रोमी 8:28 - पश्चिम तामाङ28 ओसेम् ङ्य्हङ्माचे स्येःब, पर्मेस्वर्त म्होइबतेङ् थेङ्की थुः टोप् लबरी थेङ्चे ङ्होत्जेत्पे जम्मनो म्हीइ लागीरी जम्मनो तम्मारी पर्मेस्वर्चे ज्यब स्य्हेङ्जेत्प। အခန်းကိုကြည့်ပါ။ |
रोमी 8:28
53 ပူးပေါင်းရင်းမြစ်များ
तर जउले कोल ङ्य्ही अमइ फोन्हङ् मुमनो, थेङ्य्हीचे ज्यबतेङ् अज्यब स्य्हेङ्ब बीम ङोन्नो, पर्मेस्वर्चे जउले ङ्य्ही न्हङ्री गीःत दम्जेत्ज्यीम् रीबेकात, “अज्योचेमी अलेइ सेव स्य्हेङ्स्ये मुब” बी सुङ्जेत्ज्यी। पर्मेस्वर्चे सुङ्जेत्प र्हङ्ले धर्म छ्येःरी, “ङचे याकुब्त म्होइज्यी, तर एसाब्त हेल लज्यी” बी ब्रीबल मुब। चोले पर्मेस्वर्चे दम्जेत्पे लक् म्हीमाकी लक् च्याज्यीम् अय्हीन् तर थेङ्की थुः अनुसार् थेङ्चे दम्जेत्प बी थेङ्चे पक्क लजेत्ज्यी।
कोरीन्थरी मुबे पर्मेस्वर्की मन्डलीत, येसु ख्रीस्ट्री पबीत्र स्य्हेङ्जेत्पलमालतेङ् ख्रीस्ट्की पबीत्र म्हीमा तबरी ङ्होत्जेत्पलमात र्हङ्ले येसु ख्रीस्ट्तेङ् तबे सङ्गतीचे थेङ्ल तबलमातेङ् खन बीबीचेनो थेङ्यीमातेङ् ङ्य्हङ्की प्रभु येसु ख्रीस्ट्की छेन्त तेन्बलमात चु चीठी ब्रीबल य्हीन्ब।
तलेपङ्सम् ङ्य्हङ्माचे स्येःब, स्हीःज्यीम् य्हर्बे गोर र्हङ्बे ङ्य्हङ्माकी चु स्यतेङ् काःकी ल्हीः नास् तज्यीम् य्हर्स्ये मुब। तर पर्मेस्वर्चे ङ्य्हङ्मात स्वर्गरी न्हङ्जेत्स्येकी ल्हीःमी म्हीइ याचे स्य्हेङ्बे कम्जोर् दीम् र्हङ्ब अरे। तर खेमेएनो नास् अतनले टीबे दीम् र्हङ्ब मुब।
तर पर्मेस्वर्चे र्हङ्की अनुग्रह अनुसार् ङ न्हब बीम ङोन्नो ङत दम्जेत्ज्यी, ओसेम् र्हङ्की लक् स्य्हेङ्बरी ङ्होत्जेत्ज्यी। ङचे यहुदी अय्हीन्बे म्हीमात ज्यबे सम्तर् प्रचार् स्य्हेङ्ब खम्खइ बी थेङ्चे र्हङ्की ज येसु ख्रीस्ट्त ङचे स्येःन लजेत्परी थेङ् तङ्जेत्ज्यी। हुजु बेलोरी ङचे खल म्हीतेङ्एनो सल्ल कीन्बरी अङ्यी।
होत्तज्यीम् पर्मेस्वर्चे बाचा स्य्हेङ्जेत्पे खेम पङ्लेनो तबे मोलम्मा थेङ्चे ङ्होत्जेत्पलमाचे यङ्खइ पङ्ज्यीम् ख्रीस्ट्चे चु छार् करार् नोम्खजेत्पल य्हीन्ब। ङोन्ग्यम्की करार्की बेलोरी म्हीमाचे स्य्हेङ्बे पाप्मा ग्यम्से फेःपीन्जेत्पे लागीरी ख्रीस्ट् स्यीपीन्जेत्पल मुब।
ကြော်ငြာတွေ