रोमी 8:14 - पश्‍चिम तामाङ

¹⁴ पर्‌मेस्‍वर्‌की आत्‍माचे ङोन्‍जेत्‍पे ग्‍यम्‍चे ब्रबलमा पर्‌मेस्‍वर्‌की ज जमेमा य्‍हीन्‍ब।

रोमी 8:14 ပူးပေါင်းရင်းမြစ်များ

मत्‍ती 5:9

थुन्‍न लबलमा मोलम् यङ्‍बलमा य्‍हीन्‍ब, तलेपङ्‍सम् थेङ्‌यीमात पर्‌मेस्‍वर्‌की ज जमे पङ्‌स्‍ये मुब।

युहन्‍ना 1:12

तर थेङ्‌त ग्रहन् लज्‍यीम् बीस्‍वास् स्‍य्‍हेङ्‍बलमात थेङ्‌चे पर्‌मेस्‍वर्‌की ज जमे तबे हक् न्‍हङ्‍जेत्‍ज्‍यी।

रोमी 8:19

पर्‌मेस्‍वर्‌चे थेङ्‍की ज जमे ङोन्‍जेत्‍पे दीन् च्‍याबरी पर्‌मेस्‍वर्‌चे स्‍य्‍हेङ्‍जेत्‍पलमा जम्‍मनो य्‍हक्‍को सेम् लज्‍यीम् ब्रेन्‍टीबल मुब।

रोमी 8:5

खल पङ्‌लेनो र्‌हङ्‍की ल्‍हीःकी पाप् स्‍वभाब अनुसार सोबे म्‍हीचे ल्‍हीःकी पाप् स्‍वभाब्‍चे म्‍हेन्‍बे तम्‍री सेम् पीन्‍ब, तर पबीत्र आत्‍मा अनुसार् सोबे म्‍हीचे आत्‍माचे म्‍हेन्‍बे तम्‍री सेम् पीन्‍ब।

रोमी 8:9

पर्‌मेस्‍वर्‌की आत्‍मा एङ्‍यीमातेङ् देमेन्‍नो स्‍य्‍हुजेत्‍पल य्‍हीन्‍सम् एङ्‍यीमा र्‌हङ्‍की ल्‍हीःकी पाप् स्‍वभाब्‍की अधीन्‍री अय्‍हीन् तर पबीत्र आत्‍माइ अधीन्‍री तब। खल्‍तेङ् पङ्‌लेनो ख्रीस्‍ट्‍की आत्‍मा अरेसम् थे ख्रीस्‍ट्‌ल अय्‍हीन्।

रोमी 9:26

“ओसेम् खजु ग्‍लारी थेङ्‍यीमात ‘एङ्‍यीमा ङइ म्‍हीमा अय्‍हीन्’ बी पङ्‍बल मुबल, हुजुरीनो थेङ्‍यीमात ‘एङ्‍यीमा सोम्‍बो पर्‌मेस्‍वर्‌की ज जमे य्‍हीन्‍ब’ बी पङ्‍बल तस्‍ये मुब।”

रोमी 9:8

चु पङ्‍बलमी अब्रहामकी ल्‍हीः ग्‍यम्‍से न्‍हबे जम्‍मनो ज जमेमा पर्‌मेस्‍वर्‌की ज जमेमा अय्‍हीन्, तर पर्‌मेस्‍वर्‌चे न्‍हङ्‍जेत्‍प बी बाचा स्‍य्‍हेङ्‍जेत्‍पे ज जमेमाकीनो अब्रहामकी ज जमेमा य्‍हीन्‍ब।

२ कोरीन्‍थी 6:18

“ङ एङ्‌यीमाकी अप तस्‍ये मुब, ओसेम् एङ्‍यीमा ङइ ज जमेमा तस्‍ये मुब, सक्‍तीसाली परमप्रभुचे सुङ्‍जेत्‍प।”

गलाती 3:26

तलेपङ्‍सम् बीस्‍वास् ग्‍यम्‍से एङ्‌यीमा जम्‍मनो ख्रीस्‍ट्‍तेङ् गीः तज्‍यीम् पर्‌मेस्‍वर्‌की ज जमेमा तबल मुब।

