रोमी 3:31 - पश्‍चिम तामाङ

³¹ पर्‌मेस्‍वर्‌की ङोन्‍री बीस्‍वास् ग्‍यम्‍से धर्‌मी ठार्‌तीसम् ता पर्‌मेस्‍वर्‌की नीयम्‍मी लक् अतबल तब? अय्‍हीन्। बरु ङ्‍य्‍हङ्‍माचेम् थेङ्‍की नीयम्‍त देमेन्‍ले टोप लब।

रोमी 3:31 ပူးပေါင်းရင်းမြစ်များ

मत्‍ती 15:6

थेचेम् अप-अमइ स्‍य्‍हप्‍तो स्‍य्‍हेङ्‌अथो पङ्‍ब। चोले एङ्‍यीमाचे र्‌हङ्‌की पेठीम्‍मा म्‍हन्‍दीज्‍यीम् पर्‌मेस्‍वर्‌चे कुल्‍जेत्‍पे अर्‌ती अङ्‌येन्‍बल मुब।

मत्‍ती 3:15

येसुचे सुङ्‌ज्‍यी, “देरे चोलेनो तपुङो, तलेपङ्‍सम् पर्‌मेस्‍वर्‌की थु टोप लपरी ङ्‍य्‍हङ्‍चे चोलेनो स्‍य्‍हेङ्‍थोब।” हुजु लीप्‍चे थेङ्‌त बप्‍तीस्‍मा पीन्‍बरी युहन्‍ना ङ्‍येन्‍ज्‍यी।

मत्‍ती 5:17

“ङ मोसाचे ब्रीबे पर्‌मेस्‍वर्‌की नीयम्तेङ् अगम्‍बक्‍तमाचे लोप्‍पे तम्‍त म्‍हनलबरी युबल एङ्‍यीमाचे थम्‍हेनो। ङ हुजुमा म्‍हनलबरी युबल अय्‍हीन् तर टोप तन लबरी युबल य्‍हीन्‍ब।

मत्‍ती 5:20

होत्‍तज्‍यीम् ङ एङ्‌यीमात पङ्‍ब, पर्‌मेस्‍वर्‌चे कुल्‍जेत्‍पे अर्‌तीमा धर्‌म लोप्‍पोन्‍मातेङ् फरीसीमाचे बीम य्‍हक्‍को ज्‍यनले अङ्‍येन्‍सम् एङ्‍यीमा खेमेनो स्‍वर्‌गइ य्‍हुल्‍री वङ्‍स्‍ये अरे।

लुका 20:16

ङ एङ्‌यीमात पङ्‌ब, थे खज्‍यीम् थेङ्‌यीमात सेत्‍लाज्‍यीम् हुजु अङ्‌गुर्‌की म्रङ् ल्‍हो-ल्‍होमात पीन्‍स्‍ये मुब।” म्‍हीमाचे चु थ्‍येःज्‍यीम् पङ्‌ज्‍यी, “चोतेब खेमेएनो अतखइ!”

रोमी 10:4

तलेपङ्‍सम् बीस्‍वास् स्‍य्‍हेङ्‌बलमा जम्‍मतनो पर्‌मेस्‍वर्‌की ङोन्‍री धर्‌मी ङोन्‍खइ पङ्‍ज्‍यीम् ख्रीस्‍ट्‍नो मोसाचे ब्रीबे नीयम्‍की ज्‍यु तजेत्‍ज्‍यी।

रोमी 2:20

ओसेम् एङ्‍यीमाचे र्‌हङ्‍चे र्‌हङ्‌तनो मुर्‌ख म्‍हीमात ज्‍यबे म्‍ही तनलबे म्‍ही य्‍हीन्‍ब बी म्‍हेन्‍ब, ओसेम् अस्‍येबे कोलमात लोप्‍पीन्‍बे म्‍ही य्‍हीन्‍ब बी म्‍हेन्‍ब, तलेपङ्‍सम् एङ्‍यीमाचे र्‌हङ्‍चे र्‌हङ्‌तनो पर्‌मेस्‍वर्‌की नीयम्‍रीनो जम्‍मनो ज्ञान्‍तेङ् देमेन् यङ्‌बल मुब बी म्‍हेन्‍ब।

