रोमी 6:6 - पश्‍चिम तामाङ

⁶ ङ्‍य्‍हङ्‍माचे स्‍येब, पाप्‍की सक्‍तीचे सासन् स्‍य्‍हेङ्‌बे ङ्‍य्‍हङ्‍माकी जीवन् नास् तखइ ओसेम् ङ्‍य्‍हङ्‍मा पाप्‍की बाना तटीअथोखइ पङ्‍ज्‍यीम् ङ्‍य्‍हङ्‍माकी ङोन्‍ग्‍यम्‍की जीवन् ख्रीस्‍ट्‌तेङ् बक्‍च्‍य क्रुस्‍री च्‍योलाज्‍यी।

रोमी 6:6 ပူးပေါင်းရင်းမြစ်များ

रोमी 6:12

होत्‍तज्‍यीम् एङ्‌यीमाकी स्‍यीज्‍यीम् य्‍हर्‌बे ल्‍हीरी पाप्‍त सासन् थस्‍य्‍हेङ्‍पुङो, ओसेम् पाप्‍की दुस्‍ट म्‍हेन्‍बचे कुल्‍बे तम्‍मा थङ्‌येनो।

रोमी 6:22

तर देरेम् एङ्‍यीमा पाप् ग्‍यम्‍से छुटकारा यङ्‌ज्‍यीम् पर्‌मेस्‍वर्‌की बानामा तबल मुब। हुजुचेमी पबीत्रता ओसेम् ज्‍युरी खेमेएनो अबेबे जीवन्‍री दोनलब।

रोमी 7:14

तलेपङ्‌सम् मोसाचे ब्रीबे पर्‌मेस्‍वर्‌की नीयम् पर्‌मेस्‍वर्‌की आत्‍माचे न्‍हङ्‌बल य्‍हीन्‍ब पङ्‍बे तम् ङ्‍य्‍हङ्‍माचे स्‍येब, तर ङमी ल्‍हीकी स्‍वभाब्‍री मुब ओसेम् हुजु स्‍वभाब्‍चेनो ङत पाप् स्‍य्‍हेङ्‌न लब।

रोमी 8:13

तलेपङ्‍सम् एङ्‍यीमा ल्‍हीःकी पाप् स्‍वभाब्‍चे म्‍हेन्‍ब अनुसार ब्रसम् एङ्‍यीमा स्‍यीस्‍ये मुब, तर एङ्‍यीमाचे आत्‍माइ सक्‍ती ग्‍यम्‍से ल्‍हीःकी पाप् लक्‍मात नास् लज्‍यी पङ्‌सम् एङ्‍यीमा सोस्‍ये मुब।

२ कोरीन्‍थी 5:14

ख्रीस्‍ट्‍की म्‍होइबचे ङ्‍यीमात खीःब, तलेपङ्‍सम् ङ्‌यीमाचे ज्‍यनले स्‍येःब, जम्‍मनो म्‍हीमाकी लागीरी म्‍ही गीः स्‍यीपीन्‍जेत्‍पल तज्‍यीम् जम्‍मनो स्‍यीज्‍यी।

गलाती 2:20

ङ ख्रीस्‍ट्‍तेङ् बक्‍च्‍य क्रुस्‍री च्‍योबल मुब, देरे य्‍हङ्‍से सोबल ङ अय्‍हीन्, तर ख्रीस्‍ट् ङन्‍हङ् सोजेत्‍प। देरे ल्‍हीःरी सोबे चु जीवन् ङ पर्‌मेस्‍वर्‌की जत बीस्‍वास् स्‍य्‍हेङ्‌ज्‍यीम् सोब, थेङ्‌चेनो ङत म्‍होइजेत्‍ज्‍यी, ओसेम् ङइ लागीरी र्‌हङ्‌की जीवन् न्‍हङ्‍जेत्‍ज्‍यी।

गलाती 5:24

खजु म्‍हीमा येसु ख्रीस्‍ट्‍ल य्‍हीन्‍ब, थेङ्‍यीमाचे पापी स्‍वभाबतेङ् बक्‍च्‍य पापी स्‍वाभाबचे स्‍य्‍हेङ्‍ब म्‍हेन्‍बे दुस्‍ट लक्‍मात क्रुस्‍री च्‍योलाबल तब।

गलाती 6:14

तर ङमी ल्‍हो-ल्‍हो तइ तम्‍रीएनो अय्‍हीन्, ङ्‍य्‍हङ्‍की प्रभु येसु ख्रीस्‍ट्‍की क्रुस्‍रीकीनो घमन्‍ड स्‍य्‍हेङ्‍ब। थेङ् क्रुस्‍री स्‍यीजेत्‍पल तज्‍यीम् जम्‍बुलीङ् ङइ लागीरी स्‍यीबल मुब ओसेम् ङ जम्‍बुलीङ्‌की स्‍हेःमाकी लागीरी स्‍यीबल मुब।

एफीसी 4:22

होत्‍तज्‍यीम् एङ्‍यीमाचे ङोन्‍ग्‍यम्‍की पाप् स्‍वभाब्‍मा अनुसार् सोबे एङ्‌यीमाकी पुरानो जीवन् सोब पीत्‍लाको। एङ्‌यीमाकी हुजु ङोन्‍ग्‍यम्‍की जीवन्‍मी अज्‍यबे सेम्‍चे म्‍हेन्‍बे लुबे तम्‍माचे न्‍होङ्‍टीब मुबल।

कलस्‍सी 3:5

होत्‍तज्‍यीम् एङ्‍यीमाचे जम्‍बुलीङ्‌की अज्‍यबे बानी बेहोर् ख्‍लागो। हुजु बानी बेहोर्‌मामी बेस्‍या स्‍य्‍हेङ्‌ब, असुद्‍द तम् पङ्‍ब, बेस्‍या स्‍य्‍हेङ्‌बे सेम् लब, दुस्‍ट सेम् थोःब ओसेम् लोभ स्‍य्‍हेङ्‍ब, हुजु लोभ् स्‍य्‍हेङ्‌बमी ख्‍लमात तेन्‍ब य्‍हीन्‍ब।

तीतस 3:3

तलेपङ्‍सम् ङोन्‍ग्‍यम् ङ्‍य्‍हङ्‍माएनो मुर्‌ख, पर्‌मेस्‍वर्‌त अङ्‍येन्‍बल, बराल्‍तीज्‍यीम् ब्रबल। ङ्‍य्‍हङ्‍मा अज्‍यबे सेम्‍तेङ् मनमोज्‍की बाना मुबल। ओसेम् र्‌होत न्‍होङ्‍न लबे सेम् थोःबतेङ् स्‍हेर्‌बल, म्‍हीमाचे ङ्‍य्‍हङ्‍त अखोबल ओसेम् ङ्‍य्‍हङ्‍मा न्‍हङ्‍एनो गीःचे गीःत अखोबल मुबल।