रोमी 8:32 - पश्‍चिम तामाङ

³² पर्‌मेस्‍वर्‌चे र्‌हङ्‍की जतएनो जोगइतीअजेत् तर ङ्‍य्‍हङ्‍मा जम्‍मइ लागीरी र्‌हङ्‍की जत न्‍हङ्‍जेत्‍ज्‍यी। ङ्‍य्‍हङ्‍माइ लागीरी र्‌हङ्‌की ज धरी न्‍हङ्‍जेत्‍पलचे ल्‍हो-ल्‍हो जम्‍मनो स्‍हेःमा ङ्‍य्‍हङ्‍मात न्‍हङ्‌अजेत् स्‍यीम्?

रोमी 8:32 ပူးပေါင်းရင်းမြစ်များ

मत्‍ती 3:17

ओसेम् स्‍वर्‌ग ग्‍यम्‍चे चोतेबे केत् थ्‍येःज्‍यी, “चु ङइ म्‍होइबे ज य्‍हीन्‍ब, ओसेम् ङ थेतेङ् य्‍हक्‍को तङ्‍बल मुब।”

मत्‍ती 7:11

एङ्‍यीमा पापी तज्‍यीमएनो र्‌हङ्‌की ज-जमेमात ज्‍यबे स्‍य्‍हेमा पीन्‍ब स्‍येब पङ्‌सम् एङ्‌यीमाकी स्‍वर्‌गरी मुबे अपचे थेङ्‌त र्‌हीत्‍पलमात झेन् गत्‍ते य्‍हक्‍को न्‍हङ्‌जेत्स्‍ये मुब।

युहन्‍ना 3:16

तलेपङ्‍सम् पर्‌मेस्‍वर्‌चे जम्‍बुलीङ्‌की म्‍हीमात य्‍हक्‍को म्‍होइज्‍यीम् र्‌हङ्‌की गीःकीनो मुबे जत पीत्‍युजेत्‍ज्‍यी। खल्‍चे पर्‌मेस्‍वर्‌की जत बीस्‍वास् स्‍य्‍हेङ्‌ब थेङ्‍यीमा खलएनो नास् तस्‍ये अरे तर थेङ्‍यीमाचे खेमेएनो अबेबे जीवन् यङ्‍स्‍ये मुब।

रोमी 11:21

तलेपङ्‌सम् पर्‌मेस्‍वर्‌चे देमेन्‍की य्‍हर्‌ङमा र्‌हङ्‍बे यहुदीमात बाकी थेन्‍अजेत् पङ्‌सम् एङ्‌यीमातमी झेन् थेन्‍जेत्‍स्‍येनो अरे।

रोमी 4:25

पर्‌मेस्‍वर्‌चे येसुत ङ्‍य्‍हङ्‍माकी पाप्‍की लागीरी स्‍यीपुङ्‍जेत्‍ज्‍यी, ओसेम् ङ्‍य्‍हङ्‍मात पर्‌मेस्‍वर्‌की ङोन्‍री धर्‌मी तन लबरी येसुत दोःज्‍यीम् सोम्‍बो तनलजेत्‍ज्‍यी।

रोमी 6:23

होत्‍तज्‍यीम् पाप्‍चे थेइ बानात पीन्‍बे म्‍हेलामी स्‍यीब य्‍हीन्‍ब, तर ङ्‍य्‍हङ्‍की प्रभु येसु ख्रीस्‍ट्‍री खेमेनो अबेबे जीवन् सोब मी पर्‌मेस्‍वर्‌चे ओलेन्‍नो न्‍हङ्‌बे बर्‌दान् य्‍हीन्‍ब।

रोमी 8:28

ओसेम् ङ्‍य्‍हङ्‍माचे स्‍येःब, पर्‌मेस्‍वर्‌त म्‍होइबतेङ् थेङ्‍की थुः टोप् लबरी थेङ्‌चे ङ्‌होत्‍जेत्‍पे जम्‍मनो म्‍हीइ लागीरी जम्‍मनो तम्‍मारी पर्‌मेस्‍वर्‌चे ज्‍यब स्‍य्‍हेङ्‌जेत्‍प।

१ कोरीन्‍थी 2:12

ओसेम् ङ्‍य्‍हङ्‍माचे जम्‍बुलीङ्‌की आत्‍मा यङ्‌बल अय्‍हीन्, तर पर्‌मेस्‍वर्‌चे ङ्‍य्‍हङ्‍मात न्‍हङ्‍जेत्‍पे मोलम्‍मा स्‍येःब खम्‍खइ पङ्‍ज्‍यीम् पर्‌मेस्‍वर्‌चेनो र्‌हङ्‍की आत्‍मा ङ्‍य्‍हङ्‍मात न्‍हङ्‌बल मुब।

२ कोरीन्‍थी 4:15

ङ्‌यीमाचे नाबे चु जम्‍मनो दुखमा एङ्‌यीमाकी लागीरी तबल य्‍हीन्‍ब, तलेपङ्‍सम् म्‍हीमाचे गत्‍ते य्‍हक्‍को पर्‌मेस्‍वर्‌की अनुग्रह यङ्‍ब, होदेनो य्‍हक्‍को थेङ्‍यीमाचे पर्‌मेस्‍वर्‌की महीमाकी लागीरी व्‍होर्‌छ्‍ये पीन्‍स्‍ये मुब।

२ कोरीन्‍थी 5:21

तलेपङ्‍सम् ङ्‍य्‍हङ्‍मात ख्रीस्‍ट् ग्‍यम्‍से पर्‌मेस्‍वर्‌की ङोन्‍ग्‍यम् धर्‌मी तनलबरी ख्रीस्‍ट्‍चे खेमेएनो तइ पाप् स्‍य्‍हेङ्‍अजेत्‍लएनो पर्‌मेस्‍वर्‌चे ङ्‍य्‍हङ्‍माकी जम्‍मनो पाप्‍मा ख्रीस्‍ट्‍की जोरी कल्‍पीन्‍जेत्‍ज्‍यी।

२ कोरीन्‍थी 6:10

ङ्‌यीमा य्‍हक्‍को छेर्‌लेनो तङ्‍बल मुब। ङ्‌यीमा प्रङ्‍न मुलेएनो य्‍हक्‍को म्‍हीमात बीस्‍वास्‍री बरु तनलब। ङ्‌यीमातेङ् तएनो अरेबेल र्‌हङ्‍ब म्रङ्‍लेएनो ङ्‌यीमातेङ् जम्‍म स्‍हेःमा मुब।

१ युहन्‍ना 4:10

म्‍होइब पङबलम् चुनो य्‍हीन्‍ब- ङ्‍य्‍हङ्‍चे पर्‌मेस्‍वर्‌त म्‍होइबल अय्‍हीन्, तर थेङ्‌चे ङ्‍य्‍हङ्‍त म्‍होइबल तज्‍यीम् थेङ्‌की जइ जीवन ङ्‍य्‍हङ्‍की लागीरी न्‍हङ्‍बरी ओसेम् ङ्‍य्‍हङ्‍त पाप ग्‍यम्‍से क्षमा न्‍हङ्‍बरी पीत्‍युजेत्‍ज्‍यी।

प्रकास 21:7

खल्‍चे डाज्‍यी, थेचे चु जम्‍मनो हक् यङस्‍ये मुब, ओसेम् ङ थेइ पर्‌मेस्‍वर् तस्‍ये मुब, ओसेम् थेमी ङइ कोल तस्‍ये मुब।