गलाती 4:5

ङ्‍य्‍हङ्‍मात मोसाचे ब्रीबे नीयम्‍की अधीन् ग्‍यम्‍से फेःपीन्‍जेत्‍ज्‍यीम् पर्‌मेस्‍वर्‌की ज जमे स्‍य्‍हेङ्‍जेत्‍परी पर्‌मेस्‍वर्‌चे थेङ्‌त पीत्‍युजेत्‍ज्‍यी।

गलाती 4:6

ङ्‌य्‍हङ् पर्‌मेस्‍वर्‌की ज जमे य्‍हीन्‍बल तज्‍यीम् थेङ्‍चे र्‌हङ्‍की जइ आत्‍मा ङ्‍य्‍हङ्‍माकी सेम्‍री पीत्‍युजेत्‍ज्‍यी। हुजु आत्‍माचे लज्‍यीम् ङ्‍य्‍हङ्‍की सेम्‍चे, “ओ अब्‍ब, ओ अप” पङ्‍ब।

गलाती 5:16

होत्‍तज्‍यीम् ङ पङ्‍ब, पबीत्र आत्‍माचे ङोन्‍ब अनुसार् ब्रउ ओसेम् एङ्‍यीमाचे र्‌हङ्‍की पापी स्‍वभाबचे म्‍हेन्‍ब अनुसार् स्‍य्‍हेङ्‍स्‍ये अरे।

गलाती 5:18

तर एङ्‍यीमा पबीत्र आत्‍माचे ङोन्‍ब र्‌हङ्‌ले ब्रज्‍यी पङ्‌सम् एङ्‌यीमा मोसाचे ब्रीबे पर्‌मेस्‍वर्‌की नीयम्‍की अधीन्‍री अत।

एफीसी 1:5

पर्‌मेस्‍वर्‌चे ङ्‍य्‍हङ्‍मात म्‍होइजेत्‍ज्‍यीम् येसु ख्रीस्‍ट् ग्‍यम्‍से य्‍हक्‍को बेलो ङोन्‍नो थेङ्‌की ज जमेमा स्‍य्‍हेङ्‍जेत्‍पे थुः लजेत्‍पल मुबल।

एफीसी 5:9

तलेपङ्‍सम् य्‍हल्‍री ब्रबे म्‍हीमाचे जम्‍मनो ज्‍यबे लक् ओसेम् धार्‌मीक् लक्‍तेङ् देमेन्‍की लक् स्‍य्‍हेङ्‌ब।

१ युहन्‍ना 3:1

च्‍याको, ङ्‌य्‍हङ्‍मात पर्‌मेस्‍वर्‌चे गत्‍ते य्‍हक्‍को म्‍होइजेत्‍पल मुब, ङ्‍य्‍हङ्‍त थेङ्‌की ज जमे पङ्‌बरी थेङ्‌चे म्‍होइजेत्‍पल य्‍हीन्‍ब, ओसेम् ङ्‍य्‍हङ्‍मा देमेन्‍नो थेङ्‌की ज जमे य्‍हीन्‍ब। जम्‍बुलीङ्‍चे पर्‌मेस्‍वर्‌त अस्‍येबल तज्‍यीम् ङ्‍य्‍हङ्‍मातएनो अस्‍ये।

१ युहन्‍ना 3:24

खल्‍चे पर्‌मेस्‍वर्‌चे कुल्‍जेत्‍पे अर्‌तीमा ङ्‍येन्‍ब थेङ्‍यीमा पर्‌मेस्‍वर्‌तेङ् बक्‍च्‍य तब, ओसेम् पर्‌मेस्‍वर् थेङ्‍यीमातेङ् बक्‍च्‍य तब। चोले पर्‌मेस्‍वर् ङ्‍य्‍हङ्‍मातेङ् स्‍य्‍हुजेत्‍प पङ्‍बे तम् थेङ्‌चे ङ्‍य्‍हङ्‍मात न्‍हङ्‍जेत्‍पे पबीत्र आत्‍मा ग्‍यम्‍से स्‍येःब।

प्रकास 21:7

खल्‍चे डाज्‍यी, थेचे चु जम्‍मनो हक् यङस्‍ये मुब, ओसेम् ङ थेइ पर्‌मेस्‍वर् तस्‍ये मुब, ओसेम् थेमी ङइ कोल तस्‍ये मुब।