रोमी 5:20 - पश्‍चिम तामाङ

²⁰ म्‍हीमाचे र्‌हङ्‍की पाप्‍मा म्रङ्‌खइ पङ्‍ज्‍यीम् पर्‌मेस्‍वर्‌की नीयम् खज्‍यी। तर म्‍हीमाचे गदे य्‍हक्‍को पाप्‍मा स्‍य्‍हेङ्‍ज्‍यी, पर्‌मेस्‍वर्‌की अनुग्रहमी हुजु बीमएनो झेन् य्‍हक्‍को तज्‍यी।

रोमी 5:20 ပူးပေါင်းရင်းမြစ်များ

मत्‍ती 20:9

ओसेम् नाइकेचे पाच बजेक्‍योर् लक् सुरु स्‍य्‍हेङ्‌बलमात ङोन्‍ग्‍यम् ङ्‌होत्‍ज्‍यीम् दीन्गीकी म्‍हेल म्‍हुइकी डबल् काकर् पीन्‍ज्‍यी।

मत्‍ती 9:13

ङ्‍यीउ ओसेम् धर्‌म छ्‍येःरी ब्रीबे चु तम्‍की अर्‌थ गोउ, ‘ङ एङ्‌यीमा ग्‍यम्‍से ठा अय्‍हीन्, तर दय स्‍य्‍हेङ्‌खइ म्‍हेन्‍ब।’ तलेपङ्‍सम् ङ धर्‌मीत अय्‍हीन् पापीमात ङ्‍होत्‍परी खज्‍यी।”

लुका 7:47

ङ एत पङ्‌ब, थेल य्‍हक्‍को पापमा क्षमा तबल मुब, तलेपङ्‍सम् थेचे ङत य्‍हक्‍को म्‍होइज्‍यी। तर चेक्‍कीनो पाप क्षमा यङ्‌बे म्‍हीचेम् चेक्‍नो म्‍होइब।”

युहन्‍ना 10:10

य्‍होमामी ग्‍युमा य्‍हो लबरी ओसेम् सेत्‍ज्‍यीम् नास् लबरी खब। तर ङमी थेङ्‍यीमाचे जीवन् यङ्‍खइ ओसेम् थेङ्‍यीमाचे हुजु योबगदे यङ्‍खइ पङ्‍ज्‍यीम् खबल य्‍हीन्‍ब।

युहन्‍ना 15:22

“ङ युज्‍यीम् थेङ्‌यीमात अस्‍येत्‍पीन्‍बल य्‍हीन्‍सम् थेङ्‍यीमा पापकी दोसी तस्‍ये अरेबल, तर देरेम् थेङ्‌यीमाकी पाप्‍की लागीरी ताकी ङ्‍युङ्‍एनो अरे।

रोमी 4:15

तलेपङ्‍सम् मोसाचे ब्रीबे नीयम्‍चे पर्‌मेस्‍वर्‌की बोमो बब। तर मोसाचे ब्रीबे नीयम् अरेबल य्‍हीन्‍सम् हुजुरी पापएनो अत।

रोमी 6:1

देरेम् ङ्‍य्‍हङ्‍माचे ता पङ्‌स्‍ये? ता ङ्‍य्‍हङ्‍माचे पर्‌मेस्‍वर्‌की अनुग्रह य्‍हक्‍को तबोर्‌खइ पङ्‍ज्‍यीम् पाप् स्‍य्‍हेङ्‍स्‍यीनो टीब स्‍यीम्?

रोमी 6:14

पाप्‍चे एङ्‌यीमाकी जोरी सासन् स्‍य्‍हेङ्‍स्‍ये अरे, तलेपङ्‍सम् एङ्‍यीमा मोसाचे ब्रीबे पर्‌मेस्‍वर्‌की नीयम्‍की अधीन्‍री अय्‍हीन्, तर अनुग्रहइ अधीन्‍री मुब।