रोमी 9:30 - पश्चिम तामाङ30 देरेम् ङ्य्हङ्मा ता पङ्स्ये? यहुदी अय्हीन्बे म्हीमाचेमी पर्मेस्वर्की ङोन्री धर्मी तब अम्हइ, तर बीस्वास् ग्यम्से थेङ्यीमा धर्मी तज्यी। အခန်းကိုကြည့်ပါ။ |
रोमी 9:30
28 ပူးပေါင်းရင်းမြစ်များ
पर्मेस्वर्चे अब्रहाम्तेङ् थेइ सन्तान्मात जम्बुलीङ्की हक् न्हङ्स्ये मुब बी बाचा स्य्हेङ्जेत्ज्यी। पर्मेस्वर्चे अब्रहाम्त मोसाचे ब्रीबे नीयम् ङ्येन्बल तज्यीम् अय्हीन् तर थेचे पर्मेस्वर्री स्य्हेङ्बे बीस्वास् ग्यम्से थे धर्मी ठार्तीबल तज्यीम् चु बाचा थेत न्हङ्जेत्पल य्हीन्ब।
चु मोलम् खतना स्य्हेङ्बलमाकी लागीरीकीनो अय्हीन् चुमी खतना अस्य्हेङ्बलमाकी लागीरीएनो य्हीन्ब, तलेपङ्सम् ङ्य्हङ्माचे धर्म छ्ये अनुसार देबेएनो पङ्ब, “अब्राहामचे पर्मेस्वर्त बीस्वास् स्य्हेङ्ज्यी, होत्तज्यीम् पर्मेस्वर्चे थेत धर्मी म्ही पङ्ज्यीम् ग्रहन् स्य्हेङ्जेत्ज्यी।”
होलेतलेनो ङ्य्हङ्माचे स्येःब, मोसाचे ब्रीबे पर्मेस्वर्की नीयम् म्हन्दीज्यीम् म्ही धर्मी अत, तर येसु ख्रीस्ट्त बीस्वास् स्य्हेङ्ज्यीम्कीनो धर्मी तब। होत्तज्यीम् मोसाचे ब्रीबे पर्मेस्वर्की नीयम् म्हन्दीज्यीम् अय्हीन् तर ख्रीस्ट्री थेन्बे बीस्वास् ग्यम्से धर्मी तबरी ङ्य्हङ्माचेएनो ङ्य्हङ्माकी बीस्वास् येसु ख्रीस्ट्री थेन्ज्यी, तलेपङ्सम् मोसाचे ब्रीबे पर्मेस्वर्की नीयम् ङ्येन्ज्यीम् खलएनो धर्मी अत।
पर्मेस्वर्चे यहुदी अय्हीन्बे म्हीमातएनो बीस्वास् ग्यम्से धर्मी स्य्हेङ्जेत्प पङ्बे तम् य्हक्को ङोन्ग्यम्नो धर्म छ्येःरी ब्रीबल मुबल। होत्तज्यीम् पर्मेस्वर्चे अब्राहाम्त, “ए ग्यम्सेनो जम्बुलीङ्री मुबे जम्मनो जातीमाचे पर्मेस्वर्की मोलम् यङ्स्ये मुब” बी ज्यबे सम्तर् स्येत्जेत्ज्यी।
हुजु बेलोरी एङ्यीमा ख्रीस्ट् ग्यम्से फेःबल मुबल, इस्राएलकी नागरीक् अय्हीन्ब मुबल, ओसेम् पर्मेस्वर्चे र्हङ्की म्हीमात न्हङ्ब बी सुङ्ज्यीम् स्य्हेङ्बे करारमारीएनो एङ्यीमाल तइ हकएनो अरेबल मुबल। होत्तज्यीम् एङ्यीमा चु जम्बुलीङ्री आस् अरेबलतेङ् पर्मेस्वर् अस्येःबे म्हीमा मुबल।
बीस्वास् लज्यीम् नोआचे होदे बेलो सम्म अम्रङ्बे लीक्यम् तस्येकी तम्की बारेरी पर्मेस्वर् ग्यम्सेइ चेतावनीत ङ्येन्ज्यी। थेचे पर्मेस्वर्चे कुल्जेत्पे तम् ङ्येन्ज्यीम् र्हङ्की म्हेम्यमात थर्नलबरी ङ्हच्छ्यङ् दोङ्ग गीः स्य्हेङ्ज्यी। चोले थेइ बीस्वास्चे जम्बुलीङ्त दोसी ङोन्पीन्ज्यी, ओसेम् थेमी बीस्वास् ग्यम्से यङ्बे धार्मीक्ताकी हक् यङ्बे म्ही तज्यी।
ङोन्ग्यम्की बेलोरी एङ्यीमाचे पर्मेस्वर्त अस्येबे म्हीमाचे र्हङ्ले बेलो बेन लब मुबल। एङ्यीमाचे व्यभीचार् स्य्हेङ्ज्यीम्, प्रो नाबतेङ् नापीन्बे सेम् थोज्यीम्, रक्सी थुङ्ज्यीम्, ङ्य्हेज्यीम् मनमोज्यी लज्यीम्, रक्सीइ डोन् स्य्हेङ्ज्यीम् ओसेम् नइबे ख्लामात तेन्ज्यीम् बेलो बेन लब मुबल।
ကြော်ငြာတွေ