रोमी 5:15 - पश्‍चिम तामाङ

¹⁵ तर पर्‌मेस्‍वर्‌चे ओलेन्‍नो न्‍हङ्‌बे बर्‌दान्‍तेङ् आदम्‍की पाप्‍री डीःबे तम् तएनो अरे। तलेपङ्‍सम् आदम् पङ्‍बे म्‍ही गीःकी पाप्‍चे लज्‍यीम् य्‍हक्‍को म्‍हीमा स्‍यीज्‍यी, तर पर्‌मेस्‍वर्‌की अनुग्रहतेङ् लीप्‍चे ब्‍योन्‍खबे म्‍ही गीः येसु ख्रीस्‍ट्‍की अनुग्रह ग्‍यम्‍से म्‍हीमाचे ओलेनो यङ्‍बे बर्‌दान्‍मी य्‍हक्‍को म्‍हीमाइ लागीरी झेन् य्‍हक्‍को तज्‍यी।

रोमी 5:15 ပူးပေါင်းရင်းမြစ်များ

मत्‍ती 20:28

होलेनो म्‍हीइ जएनो स्‍य्‍हप्‍तो यङ्‌बरी अय्‍हीन् तर ल्‍हो-ल्‍होत स्‍य्‍हप्‍तो स्‍य्‍हेङ्‌बरी, ओसेम् य्‍हक्‍को म्‍हीमात थर्‌ब पीन्‍बरी र्‌हङ्‌की जीवन् पीन्‍बरी युज्‍यी।”

मत्‍ती 26:28

चु ङइ का ग्‍यम्‍से पर्‌मेस्‍वर्‌चे थेङ्‌की करार् थेङ्‌की म्‍हीमातेङ् स्‍य्‍हेङ्‌ब। चु का य्‍हक्‍को म्‍हीमाइ पापमाकी क्षमा तबे लागीरी य्‍हर्‌पुङ्‍स्‍ये मुब।

युहन्‍ना 3:16

तलेपङ्‍सम् पर्‌मेस्‍वर्‌चे जम्‍बुलीङ्‌की म्‍हीमात य्‍हक्‍को म्‍होइज्‍यीम् र्‌हङ्‌की गीःकीनो मुबे जत पीत्‍युजेत्‍ज्‍यी। खल्‍चे पर्‌मेस्‍वर्‌की जत बीस्‍वास् स्‍य्‍हेङ्‌ब थेङ्‍यीमा खलएनो नास् तस्‍ये अरे तर थेङ्‍यीमाचे खेमेएनो अबेबे जीवन् यङ्‍स्‍ये मुब।

युहन्‍ना 4:10

येसुचे अमकोलत जोहाप् न्‍हङ्‌ज्‍यी, “एचे पर्‌मेस्‍वर्‌की बरदान्‍तेङ् एत यी र्‌हीत्‍पे म्‍हीत स्‍येबल य्‍हीन्‍सम् एचेक थेत र्‌हीत्‍स्‍ये मुबल, ओसेम् थेचे एत सोम्‍बो यी पीन्‍स्‍ये मुबल।”

प्रेरीत् 15:11

होले स्‍य्‍हेङ्‌ब अत, थेङ्‍यीमाएनो ङ्‍य्‍हङ्‍माचे र्‌हङ्‌लेनो बीस्‍वास् स्‍य्‍हेङ्‌ज्‍यीम् प्रभु येसुइ अनुग्रह यङ्‌ज्‍यीम् थर्‌बलमा य्‍हीन्‍ब।”

रोमी 5:12

आदम ग्‍यम्‍से जम्‍बुलीङ्‌री पाप् खज्‍यी, ओसेम् थेइ पाप्‍चे स्‍यीब बज्‍यी। चोले जम्‍मनो म्‍हीमान्‍हङ् स्‍यीब वङ्‍ज्‍यी तलेपङ्‍सम् जम्‍मनो म्‍हीमाचे पाप् स्‍य्‍हेङ्‍ज्‍यी।

रोमी 6:23

होत्‍तज्‍यीम् पाप्‍चे थेइ बानात पीन्‍बे म्‍हेलामी स्‍यीब य्‍हीन्‍ब, तर ङ्‍य्‍हङ्‍की प्रभु येसु ख्रीस्‍ट्‍री खेमेनो अबेबे जीवन् सोब मी पर्‌मेस्‍वर्‌चे ओलेन्‍नो न्‍हङ्‌बे बर्‌दान् य्‍हीन्‍ब।

२ कोरीन्‍थी 5:14

ख्रीस्‍ट्‍की म्‍होइबचे ङ्‍यीमात खीःब, तलेपङ्‍सम् ङ्‌यीमाचे ज्‍यनले स्‍येःब, जम्‍मनो म्‍हीमाकी लागीरी म्‍ही गीः स्‍यीपीन्‍जेत्‍पल तज्‍यीम् जम्‍मनो स्‍यीज्‍यी।

२ कोरीन्‍थी 9:15

सेइ लज्‍यीम् अखम्‍बे पर्‌मेस्‍वर्‌की बर्‌दान्‍की लागीरी थेङ्‍त व्‍होर्‌छ्‌ये तखइ।

एफीसी 2:8

तलेपङ्‍सम् पर्‌मेस्‍वर्‌की अनुग्रहचे लज्‍यीम्‍नो बीस्‍वास् ग्‍यम्‍से एङ्‍यीमाचे थर्‌ब यङ्‌बल य्‍हीन्‍ब, ओसेम् चु एङ्‌यीमाकी लक्‍मा ग्‍यम्‍से अय्‍हीन्, तर पर्‌मेस्‍वर्‌की बर्‌दान् य्‍हीन्‍ब।

हीब्रु 2:9

तर य्‍हम्‍की लागीरी स्‍वर्‌गदुत्‍मा बीम ज्‍यीद तन लजेत्‍बे येसुत ङ्‍य्‍हङ्‍माचे म्रङब। ओसेम् पर्‌मेस्‍वर्‌की अनुग्रहचे लज्‍यीम् थेङ् जम्‍म म्‍हीमाकी लागीरी स्‍यीपीन्‍जेत्‍ज्‍यी। हुजु स्‍यीबे दुख नापीन्‍जेत्‍पल तज्‍यीम् पर्‌मेस्‍वर्‌चे थेङ्‌त महीमातेङ् स्‍य्‍हेसइ क्रेकी कुःपीन्‍जेत्‍ज्‍यी।

१ युहन्‍ना 2:2

थेङ् ङ्‍य्‍हङ्‍की पाप्‍मा क्षमा लबरी स्‍यीजेत्‍पल य्‍हीन्‍ब। ङ्‌य्‍हङ्‌माकी लागीरीकीनो अय्‍हीन्, तर जम्‍बुलीङ्‌की जम्‍मनो म्‍हीमाकी पापकी लागीरीएनो य्‍हीन्‍ब।

१ युहन्‍ना 5:11

पर्‌मेस्‍वर्‌चे न्‍हङ्‌बे गबाही चुनो य्‍हीन्‍ब, की पर्‌मेस्‍वर्‌चे ङ्‍य्‍हङ्‍त खेमेएनो अबेबे जीवन् न्‍हङ्‍जेत्‍ज्‍यी, ओसेम् हुजु जीवन थेङ्‌की जतेङ् मुब।