रोमी 8:8 - पश्‍चिम तामाङ

⁸ ल्‍हीःकी पाप् स्‍वभाब् अनुसार ब्रबे म्‍हीचे पर्‌मेस्‍वर्‌त तङ्‍न लब अखम्।

रोमी 8:8 ပူးပေါင်းရင်းမြစ်များ

मत्‍ती 3:17

ओसेम् स्‍वर्‌ग ग्‍यम्‍चे चोतेबे केत् थ्‍येःज्‍यी, “चु ङइ म्‍होइबे ज य्‍हीन्‍ब, ओसेम् ङ थेतेङ् य्‍हक्‍को तङ्‍बल मुब।”

युहन्‍ना 3:3

येसुचे थेत सुङ्‌ज्‍यी, “ङ एत देमेन्‍नो पङ्‍ब, खल पङ्‌लेनो देबेएनो अन्‍हसम् थेचे पर्‌मेस्‍वर्‌की य्‍हुल् म्रङ् अखम्।”

युहन्‍ना 8:29

ओसेम् ङत पीत्‍युजेत्‍पे अप ङतेङ् बक्‍च्‍य मुब। थेङ्‌चे खेमेएनो ङत ङ गीकीनो ख्‍लेथेन्‍बल अरे, तलेपङ्‍सम् ङचे खेम पङ्‌लेनो थेङ् तङ्‍बे लक्‍कीनो स्‍य्‍हेङ्‌ब।”

रोमी 1:21

तलेपङ्‍सम् थेङ्‍यीमाचे पर्‌मेस्‍वर्‌त स्‍येज्‍यी तर थेङ्‍त स्‍य्‍हेस अस्‍य्‍हेङ्, ओसेम् व्‍होर्‌छ्‍येएनो अपीन्। बरु झेन् थेङ्‍यीमाकी म्‍हेन्‍बमी तएनो लक् अतबल तज्‍यी, ओसेम् थेङ्‍यीमाकी मुर्‌ख सेम् म्‍हुन्‍दुङ्‍से प्‍लीङ्ज्‍यी।

रोमी 7:5

तलेपङ्‌सम् ङ्‍य्‍हङमा ङोन्‍ग्‍यम्‍की पापी स्‍वभाब अनुसार सोबे बेलोरी हुजु नीयम्‍चे ङ्‍य्‍हङ्‍मात झेन् य्‍हक्‍को पाप् स्‍य्‍हेङ्‍गे म्‍हेन्‍न लज्‍यीम् ङ्‍य्‍हङ्‍माचे य्‍हक्‍को पाप्‍मा स्‍य्‍हेङ्‍ब मुबल, ओसेम् स्‍यीब बबे रोरो रोःन लब मुबल।

रोमी 8:9

पर्‌मेस्‍वर्‌की आत्‍मा एङ्‍यीमातेङ् देमेन्‍नो स्‍य्‍हुजेत्‍पल य्‍हीन्‍सम् एङ्‍यीमा र्‌हङ्‍की ल्‍हीःकी पाप् स्‍वभाब्‍की अधीन्‍री अय्‍हीन् तर पबीत्र आत्‍माइ अधीन्‍री तब। खल्‍तेङ् पङ्‌लेनो ख्रीस्‍ट्‍की आत्‍मा अरेसम् थे ख्रीस्‍ट्‌ल अय्‍हीन्।

१ कोरीन्‍थी 7:32

एङ्‍यीमा जम्‍मनो अछेर्‌नले टीखइ पङ्‍बे सेम् ङल मुब। भ्‍या अस्य्‍हेङ्‍बे म्‍हीचे प्रभुइ लक् स्‍य्‍हेङ्‍ब, ओसेम् प्रभुत खले तङ्‍नलब पङ्‍बे तम्‍की बारेरीकीनो म्‍हेन्‍ब।

फीलीप्‍पी 4:18

ङचे तोःबल बीमएनो य्‍हक्‍को यङ्‌बल मुब। एङ्‌यीमाचे इपाफ्रोडीटस्‍त पीत्‍खबे टङ ङचे यङ्‌ज्‍यी, हुजु पर्‌मेस्‍वर्‌त तङ्‍नलबतेङ् ग्रहन् लजेत्‍परी जेःबे ङोर्‌थङ् खबे ठा र्‌हङ्‍ब य्‍हीन्‍ब।

कलस्‍सी 1:10

ओसेम् एङ्‍यीमाचे प्रभुत सेम्‍री ङ्‌यीबे बानी बेहोर्‌मा थोःज्‍यीम् खेम पङ्‌लेनो थेङ्‍त तङ्‍नलबे लक्‍मा स्‍य्‍हेङ्‍ब खम्‍स्‍ये मुब। ओसेम् एङ्‍यीमाचे जम्‍मनो ज्‍यबे लक्‍मा य्‍हक्‍को स्‍य्‍हेङ्‍स्‍यीनो बोर्‌स्‍ये मुब, ओसेम् एङ्‌यीमाचे पर्‌मेस्‍वर्‌की बारेरी झेन् य्‍हक्‍को गोस्‍ये मुब।

कलस्‍सी 3:20

कोलमा, एङ्‌यीमाचेएनो खेम पङ्‌लेनो र्‌हङ्‍की अप-अमचे कुल्‍बे अर्‌ती ङ्‌येनो, तलेपङ्‍सम् चोले स्‍य्‍हेङ्बतेङ् प्रभु तङ्‍जेत्‍प।

१ थेस्‍लोनीकी 4:1

ज्‍युरी ङइ र्‌होमा, एङ्‍यीमाचे ङ्‌यीमा ग्‍यम्‍से पर्‌मेस्‍वर् तङ्‍नले ब्रब लोप्‍पल मुब। ओसेम् एङ्‍यीमाचे हुजु र्‌हङ्‌लेनो ब्रटीबल मुब। देरेम् झेन्‍नो पर्‌मेस्‍वर्‌त य्‍हक्‍को तङ्‍नले ब्रस्‍यीनो टीउ बी प्रभु येसु ख्रीस्‍ट्‍की छेन्‍री एङ्‌यीमात फ्‍या लब।

हीब्रु 13:16

गीःचे गीःत ज्‍यब स्‍य्‍हेङ्‌बतेङ् र्‌हो स्‍य्‍हेङ्ब थम्‍लेतो। चुमानो पर्‌मेस्‍वर् तङ्‌बे ठा:मा य्‍हीन्‍ब।

हीब्रु 13:21

एङ्‍यीमात थेङ्‌की थुः टोप लब खमखइ पङ्‌ज्‍यीम् जम्‍मनो ज्‍यबे गुन्‍मा न्‍हङ्‍खइ। ओसेम् एङ्‍यीमाचे पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‍ब खम्‍खइ पङ्‍ज्‍यीम् येसु ख्रीस्‍ट्‌चे एङ्‌यीमाकी सेम्‍री लक् स्‍य्‍हेङ्‌जेत्‍खइ। येसु ख्रीस्‍ट्‌त महीमा खेम पङ्‌लेनो महीमा तटीखइ। आमेन्।

१ युहन्‍ना 3:22

ओसेम् ङ्‍य्‍हङ्‍चे ता र्‌हीत्‍ज्‍यी हुजु यङ्‍ब, तलेपङ्‍सम् ङ्‍य्‍हङ्‍मा थेङ्‌चे कुल्‍जेत्‍पे अर्‌तीमा ङ्‌येन्‍ज्‍यीम् ब्रब, ओसेम् थेङ् तङ्‍बे लक् स्‍य्‍हेङ्‌ब।