रोमी 7:24 - पश्‍चिम तामाङ

²⁴ ओन्‍छ्‍यङ्, ङ गत्‍ते दुखी म्‍ही! पाप्‍तेङ् स्‍यीबचे च्‍युप्‍पे चु ल्‍हीः ग्‍यम्‍से ङत खल्‍चे फेःपीन्‍ल?

रोमी 7:24 ပူးပေါင်းရင်းမြစ်များ

मत्‍ती 5:4

दुखरी मुबलमा मोलम् यङ्‍बलमा य्‍हीन्‍ब, तलेपङ्‌सम् थेङ्‍यीमाचे सुख यङ्‍स्‍ये मुब!

मत्‍ती 5:6

धार्‌मीक्‍ताकी लागीरी ख्रेन्‍बतेङ् फीःबलमा मोलम् यङ्‍बलमा य्‍हीन्‍ब, तलेपङ्‍सम् थेङ्‍यीमाकी ख्रेन्‍ब फीःब सेत्‍स्‍ये मुब।

लुका 4:18

“प्रभुकी आत्‍मा ङतेङ् मुब, तलेपङ्‍सम् प्रङ्‌नमात ज्‍यबे सम्‍तर् स्‍येत्‍परी पर्‌मेस्‍वर्‌चे ङत दम्‍जेत्‍ज्‍यीम् पीत्‍युजेत्‍पल मुब। बन्‍दीरी मुबे म्‍हीमात पीत्‍परी, मीः अम्रङ्‌बमात म्रङ्‌न लबरी, ल्‍हो-ल्‍हो म्‍ही ग्‍यम्‍चे दुख यङ्‌बलमात पीत्‍परी,

रोमी 6:6

ङ्‍य्‍हङ्‍माचे स्‍येब, पाप्‍की सक्‍तीचे सासन् स्‍य्‍हेङ्‌बे ङ्‍य्‍हङ्‍माकी जीवन् नास् तखइ ओसेम् ङ्‍य्‍हङ्‍मा पाप्‍की बाना तटीअथोखइ पङ्‍ज्‍यीम् ङ्‍य्‍हङ्‍माकी ङोन्‍ग्‍यम्‍की जीवन् ख्रीस्‍ट्‌तेङ् बक्‍च्‍य क्रुस्‍री च्‍योलाज्‍यी।

रोमी 8:13

तलेपङ्‍सम् एङ्‍यीमा ल्‍हीःकी पाप् स्‍वभाब्‍चे म्‍हेन्‍ब अनुसार ब्रसम् एङ्‍यीमा स्‍यीस्‍ये मुब, तर एङ्‍यीमाचे आत्‍माइ सक्‍ती ग्‍यम्‍से ल्‍हीःकी पाप् लक्‍मात नास् लज्‍यी पङ्‌सम् एङ्‍यीमा सोस्‍ये मुब।

रोमी 8:2

येसु ख्रीस्‍ट् ग्‍यम्‍से जीवन् न्‍हङ्‌बे आत्‍माइ सक्‍तीचे ङ्‍य्‍हङ्‍मात पाप्‍तेङ् स्‍यीबइ सक्‍ती ग्‍यम्‍से फेःपीन्‍जेत्‍पल मुब।

रोमी 8:23

तर पर्‌मेस्‍वर्‌चे स्‍य्‍हेङ्‍जेत्‍पलमाकीनो अय्‍हीन्, ङ्‍य्‍हङ्‍माएनो न्‍हङ्‌न्‍हङ्‍री दुखचे पोतोक् पोतोक् तटीब। लीक्‍यम् न्‍हङ्‍जेत्‍स्‍येकी महीमाकी ङोन्‍ग्‍यम्‍की रोरो पबीत्र आत्‍मा ङ्‍य्‍हङ्‍माचे यङ्‌बल मुब। होलेतलेनो ङ्‍य्‍हङ्‍माएनो खेमा थेङ्‌चे ङ्‍य्‍हङ्‍मात थेङ्‍की ज जमे स्‍य्‍हेङ्‌जेत्‍प ओसेम् जम्‍मनो अज्‍यबे लक्‍मा ग्‍यम्‍से ङ्‍य्‍हङ्‍माकी ल्‍हीःत छुटकारा न्‍हङ्‍ब बी ब्रेन्‍ज्‍यीम् टीटीब।