रोमी 3:4

होले अत, म्‍हीमा भ्‍यु तलेएनो पर्‌मेस्‍वर्‌मी देमेन् य्‍हीन्‍ब। धर्‌म छ्‍येःचे थेङ्‌की बारेरी चोले पङ्‍ब, “थेङ्‍चे सुङ्‍जेत्‍पे फ्रोइरी थेङ् ठीक् बी ङोन्‍जेत्‍प, ओसेम् म्‍हीमाचे थेङ्‌की न्‍याय स्‍य्‍हेङ्‌बतेङ् थेङ् डाजेत्‍स्‍ये मुब।”

रोमी 3:6

होले अय्‍हीन्! होले य्‍हीन्‍सम् पर्‌मेस्‍वर्‌चे जम्‍बुलीङ्‌की न्‍याय खले स्‍य्‍हेङ्जेत्‍प?

रोमी 4:14

मोसाचे ब्रीबे नीयम् ङ्‍येन्‍बलमाचेकीनो हक् यङ्‍सम् बीस्‍वास्‍तेङ् थेङ्‍की बाचा तइ लकएनो अतस्‍ये मुबल।

रोमी 7:22

ङ ङइ सेम्‍न्‍हङ् पर्‌मेस्‍वर्‌की नीयम्‍री तङ्‍ब।

रोमी 7:25

तर पर्‌मेस्‍वर्‌त व्‍होर्‌छ्‍ये तखइ, ङ्‍य्‍हङ्‍की प्रभु येसु ख्रीस्‍ट्‌चेनो चु ग्‍यम्‍से ङत फेःपीन्‍जेत्‍बल मुब! होत्‍तज्‍यीम् एङ्‍यीमाचे म्रङ्‌ब, ङमी सेम्‍य्‍हङ्‍सेनो पर्‌मेस्‍वर्‌की नीयम्‍की सेव स्‍य्‍हेङ्‍ब, तर ङन्‍हङ् मुबे पापी स्‍वभाब्चेएनो ङत पाप्‍की नीयम्‍की बाना तनलब।

रोमी 8:4

होत्‍तज्‍यीम् देरेम् ङ्‍य्‍हङ्‍माचे पर्‌मेस्‍वर्‌की नीयम्‍चे पङ्‍बे तम् टोप् लब खम्‍ब, तलेपङ्‍सम् ङ्‍य्‍हङ्‍मा ल्‍हीःकी पाप् स्‍वभाव अनुसार अय्‍हीन् तर पबीत्र आत्‍मा अनुसार सोब।

१ कोरीन्‍थी 9:21

यहुदी अय्‍हीन्‍बे म्‍हीमाकी गुङ्‍री थेङ्‍यीमाचे ख्रीस्‍ट्‍त बीस्‍वास् स्‍य्‍हेङ्‌खइ पङ्‍ज्‍यीम् ङचेएनो यहुदी नीयम् अरेबलमाचे रहङ्‍ब स्‍य्‍हेङ्‌ज्‍यी। चु पङ्‍बलमी ङचे मोसाचे ब्रीबे पर्‌मेस्‍वर्‌की नीयम्‍त अङ्‍येन् पङ्‍बल अय्‍हीन्, ङ ख्रीस्‍ट्‍की नीयम्‍त ङ्‍येन्‍ब।

गलाती 2:19

तलेपङ्‍सम् ङ मोसाचे ब्रीबे पर्‌मेस्‍वर्‌की नीयम् अनुसार् सोब म्‍हइमम् हुजु नीयम्‍चे ङत दोसी ङोन्‍ज्‍यी। होत्‍तज्‍यीम् पर्‌मेस्‍वर्‌की लागीरी सोब खम्‍खइ पङ्‍ज्‍यीम् ङचे हुजु नीयम् ङ्‌येन्‍ज्‍यीम् ब्रब पीत्‍ज्‍यी।

गलाती 2:21

ङ पर्‌मेस्‍वर्‌की अनुग्रहत लक् अतबल अपङ्, तलेपङ्‍सम् म्‍ही मोसाचे ब्रीबे पर्‌मेस्‍वर्‌की नीयम् ङ्‌येन्‍ज्‍यीम् धर्‌मी तब खम्सम् ख्रीस्‍ट् स्‍यीजेत्‍पल स्‍यीत्‍तीरी तब।