रोमी 3:3 - पश्‍चिम तामाङ

³ तर कोइ कोइ यहुदीमाचे पर्‌मेस्‍वर्‌तेङ् स्‍य्‍हेङ्‌बे बाचारी बीस्‍वासीलो अतमम् ता थेङ्‍यीमाकी अबीस्‍वास्‍चे पर्‌मेस्‍वर्‌की बीस्‍वासीलोत न्‍होङ्‌न लब स्‍यीम?

रोमी 3:3 ပူးပေါင်းရင်းမြစ်များ

मत्‍ती 24:35

मुतेङ् जम्‍बुलीङ् म्‍हज्‍यीम् य्‍हर्‌स्‍ये मुब, तर ङइ छीमा खेमेएनो म्‍हस्‍ये अरे।

युहन्‍ना 1:16

थेङ्‌की य्‍हक्‍को अनुग्रहचे प्‍लीङ्‍जेत्‍पल तज्‍यीम् ङ्‍य्‍हङ्‍मा जम्‍मचेनो मोलम्‍की जोरी मोलम् यङ्‌बल मुब।

रोमी 10:16

तर ज्‍यबे सम्‍तर्‌त थ्‍येःबलमा जम्‍मचेनोमी बीस्‍वास् अस्‍य्‍हेङ्। यसैया अगम्‍बक्‍तचे पङ्‍ब, “प्रभु, ङ्‌यीमाचे स्‍येत्‍पे सम्‍तर्‌त खल्‍चे बीस्‍वास् स्‍य्‍हेङ्‍ज्‍यी स्‍यीम्?”

रोमी 11:29

तलेपङ्‌सम् पर्‌मेस्‍वर्‌चे र्‌हङ्‌चे न्‍हङ्‌जेत्‍पे बर्‌दान्‍त दोज्‍यीम् कीन्‍अजेत् ओसेम् ङ्‌होजेत्‍पलमात खेमेएनो ख्‍लाअजेत्।

रोमी 9:6

तर पर्‌मेस्‍वर्‌चे इस्राएलीमात स्‍य्‍हेङ्‍जेत्‍पे बाचा टोप् अतबलमी अय्‍हीन्, तलेपङ्‌सम् इस्रएल्‍की खलक्‍री न्‍हज्‍यी पङ्‍मम् जम्‍मनो इस्रएलीमा पर्‌मेस्‍वर्‌की म्‍ही तब अखम्।

२ कोरीन्‍थी 3:18

ङ्‍य्‍हङ्‍मा जम्‍मचेनो क्रकुचे लीः अगप्‍नले प्रभुइ महीमात ङोन्‍बल मुब। प्रभु आत्‍मा य्‍हीन्‍ब, ओसेम् थेङ् ग्‍यम्‍से खबे महीमाकी य्‍हल्‍चे ङ्‍य्‍हङ्‍मात थेङ् र्‌हङ्‍बनो स्‍य्‍हेङ्‍बोर्‌ज्‍यीम् झेन् य्‍हक्‍को महीमीत् तनलजेत्‍प।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

२ तीमोथी 2:13

ङ्‍य्‍हङ्‍मा बीस्‍वासीलो अतलएनो थेङ्‍मी बीस्‍वासीलो तजेत्‍स्‍यीनो टीब, तलेपङ्‍सम् थेङ्‌चे र्‌हङ्‌चे र्‌हङ्‍त इन्‍कार् स्‍य्‍हेङ्‍अखम्।”

हीब्रु 4:2

तलेपङ्‌सम् ङ्‍य्‍हङ्‍की म्‍हेम्‍हेमात र्‌हङ्‌ले ङ्‍य्‍हङ्‍मातएनो दुःब न्‍हबे ग्‍लाकी बारेरी स्‍येत्‍पल मुब। तर थेङ्‍यीमाकी लागीरी हुजु दुःब न्‍हबे ग्‍लाकी बारेइ तम् लक् अतबल तज्‍यी, तलेपङ्‍सम् थेङ्‍यीमाचे हुजु तम्‍त बीस्‍वास् लज्‍यीम् ग्रहन् अस्‍य्‍हेङ्।