रोमी 7:25 - पश्‍चिम तामाङ

²⁵ तर पर्‌मेस्‍वर्‌त व्‍होर्‌छ्‍ये तखइ, ङ्‍य्‍हङ्‍की प्रभु येसु ख्रीस्‍ट्‌चेनो चु ग्‍यम्‍से ङत फेःपीन्‍जेत्‍बल मुब! होत्‍तज्‍यीम् एङ्‍यीमाचे म्रङ्‌ब, ङमी सेम्‍य्‍हङ्‍सेनो पर्‌मेस्‍वर्‌की नीयम्‍की सेव स्‍य्‍हेङ्‍ब, तर ङन्‍हङ् मुबे पापी स्‍वभाब्चेएनो ङत पाप्‍की नीयम्‍की बाना तनलब।

रोमी 7:25 ပူးပေါင်းရင်းမြစ်များ

मत्‍ती 1:21

मरीयमचे ज गी न्‍हस्‍ये मुब, ओसेम् एचे थेङ्‌की छेन् येसु थेन्‍स्‍ये मुब। तलेपङ्‍सम् थेङ्‌चे र्‌हङ्‌की म्‍हीमात थेङ्‌यीमाकी पापमा ग्‍यम्‍चे थर्‌न लजेत्‍स्‍ये मुब।”

रोमी 6:14

पाप्‍चे एङ्‌यीमाकी जोरी सासन् स्‍य्‍हेङ्‍स्‍ये अरे, तलेपङ्‍सम् एङ्‍यीमा मोसाचे ब्रीबे पर्‌मेस्‍वर्‌की नीयम्‍की अधीन्‍री अय्‍हीन्, तर अनुग्रहइ अधीन्‍री मुब।

रोमी 6:17

तर पर्‌मेस्‍वर्‌त व्‍होर्‌छ्‍ये तखइ, ङोन्‍ग्‍यम् एङ्‍यीमा पाप्‍की बाना मुबलामाचे देरेम् एङ्‌यीमात लोप्‍पे पर्‌मेस्‍वर्‌की बारेइ तम्‍मा एङ्‌यीमाचे सेम् य्‍हङ्‍सेनो ज्‍यनले ङ्‌येन्‍बल मुब।

रोमी 8:2

येसु ख्रीस्‍ट् ग्‍यम्‍से जीवन् न्‍हङ्‌बे आत्‍माइ सक्‍तीचे ङ्‍य्‍हङ्‍मात पाप्‍तेङ् स्‍यीबइ सक्‍ती ग्‍यम्‍से फेःपीन्‍जेत्‍पल मुब।

१ कोरीन्‍थी 15:57

तर पर्‌मेस्‍वर्‌त व्‍होर्‌छ्‌ये तखइ, थेङ्‍चे ङ्‍य्‍हङ्‍की प्रभु येसु ख्रीस्‍ट् ग्‍यम्‍से ङ्‍य्‍हङ्‍मात डानलजेत्‍प।

२ कोरीन्‍थी 9:15

सेइ लज्‍यीम् अखम्‍बे पर्‌मेस्‍वर्‌की बर्‌दान्‍की लागीरी थेङ्‍त व्‍होर्‌छ्‌ये तखइ।

एफीसी 5:20

ङ्‍य्‍हङ्‍की प्रभु येसु ख्रीस्‍ट्‍की छेन्‍री पर्‌मेस्‍वर् अपत जम्‍मनो तम्‍मारी खेम पङ्‌लेनो व्‍होर्‌छ्‌ये पीन्‍स्‍यीनो टीउ।

फीलीप्‍पी 3:3

तलेपङ्‍सम् पर्‌मेस्‍वर्‌त थेङ्‍की पबीत्र आत्‍मा ग्‍यम्‍से तेन्‍बे, ओसेम् येसु ख्रीस्‍ट्‍चे ङ्‍य्‍हङ्‍माकी लागीरी स्‍य्‍हेङ्‍जेत्‍पे लक्‍की लागीरी गर्‌ब स्‍य्‍हेङ्‌बे, ओसेम् ल्‍हीःरी भर् अस्‍य्‍हेङ्‌बे देमेन्‍की खतना ङ्‍य्‍हङ्‍मानो य्‍हीन्‍ब।

फीलीप्‍पी 4:6

तइ तम्‍रीएनो थछेरो, तर एङ्‌यीमात तोःबे जम्‍मनो तम्‍री प्रार्‌थना स्‍य्‍हेङो, ओसेम् पर्‌मेस्‍वर्‌त व्‍होर्‌छ्‌ये पीन्‍ज्‍यीम् र्‌हीदो।

कलस्‍सी 3:17

एङ्‌यीमाचे ता पङ्‌लेनो वुइ स्‍य्‍हेङ्‌लेनो जम्‍मनो प्रभु येसुइ छेन्‍री स्‍य्‍हेङो, ओसेम् थेङ् ग्‍यम्सेनो पर्‌मेस्‍वर् अपत व्‍होर्‌छ्‌ये पीनो।

१ पत्रुस 2:5

ओसेम् एङ्‌यीमाएनो पर्‌मेस्‍वर्‌चे आत्‍मीक् दीम् स्‍य्‍हेङ्‍जेत्‍परी कोल्‍जेत्‍पे सोम्‍बो युङ्‌बमा र्‌हङ्‍ब तज्‍यीम् खोउ। एङ्‍यीमाचे येसु ख्रीस्‍ट् ग्‍यम्‍से पर्‌मेस्‍वर्‌त सेम्‍री ङ्‌यीबे आत्‍मीक् ठा पीन्‍बे पबीत्र लम्‍बुमाइ लक् स्‍य्‍हेङ्‍स्‍ये मुब।

१ पत्रुस 2:9

तर एङ्‍यीमामी पर्‌मेस्‍वर्‌चे दम्‍जेत्‍पे म्‍हीमा, ग्‍यल्‍बोइ लम्‍बुमा, ओसेम् पबीत्र जाती य्‍हीन्‍ब, एङ्‍यीमा पर्‌मेस्‍वर्‌की र्‌हङ्‍की म्‍हीमा य्‍हीन्‍ब। थेङ्‌चे एङ्‌यीमात थेङ्‌की अचम्‍मइ लक्‍माकी बारेरी प्रचार स्‍य्‍हेङ्‌बरी म्‍हुन्‍दुङ् ग्‍यम्‍से अचम्‍मइ य्‍हल्‍री नोम्‍खजेत्‍ज्‍यी।