रोमी 8:13 - पश्‍चिम तामाङ

¹³ तलेपङ्‍सम् एङ्‍यीमा ल्‍हीःकी पाप् स्‍वभाब्‍चे म्‍हेन्‍ब अनुसार ब्रसम् एङ्‍यीमा स्‍यीस्‍ये मुब, तर एङ्‍यीमाचे आत्‍माइ सक्‍ती ग्‍यम्‍से ल्‍हीःकी पाप् लक्‍मात नास् लज्‍यी पङ्‌सम् एङ्‍यीमा सोस्‍ये मुब।

रोमी 8:13 ပူးပေါင်းရင်းမြစ်များ

रोमी 6:21

हुजु बेलोरी स्‍य्‍हेङ्‌बे लक्‍मारी एङ्‍यीमा देरे पेत्‍प, हुजु लक्‍मा ग्‍यम्‍से एङ्‍यीमाचे ता यङ्‌ज्‍यी? हुजु लक्‍माचेमी ज्‍युःरी स्‍यीब बब।

रोमी 6:23

होत्‍तज्‍यीम् पाप्‍चे थेइ बानात पीन्‍बे म्‍हेलामी स्‍यीब य्‍हीन्‍ब, तर ङ्‍य्‍हङ्‍की प्रभु येसु ख्रीस्‍ट्‍री खेमेनो अबेबे जीवन् सोब मी पर्‌मेस्‍वर्‌चे ओलेन्‍नो न्‍हङ्‌बे बर्‌दान् य्‍हीन्‍ब।

रोमी 7:5

तलेपङ्‌सम् ङ्‍य्‍हङमा ङोन्‍ग्‍यम्‍की पापी स्‍वभाब अनुसार सोबे बेलोरी हुजु नीयम्‍चे ङ्‍य्‍हङ्‍मात झेन् य्‍हक्‍को पाप् स्‍य्‍हेङ्‍गे म्‍हेन्‍न लज्‍यीम् ङ्‍य्‍हङ्‍माचे य्‍हक्‍को पाप्‍मा स्‍य्‍हेङ्‍ब मुबल, ओसेम् स्‍यीब बबे रोरो रोःन लब मुबल।

रोमी 8:12

होत्‍तज्‍यीम् ङइ र्‌होमा, ङ्‍य्‍हङ्‍माचे ङ्‍य्‍हङकी ल्‍हीःकी पाप् स्‍वभाब्‍चे म्‍हेन्‍ब र्‌हङ्‌ले सोनोथोब पङ्‍बे तम् अरे।

१ कोरीन्‍थी 9:27

तर ङ र्‌हङ्‍की ल्‍ही:त दुख पीन्‍ज्‍यीम् दुल्‍ब, अय्‍हीन् पङ्‌सम् ल्‍हो-ल्‍होत ज्‍यबे सम्‍तर् प्रचार् स्‍य्‍हेङ्‌ज्‍यीम् इनाम् यङ्‍बे बेलोरी र्‌हङ्‌नो अयोग्‍य तस्‍ये मुब।

गलाती 5:24

खजु म्‍हीमा येसु ख्रीस्‍ट्‍ल य्‍हीन्‍ब, थेङ्‍यीमाचे पापी स्‍वभाबतेङ् बक्‍च्‍य पापी स्‍वाभाबचे स्‍य्‍हेङ्‍ब म्‍हेन्‍बे दुस्‍ट लक्‍मात क्रुस्‍री च्‍योलाबल तब।

गलाती 6:8

खल्‍चे र्‌हङ्‍की ल्‍हीःकी पाप स्‍वभावकी लागीरी ब्‍लुत्‍ब, थेचे र्‌हङ्‍की पाप स्‍वभाब ग्‍यम्‍चेनो नास् दुत्‍स्‍ये मुब। तर खल्‍चे पबीत्र आत्‍माइ लागीरी ब्‍लुत्‍प थेचे आत्‍मा ग्‍यम्सेनो खेमेएनो अबेबे जीवन दुत्‍स्‍ये मुब।

एफीसी 4:22

होत्‍तज्‍यीम् एङ्‍यीमाचे ङोन्‍ग्‍यम्‍की पाप् स्‍वभाब्‍मा अनुसार् सोबे एङ्‌यीमाकी पुरानो जीवन् सोब पीत्‍लाको। एङ्‌यीमाकी हुजु ङोन्‍ग्‍यम्‍की जीवन्‍मी अज्‍यबे सेम्‍चे म्‍हेन्‍बे लुबे तम्‍माचे न्‍होङ्‍टीब मुबल।

एफीसी 4:30

ओसेम् पर्‌मेस्‍वर्‌की पबीत्र आत्‍मात दुखी तन थलउ, तलेपङ्‍सम् पबीत्र आत्‍मानो एङ्‍यीमात फेःपीन्‍बे दीन्‍की लागीरी यङ्‍बे छाप् य्‍हीन्‍ब।

एफीसी 5:18

ज्‍यी थुङ्‌ज्‍यीम् ङ्‍य्‍हेज्‍यीम थब्रउ, तलेपङ्‍सम् हुजुचेम् एङ्‌यीमाकी जीवन् न्‍होङ्‍नलब, तर पबीत्र आत्‍माचे प्‍लीङो।

तीतस 2:12

चु अनुग्रहचे ङ्‍य्‍हङ्‍त पर्‌मेस्‍वर्‌त सेम्‍री अङ्‍यीबे लक्‍तेङ् जम्‍बुलीङ्‌की स्‍हेःत म्‍होइज्‍यीम् थेङ्‍त तङ्न अलबे लक् स्‍य्‍हेङ्‌ब पीत्‍प लोप्‍प। ओसेम् चु अनुग्रहचे जम्‍बुलीङ्‌री र्‌हङ्‌चे र्‌हङ्‍त दुल्‍ज्‍यीम् ठीक् न्‍याय स्‍य्‍हेङ्‌बतेङ् पर्‌मेस्‍वर्‌त सेम्‍री ङ्‌यीबे ब्‍यबहार् स्‍य्‍हेङ्‌ज्‍यीम् ब्रब लोप्‍प।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 2:11

म्‍होइबे र्‌होमा, चु जम्‍बुलीङ्‌री एङ्‍यीमा ल्‍हो-ल्‍हो य्‍हुल्‍की म्‍हीमा ओसेम् र्‌होइ य्‍हुल्‍री य्‍हम्‍की लागीरी टीबे म्‍हीमा र्‌हङ्‍ब य्‍हीन्‍ब। ङ एङ्‌यीमात फ्‍या लब, ल्‍हीःकी लागीरी र्‌हङ्‍की सेम्‍चे म्‍हेन्‍बे अज्‍यबे लक्‍मा थस्‍य्‍हेङो। होतेबे सेम् खेम पङ्‌लेनो आत्‍माइ बीरुद्‍दरी तब।