रोमी 7:9 - पश्‍चिम तामाङ

⁹ ङोन्‍ग्‍यम् ङ मोसाचे ब्रीबे पर्‌मेस्‍वर्‌की नीयम् अरेबे बेलोरी ङ सोबल मुबल, तर मोसाचे ब्रीबे पर्‌मेस्‍वर्‌की नीयम् यङ्‍ब साच्‍चेनो ङचे पाप् स्‍य्‍हेङ्‍टीबल टीम् बी स्‍येज्‍यी,

रोमी 7:9 ပူးပေါင်းရင်းမြစ်များ

मत्‍ती 19:20

हुजु ठीटचे पङ्‍ज्‍यी, “हुजु अर्‌तीमाम् ङचे ङ्‍येन्‍बलनो मुब। देरेम् ङचे स्‍य्‍हेङ्‌थोस्‍येल ल्‍हो-ल्‍हो ता मुब?”

लुका 15:29

“तर थेचे अपत पङ्‌ज्‍यी, ‘ङचे चोदे वर्‌स सम्‍मा एइ लागीरी बानचे र्‌हङ्‌ले लक् स्‍य्‍हेङ्‌ज्‍यी। एचे कुल्‍बे जम्‍मा अर्‌तीमा ङ्‌येन्‍ज्‍यी। ङतमी खेमेएनो र्‌होमातेङ् टीज्‍यीम् चबरी र म्‍होदोङ् गीःएनो अपीन्।

लुका 18:21

थेचे येसुत, “पर्‌मेस्‍वर्‌की चु जम्‍मा नीयम्‍मा ङचे कोल य्‍हङ्‌स्‍ये ङ्‌येन्‍ज्‍यीम् ब्रबल मुब” बी पङ्‌ज्‍यी।

रोमी 10:5

मोसाचे पर्‌मेस्‍वर्‌की ङोन्‍री धर्‌मी तबे बारेरी पर्‌मेस्‍वर्‌की नीयम्‍री चोले ब्रीब, “पर्‌मेस्‍वर्‌की नीयम् ज्‍यनले ङ्‍येन्‍बे म्‍ही हुजु नीयम् ग्‍यम्‍चेनो सोस्‍ये मुब”

रोमी 7:10

ओसेम् चु पाप्‍चे लज्‍यीम् ङचे ङ स्‍यीथोब बी स्‍येज्‍यी। जीवन् बथोबे मोसाचे ब्रीबे पर्‌मेस्‍वर्‌की नीयम्‍चेम् ङइ लागीरीम् स्‍यीबक बज्‍यी।

रोमी 7:11

तलेपङ्‌सम् मोसाचे ब्रीबे पर्‌मेस्‍वर्‌की नीयम् ग्‍यम्‍से पाप्‍चे मौक कीन्‍ज्‍यीम् ङत लुज्‍यी, ओसेम् नीयम्‍तनो हतीयार् स्‍य्‍हेङ्‌ज्‍यीम् ङत सेत्‍ज्‍यी।

रोमी 7:4

होलेनो ङइ बीस्‍वासी र्‌होमा, ख्रीस्‍ट्‍तेङ् बक्‍च्‍य एङ्‌यीमाएनो मोसाचे ब्रीबे पर्‌मेस्‍वर्‌की नीयम्‍की लागीरी स्‍यीबल मुब, देरेम् एङ्‍यीमा स्‍यीब ग्‍यम्‍से सोजेत्‍पे ख्रीस्‍ट्‌तेङ् गीः तबल मुब। होत्‍तज्‍यीम् ङ्‍य्‍हङ्‍माचे पर्‌मेस्‍वर्‌की लागीरी ज्‍यबे लक्‍मा स्‍य्‍हेङ्‍ब खम्‍ब।

रोमी 7:6

तर देरेम् ङ्‍य्‍हङ्‍मा मोसाचे ब्रीबे पर्‌मेस्‍वर्‌की नीयम्‍की लागीरी स्‍यीबल तज्‍यीम् हुजु नीयम् ग्‍यम्‍से छुटकारा यङ्‌बल मुब, ओसेम् देरे य्‍हङ्‍से ङ्‍य्‍हङ्‍मा हुजु नीयम्‍की सक्‍तीइ दुङ्‌री अरे। देरेम् ङ्‍य्‍हङ्‍माचे मोसाचे ब्रीबे पर्‌मेस्‍वर्‌की नीयम् अनुसार अय्‍हीन्, तर पबीत्र आत्‍माइ छार् जीवन् अनुसार पर्‌मेस्‍वर्‌की सेव स्‍य्‍हेङ्‍ब।

रोमी 7:8

मोसाचे ब्रीबे पर्‌मेस्‍वर्‌की नीयम् ग्‍यम्‍से पाप्‍चे मौक कीन्‍ज्‍यीम् ङत जम्‍मनो थोइ लोभ स्‍य्‍हेङ्‌पुङ्‌ज्‍यी। मोसाचे ब्रीबे पर्‌मेस्‍वर्‌की नीयम् अरेबल य्‍हीन्‍सम् पाप्‍चे ङ्‍य्‍हङ्‍माकी जीवन्‍री अधीकार स्‍य्‍हेङ्‌स्‍ये अरेबल।

रोमी 8:7

ल्‍हीःकी पाप् स्‍वभाब् अनुसार ब्रबे म्‍हीम् पर्‌मेस्‍वर्‌की बीरोधी तब, तलेपङ्‌सम् थेचे पर्‌मेस्‍वर्‌की नीयम् ङ्‌येन्‍बल अत ओसेम् थेचे ङ्‍येन्‍बएनो अखम्।

गलाती 2:19

तलेपङ्‍सम् ङ मोसाचे ब्रीबे पर्‌मेस्‍वर्‌की नीयम् अनुसार् सोब म्‍हइमम् हुजु नीयम्‍चे ङत दोसी ङोन्‍ज्‍यी। होत्‍तज्‍यीम् पर्‌मेस्‍वर्‌की लागीरी सोब खम्‍खइ पङ्‍ज्‍यीम् ङचे हुजु नीयम् ङ्‌येन्‍ज्‍यीम् ब्रब पीत्‍ज्‍यी।

गलाती 3:10

धर्‌मी तबे लागीरी मोसाचे ब्रीबे पर्‌मेस्‍वर्‌की नीयम् ङ्‌येन्‍ज्‍यीम् ब्रब म्‍हइबे म्‍हीमाचेम् केम्‍लङ् यङ्‍स्‍ये मुब, तलेपङ्‍सम् धर्‌म छ्‌येःरी चोले ब्रीबल मुब, “मोसाचे ब्रीबे पर्‌मेस्‍वर्‌की नीयम्‍की छ्‍येःरी ब्रीबे जम्‍मनो तम् टोप्‍ले अङ्‍येन्‍बलमा जम्‍मतनो केम्‍लङ् फोःस्‍ये मुब।”