रोमी 7:4 - पश्चिम तामाङ4 होलेनो ङइ बीस्वासी र्होमा, ख्रीस्ट्तेङ् बक्च्य एङ्यीमाएनो मोसाचे ब्रीबे पर्मेस्वर्की नीयम्की लागीरी स्यीबल मुब, देरेम् एङ्यीमा स्यीब ग्यम्से सोजेत्पे ख्रीस्ट्तेङ् गीः तबल मुब। होत्तज्यीम् ङ्य्हङ्माचे पर्मेस्वर्की लागीरी ज्यबे लक्मा स्य्हेङ्ब खम्ब। အခန်းကိုကြည့်ပါ။ |
रोमी 7:4
35 ပူးပေါင်းရင်းမြစ်များ
होत्तज्यीम् अमकोलचे र्हङ्की र्हेम्बो सोम्बो मुमनो ल्हो-ल्हो अपकोलतेङ् भ्या स्य्हेङ्ज्यी पङ्सम् हुजु अमकोलचे ब्यभीचार् स्य्हेङ्ब। तर र्हेम्बो स्यीज्यी पङ्सम् थे हुजु नीयम् ग्यम्से स्वतन्त्र तब, ओसेम् ल्हो-ल्हो अपकोलतेङ् भ्या स्य्हेङ्लेनो थेचे ब्यभीचार स्य्हेङ्बल अत।
तर देरेम् ङ्य्हङ्मा मोसाचे ब्रीबे पर्मेस्वर्की नीयम्की लागीरी स्यीबल तज्यीम् हुजु नीयम् ग्यम्से छुटकारा यङ्बल मुब, ओसेम् देरे य्हङ्से ङ्य्हङ्मा हुजु नीयम्की सक्तीइ दुङ्री अरे। देरेम् ङ्य्हङ्माचे मोसाचे ब्रीबे पर्मेस्वर्की नीयम् अनुसार अय्हीन्, तर पबीत्र आत्माइ छार् जीवन् अनुसार पर्मेस्वर्की सेव स्य्हेङ्ब।
प्रभु डोन्की खोरे थोःज्यीम् ङ्य्हङ्माचे पर्मेस्वर्त व्होर्छ्ये पीन्ब, ओसेम् ङ्य्हङ्चे हुजु खोरे ग्यम्चे थुङ्बतेङ् ङ्य्हङ्मा ख्रीस्ट्की काःरी सहभागी तबल ङोन्ब अय्हीनो स्यीम्? गेङ् स्योइज्यीम् चबतेङ् ङ्य्हङ्मा ख्रीस्ट्की ल्हीःरी ख्रीस्ट्तेङ् गीः तबल ङोन्ब अय्हीनो स्यीम्?
मोसाचे ब्रीबे पर्मेस्वर्की नीयम् अङ्येन्बल तज्यीम् ङ्य्हङ्मात फोःथोबे केम्लङ् ख्रीस्ट्चे ङ्य्हङ्माकी लागीरी नाजेत्ज्यी, ओसेम् थेङ्चे ङ्य्हङ्मात हुजु केम्लङ् ग्यम्से फेःपीन्जेत्पल मुब। तलेपङ्सम् धर्म छ्येःरी, “दोङ्बोरी च्योलाबलमा जम्मनो केम्लङ् फोःबल तब” बी ब्रीबल मुब।
चु ज्यबे सम्तर् एङ्यीमात स्येत्पल मुब, एङ्यीमाचे ज्यबे सम्तर् थ्येःज्यीम् पर्मेस्वर्की अनुग्रहत गोबे दीन् य्हङ्से एङ्यीमाकी गुङ्री ख्रीस्ट्त बीस्वास् स्य्हेङ्बे म्हीमा य्हक्को तस्यीनो बोर्टीब, ओसेम् पर्मेस्वर्त तङ्नलबे लक्मा स्य्हेङ्टीब, होलेनो जम्बुलीङ्की जम्मनो ग्लामारी य्हक्को तस्यीनो बोर्टीब मुब।
ကြော်ငြာတွေ