रोमी 4:5 - पश्‍चिम तामाङ

⁵ खल्‍चे पङ्‌लेनो र्‌हङ्‍की लक्‍मा ग्‍यम्‍से धर्‌मी तब म्‍हइब अय्‍हीन्, तर अधर्‌मीतएनो धर्‌मी तनलजेत्‍पे पर्‌मेस्‍वर्‌री बीस्‍वास् स्‍य्‍हेङ्‍सम् थेत पर्‌मेस्‍वर्‌चे थेङ्‍की ङोन्‍री धर्‌मी ङोन्‍जेत्‍स्‍ये मुब। चोले पर्‌मेस्‍वर्‌चे म्‍हीमात बीस्‍वास् ग्‍यम्‍से धर्‌मी ठार्‌तीन लजेत्‍प।

रोमी 4:5 ပူးပေါင်းရင်းမြစ်များ

मर्‌कुस् 9:23

येसुचे थेत सुङ्‌ज्‍यी, “‘खम्सम्’ बी तले पङ्‍बल? बीस्‍वास् स्‍य्‍हेङ्‍बलत जम्‍मनो तब खम्‍ब।”

युहन्‍ना 5:24

“देमेन्‍नो ङ एङ्‌यीमात पङ्‌ब, खल्‍चे ङइ तम् ङ्‌येन्‍ज्‍यीम् ङत पीत्‍युजेत्‍पलत बीस्‍वास् स्‍य्‍हेङ्‌ब, थेतेङ् खेमेएनो अबेबे जीवन तब। ओसेम् थे न्‍यायरी दोःस्‍ये अरे, तर स्‍यीब ग्‍यम्‍से जीवन्‍री वङ्‌ज्‍यीन्‍बल तब।

युहन्‍ना 6:29

येसुचे थेङ्‌यीमात, “पर्‌मेस्‍वर्‌चे थुः लजेत्‍पे लक्‍मा चुनो य्‍हीन्‍ब, थेङ्‌चे पीत्‍युजेत्‍पलत बीस्‍वास् स्‍य्‍हेङो” बी जोहाप् न्‍हङ्‌ज्‍यी।

रोमी 10:3

तलेपङ्‍सम् पर्‌मेस्‍वर्‌चे थेङ्‍की ङोन्‍री धर्‌मी ङोन्‍न लजेत्‍बे ग्‍यम्‍त थेङ्‍यीमाचे अस्‍येज्‍यीम् र्‌हङ् ग्‍यम्‍चेनो धर्‌मी ङोन्‍ब म्‍हइब, होलेतज्‍यीम् थेङ्‍यीमा पर्‌मेस्‍वर्‌चे धर्‌मी ङोन्‍बे ग्‍यम्‍री अब्र।

रोमी 3:22

येसु ख्रीस्‍ट्‍री बीस्‍वास् स्‍य्‍हेङ्‌बलमा जम्‍मतनो पर्‌मेस्‍वर्‌चे धर्‌मी स्‍य्‍हेङ्‌जेत्‍प। थेङ्‍चे खलतएनो ज्‍यीद ङ्‍हच्‍छ्‍यङ् म्‍हेन्‍अजेत्।

रोमी 4:24

तर ङ्‍य्‍हङ्‍माकी लागीरीएनो ब्रीबल य्‍हीन्‍ब। ङ्‍य्‍हङ्‍मा खल खलचे ङ्‍य्‍हङ्‍की प्रभु येसुत स्‍यीब ग्‍यम्‍से सोनलजेत्‍पे पर्‌मेस्‍वर्‌री बीस्‍वास् स्‍य्‍हेङ्‍ब थेङ्‍चे ङ्‍य्‍हङ्‍मात धर्‌मी म्‍ही पङ्‍ज्‍यीम् ग्रहन् स्‍य्‍हेङ्‌जेत्‍प।

रोमी 4:3

धर्‌मछ्‍येःरी ब्रीबल मुब, “अब्रहामचे पर्‌मेस्‍वर्‌त बीस्‍वास् स्‍य्‍हेङ्‌ज्‍यी, होत्‍तज्‍यीम् पर्‌मेस्‍वर्‌चे थेत धर्‌मी म्‍ही पङ्‍ज्‍यीम् ग्रहन् स्‍य्‍हेङ्‍जेत्‍ज्‍यी।”

रोमी 4:6

दाउद्‍चेएनो लक् ग्‍यम्‍से अय्‍हीन् तर पर्‌मेस्‍वर् ग्‍यम्‍से धर्‌मी ठार्‌तीज्‍यीम् मोलम् यङ्‍बे म्‍हीइ बारेरी चोले पङ्‍ब,

फीलीप्‍पी 3:9

ओसेम् ङ थेङ्‍तेङ् गीः तबल मुब। मोसाचे ब्रीबे नीयम् ङ्‌येन्‍ज्‍यीम् ङ परमेस्‍वरकी ङोन्‍ग्‍यम् धर्‌मी तअखम्, तर देरेम् ङइ धार्‌मीक्‍ता ख्रीष्‍ट्‍री बीस्‍वास् स्‍य्‍हेङ्‍बल तज्‍यीम् तब। ओसेम् पर्‌मेस्‍वर् ग्‍यम्‍से खबे धार्‌मीक्‍तामी बीस्‍वास्‍री भर् तब।