रोमी 4:25 - पश्चिम तामाङ25 पर्मेस्वर्चे येसुत ङ्य्हङ्माकी पाप्की लागीरी स्यीपुङ्जेत्ज्यी, ओसेम् ङ्य्हङ्मात पर्मेस्वर्की ङोन्री धर्मी तन लबरी येसुत दोःज्यीम् सोम्बो तनलजेत्ज्यी। အခန်းကိုကြည့်ပါ။ |
रोमी 4:25
34 ပူးပေါင်းရင်းမြစ်များ
तलेपङ्सम् पर्मेस्वर्चे येसु ख्रीस्ट्त ठाकी रुप्री पीत्युजेत्ज्यीम् थेङ्की काः ङ्य्हङ्माकी लागीरी य्हर्पुङ्जेत्ज्यी पङ्ज्यीम् बीस्वास् स्य्हेङ्बे म्हीमाकी पाप् म्हन लजेत्पल मुब। पर्मेस्वर्चे र्हङ्चे र्हङ्त धर्मी य्हीन्ब बी ङोन्जेत्परी चोले स्य्हेङ्जेत्ज्यी। तलेपङ्सम् पर्मेस्वर्चे ख्रीस्ट् ब्योन्युब बीम ङोन्ग्यम् बोमो नाजेत्ज्यीम् म्हीमात पाप्की सजाय न्हङ्अजेत्।
म्हीइ पाप स्वभाब्चे लज्यीम् मोसाचे ब्रीबे नीयम्चे म्हीमात पाप् ग्यम्से फेःपीन्ब अखम्बे लक् पर्मेस्वर्चे स्य्हेङ्जेत्ज्यी। पर्मेस्वर्चे र्हङ्की जत पापी स्वभाब् मुबे म्हील र्हङ्बे ल्हीःरी पीत्युजेत्ज्यी। ओसेम् म्हीइ पाप्की लागीरी थेङ्त सजाय न्हङ्जेत्ज्यी, ओसेम् थेङ्की ल्हीः ग्यम्से पाप्की सक्तीत नास् स्य्हेङ्जेत्ज्यी।
मोसाचे ब्रीबे पर्मेस्वर्की नीयम् अङ्येन्बल तज्यीम् ङ्य्हङ्मात फोःथोबे केम्लङ् ख्रीस्ट्चे ङ्य्हङ्माकी लागीरी नाजेत्ज्यी, ओसेम् थेङ्चे ङ्य्हङ्मात हुजु केम्लङ् ग्यम्से फेःपीन्जेत्पल मुब। तलेपङ्सम् धर्म छ्येःरी, “दोङ्बोरी च्योलाबलमा जम्मनो केम्लङ् फोःबल तब” बी ब्रीबल मुब।
बीस्वास्योग्य साक्षी ओसेम् स्यीब ग्यम्से सोबलमान्हङ्री जम्मन्हङ्री ङोन्ग्यम् सोजेत्पल, ओसेम् जम्बुलीङ्की ग्यल्बोमाकी ग्यल्बो येसु ख्रीस्ट् ग्यम्से एङ्यीमात अनुग्रहतेङ् सान्ती। येसु ख्रीस्ट्चे ङ्य्हङ्मात म्होइजेत्प ओसेम् र्हङ्की काचे ङ्य्हङ्मात ङ्य्हङ्माकी पाप्मा ग्यम्से फेःपीन्जेत्पल मुब।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
ကြော်ငြာတွေ