेङ्ज्यी। चोले थेइ बीस्वास्चे जम्बुलीङ्त दोसी ङोन्पीन्ज्यी, ओसेम् थेमी बीस्वास् ग्यम्से यङ्बे धार्मीक्ताकी हक् यङ्बे म्ही तज्यी।
र्हेम्बोमा, एङ्यीमाचेएनो र्हङ्की म्रीङ्मात ज्यबे ब्यबहार स्य्हेङ्ज्यीम् स्य्हेस स्य्हेङो, तलेपङ्सम् एङ्यीमाकी म्रीङ्मा एङ्यीमागदे बङ्ज्येन् अरेलेनो पर्मेस्वर्चे न्हङ्बे खेमेनो अबेबे जीवन् एङ्यी म्रीङ् र्हेम्बोमा जम्मचेनो यङ्स्ये मुब। एङ्यीमाकी प्रार्थनारी ताचेएनो उन्न अलखइ पङ्ज्यीम् चोले स्य्हेङो।
ကြော်ငြာတွေ