तीतस 2:14 - पश्चिम तामाङ14 येसु ख्रीस्ट्चे ङ्य्हङ्मात जम्मनो थोइ पाप ग्यम्से फेःपीन्जेत्परी र्हङ्की बुः न्हङ्न्जेत्ज्यी। थेङ्चे ङ्य्हङ्मात चोखो स्य्हेङ्जेत्परी र्हङ्की म्ही स्य्हेङ्जेत्ज्यी, ओसेम् ङ्य्हङ्मात ज्यबे लक् स्य्हेङ्बरी आर् पीन्बे लागीरी चोले स्य्हेङ्जेत्ज्यी। အခန်းကိုကြည့်ပါ။ |
तीतस 2:14
54 ပူးပေါင်းရင်းမြစ်များ
मोसाचे ब्रीबे पर्मेस्वर्की नीयम् अङ्येन्बल तज्यीम् ङ्य्हङ्मात फोःथोबे केम्लङ् ख्रीस्ट्चे ङ्य्हङ्माकी लागीरी नाजेत्ज्यी, ओसेम् थेङ्चे ङ्य्हङ्मात हुजु केम्लङ् ग्यम्से फेःपीन्जेत्पल मुब। तलेपङ्सम् धर्म छ्येःरी, “दोङ्बोरी च्योलाबलमा जम्मनो केम्लङ् फोःबल तब” बी ब्रीबल मुब।
तलेपङ्सम् ङ्य्हङ्मा ख्रीस्ट्तेङ् गीः तबल तज्यीम् पर्मेस्वर्चे ङ्य्हङ्मात थेङ्की म्हीमा तबे लागीरी ङ्य्हङ्मात दम्जेत्पल मुब। होले स्य्हेङ्बे थुः थेङ्चे य्हक्को बेलो ङोन्ग्यम्नो लजेत्ज्यी। चुमी थेङ्चे योजना स्य्हेङ्जेत्प अनुसार् मुबल। थेङ्चे र्हङ्चे थुः लजेत्पतेङ् योजना लजेत्प अनुसार् जम्मनो तम्मा टोप् लजेत्प।
थेङ्री पर्मेस्वर्की ङ्हच्छ्यङ् महीमाकी य्हल् सर्ब ओसेम् थेङ्नो पर्मेस्वर्की देमेन्की रुप् य्हीन्ब। ओसेम् थेङ्की सक्तीसाली फ्रोइ ग्यम्सेनो थेङ्चेनो मुतेङ जम्बुलीङ्की जम्मनो स्हेमात थाम्तीजेत्प। ओसेम् म्हीमात पाप ग्यम्से फेःपीन्बे लक् बुत्प बीसेम् थेङ् महीमीत् पर्मेस्वर्की केत् फ्या पट्टीचे स्वर्गरी स्य्हुजेत्पल मुब।
तर ख्रीस्ट्की कारी ङ्य्हङ्मात सुद्द तनलबे झेन् य्हक्को ङ्हच्छ्यङ् सक्ती मुब। खेमपङ्लेनो तस्यीनो टीजेत्पे पर्मेस्वर्की आत्मा ग्यम्से सीद्द ठा रुप्री ख्रीस्ट्चे र्हङ्तनो पर्मेस्वर्त सोप्तीजेत्ज्यी। होले पङ्सम् ङ्य्हङ्माचे सोम्बो पर्मेस्वर्की सेव स्य्हेङ्ब खम्खइ पङ्ज्यीम् ख्रीस्ट्की काचे लक् अतबे पेठीम् ग्यम्से ङ्य्हङ्माकी बीबेक्त झेन् य्हक्को सुद्द तनलब खम्ब।
ओसेम् ख्रीस्ट्त बीस्वास् अस्य्हेङ्बे म्हीमाकी गुङ्री एङ्यीमाकी ब्यबहार्मा ज्यब तखइ। तलेपङ्सम् थेङ्यीमाचे एङ्यीमात अज्यबे तम्तेङ् लक् स्य्हेङ्बलमा पङ्ज्यीम् एङ्यीमाकी बीरुद्दरी तम् पङ्बतेङ् हुजु बेलोरी थेङ्यीमाचे एङ्यीमाकी ज्यबे लक्मा म्रङ्खइ, ओसेम् पर्मेस्वर् न्याय स्य्हेङ्बरी ब्योन्युबे बेलोरी थेङ्यीमाचे थेङ्त तोप्खइ।
ङइ म्होइबे र्होमा, देरेम् ङ्य्हङ्मा पर्मेस्वर्की ज जमेमा य्हीन्ब, तर लीक्यम् ङ्य्हङ्मा ता तस्ये मुब बी देरेसम्म ताएनो ङोन्बल अरे। तर ङ्य्हङ्मात चु था मुब, ख्रीस्ट् दोःज्यीम् ब्योन्युबे बेलोरी ङ्य्हङ्एनो थेङ् र्हङ्ब तस्ये मुब, तलेपङ्सम् थेङ् खतेब मुब होतेबनो ङ्य्हङ्माचे थेङ्त म्रङ्स्ये मुब।
बीस्वास्योग्य साक्षी ओसेम् स्यीब ग्यम्से सोबलमान्हङ्री जम्मन्हङ्री ङोन्ग्यम् सोजेत्पल, ओसेम् जम्बुलीङ्की ग्यल्बोमाकी ग्यल्बो येसु ख्रीस्ट् ग्यम्से एङ्यीमात अनुग्रहतेङ् सान्ती। येसु ख्रीस्ट्चे ङ्य्हङ्मात म्होइजेत्प ओसेम् र्हङ्की काचे ङ्य्हङ्मात ङ्य्हङ्माकी पाप्मा ग्यम्से फेःपीन्जेत्पल मुब।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
ကြော်ငြာတွေ