रोमी 8:26

होलेनो ङ्‍य्‍हङ्‍मा बीस्‍वास्‍री कम्‍जोर् तबे बेलोरी पबीत्र आत्‍माचे र्‌हो लजेत्‍प। खले प्रार्‌थना स्‍य्‍हेङ्‍थोब ङ्‍य्‍हङ्‍माचे अस्‍ये तर पबीत्र आत्‍माचे य्‍हक्‍को कस्‍ट नाज्‍यीम् छीःमारी पङ्‍ब अखम्‍बे तम्‍री ङ्‍य्‍हङ्‍माकी लागीरी प्रार्‌थना स्‍य्‍हेङ्‍पीन्‍जेत्‍प।

कलस्‍सी 2:11

एङ्‍यीमा ख्रीस्‍ट्‍री तबनो देमेन्‍की खतना यङ्‍ब य्‍हीन्‍ब। म्‍हीमा ग्‍यम्‍से ल्‍हीःरी स्‍य्‍हेङ्‌बे खतना अय्‍हीन् तर ख्रीस्‍ट्‍चे स्‍य्‍हेङ्‌बे खतना य्‍हीन्‍ब। चु खतनामी एङ्‍यीमाचे चु ल्‍हीःकी स्‍वभाब्‍की सक्‍ती ग्‍यम्‍से फेःब यङ्‍ब य्‍हीन्‍ब।

२ तीमोथी 4:18

प्रभुचेनो ङत जम्‍मनो दुस्‍टमा ग्‍यम्‍से थर्‌नलजेत्‍स्‍ये मुब, ओसेम् थेङ्‌चेनो ङत ज्‍यनले स्‍वर्‌गइ य्‍हुल्‍री नोम्‍जेत्‍स्‍ये मुब। थेङ्‍त खेम पङ्‌लेनो महीमा तखइ! आमेन्।

तीतस 2:14

येसु ख्रीस्‍ट्‍चे ङ्‌य्‍हङ्‌मात जम्‍मनो थोइ पाप ग्‍यम्‍से फेःपीन्‍जेत्‍परी र्‌हङ्‌की बुः न्‍हङ्‍न्‍जेत्‍ज्‍यी। थेङ्‌चे ङ्‌य्‍हङ्‌मात चोखो स्‍य्‍हेङ्‍जेत्‍परी र्‌हङ्‌की म्‍ही स्‍य्‍हेङ्‍जेत्‍ज्‍यी, ओसेम् ङ्‌य्‍हङ्‍मात ज्‍यबे लक् स्‍य्‍हेङ्‌बरी आर् पीन्‍बे लागीरी चोले स्‍य्‍हेङ्‍जेत्‍ज्‍यी।

हीब्रु 2:15

येसुचे चोले स्‍य्‍हेङ्‍जेत्‍ज्‍यीम् स्‍यीब पङ्‍ज्‍यीम् खेम पङ्‌लेनो लोङ्‌ज्‍यीम् हुजु लोङ्‍बइ बान र्‌हङ्‌ले टीबलमा जम्‍मत हुजु लोङ्‍ब ग्‍यम्‍से फेःपीन्‍जेत्‍ज्‍यी।

प्रकास 21:4

थेङ्‍चे थेङ्‍यीमाकी जम्‍मनो मीःकी मीख्‍ली फ्‍यापीन्‍जेत्‍स्‍ये मुब, ओसेम् देरे य्‍हङ्‍स्‍ये खलएनो स्‍यीस्‍ये अरे, ओसेम् खल्‍चेएनो दुख म्‍हन्‍दीस्‍ये अरे, खलएनो क्रास्‍ये अरे, तइ नब छ्‍योइबएनो तस्‍ये अरे। तलेपङ्‍सम् ङोन्‍ग्‍यम्‍की स्‍हेःमा म्‍हज्‍यीम् य्‍हर्‌ज्‍यीन्‍बल मुब।”