9 तलेपङ्सम् पर्मेस्वर्चे चोले बाचा स्य्हेङ्जेत्पल मुबल, “गुरीङ् चु बेलोरीनो ङ दोःज्यीम् खस्ये मुब, ओसेम् हुजु बेलोरी साराचे ज गीः न्हज्यीन्बल तस्ये मुब।”
होत्तज्यीम् चु तम्की बारेरी ङ एङ्यीमात पङ्ब, एङ्यीमाचे चु म्हीमात तेएनो अलनले पीत्लागो। थेङ्यीमाचे स्य्हेङ्बे चु लक्मातेङ् योजनामा म्हीमा ग्यम्से य्हीन्ज्यी पङ्सम् थेङ्यीमा र्हङ्नो म्हज्यीम् य्हर्स्ये मुब।
पर्मेस्वर्चे अब्राहामकी जाच स्य्हेङ्जेत्पे बेलोरी बीस्वास् ग्यम्सेनो अब्राहामचे र्हङ्की ज इसहाक्त ठा पीन्बरी टोप् लज्यी। पर्मेस्वर् ग्यम्सेनो अब्रहामचे बाचा यङ्बल मुबल, तर अब्राहाम र्हङ्की गीःकीनो जत ठा पीन्बरी तयार् तज्यी।