रोमी 3:23 - पश्‍चिम तामाङ

²³ तलेपङ्‍सम् जम्‍मचेनो पाप् स्‍य्‍हेङ्‍बल मुब, ओसेम् पर्‌मेस्‍वर्‌की महीमा ग्‍यम्‍से थारीङ् तबल मुब।

रोमी 3:23 ပူးပေါင်းရင်းမြစ်များ

रोमी 1:28

थेङ्‍यीमाचे पर्‌मेस्‍वर्‌त स्‍य्‍हेस स्‍य्‍हेङ्‍ब मुर्‌ख य्‍हीन्‍ब म्‍हेन्‍ज्‍यी, होत्‍तज्‍यीम् पर्‌मेस्‍वर्‌चे थेङ्‍यीमात थेङ्‍यीमाकी मुर्‌ख म्‍हेन्‍बरी ख्‍लेथेन्‍जेत्‍ज्‍यी, ओसेम् थेङ्‍यीमाचे खेमेएनो स्‍य्‍हेङ्‍ब अतबे लक्‍मा स्‍य्‍हेङ्‌ज्‍यी।

रोमी 11:32

पर्‌मेस्‍वर्‌चे कुल्‍जेत्‍पे अर्‌ती अङ्‌येन्‍बल तज्‍यीम् जम्‍मनो म्‍हीमात थेङ्‌चे जेल्‍री च्‍युप्‍पलमात र्‌हङ्‌ब स्‍य्‍हेङ्‍जेत्‍ज्‍यी। थेङ्‌चे थेङ्‌यीमात र्‌हङ्‍की दय ङोन्‍जेत्‍परी चोले स्‍य्‍हेङ्‌जेत्‍पल मुब।

रोमी 3:19

मोसाचे ब्रीबे नीयम्‍की तम् हुजु नीयम्‍की दुङ्‌री टीबे म्‍हीमाइ लागीरी ब्रीबल य्‍हीन्‍ब बी ङ्‍य्‍हङ्‍माचे स्‍येःब। होत्‍तज्‍यीम् खल्‍चेएनो तएनो पङ्‍ब खम्‍स्‍ये अरे, ओसेम् जम्‍बुलीङ्‌की जम्‍मनो म्‍हीमा दोसी ङोन्‍बरी पर्‌मेस्‍वर्‌की ङोन्‍ग्‍यम् रप्‍पुङ्‌स्‍ये मुब।

रोमी 3:9

होले पङ्‌सम् ता ङ्‍यी यहुदीमा यहुदी अय्‍हीन्‍बे म्‍हीमा बीम ज्‍यब मुब? ज्‍यब अरे, तलेपङ्‍सम् ङचे यहुदीतेङ् यहुदी अय्‍हीन्‍बे म्‍हीमा ङ्‌य्‍हीनो पापीमा य्‍हीन्‍ब पङ्‍ज्‍यीम् ङोन्‍नो ङोन्‍ज्‍यीन्‍बल मुब।

रोमी 5:2

प्रभु येसु ख्रीस्‍ट्‌चेनो ङ्‍य्‍हङ्‍मात बीस्‍वास् ग्‍यम्‍से पर्‌मेस्‍वर्‌की अनुग्रहरी वङ्‍म्‍यङ्‍न लजेत्‍पल मुब। देरे ङ्‍य्‍हङ्‍मा चु अनुग्रहरी सोटीब मुब। ओसेम् ङ्‍य्‍हङ्‍मा पर्‌मेस्‍वर्‌की महीमारी र्‌हुब् तस्‍येकी आसारी तङ्‍ब।

गलाती 3:22

तर धर्‌म छ्‍येःचे पङ्‍ब, जम्‍मनो जम्‍बुलीङ् पापकी सक्‍तीइ दुङ्‌री मुब। होत्‍तज्‍यीम् येसु ख्रीस्‍ट्‍री बीस्‍वास् स्‍य्‍हेङ्‍बलमात पर्‌मेस्‍वर्‌चे न्‍हङ्‍ब बी बाचा स्‍य्‍हेङ्‍जेत्‍पे मोलम् बीस्‍वास् स्‍य्‍हेङ्‍बलमाचेकीनो यङ्‌बल मुब।

१ थेस्‍लोनीकी 2:12

ङ्‌यीमाचे एङ्‌यीमात अर्‌ती पीन्‍ब, आर् पीन्‍ब ओसेम् लोप्‍प, ओसेम् एङ्‍यीमाचे पर्‌मेस्‍वर्‌त तङ्‍न लबे जीवन् सोथोब, तलेपङ्‍सम् थेङ्‌चे एङ्‌यीमात थेङ्‌की य्‍हुल्‍तेङ् महीमारी ङ्‌होत्‍जेत्प।

२ थेस्‍लोनीकी 2:14

चुइ लागीरी ङ्‌यीमाचे स्‍येत्‍पे ज्‍यबे सम्‍तर् ग्‍यम्सेनो पर्‌मेस्‍वर्‌चे एङ्‌यीमात ङ्‌होत्‍जेत्‍ज्‍यी। ङ्‍य्‍हङ्‍की प्रभु येसु ख्रीस्‍ट्‍की महीमा एङ्‌यीमाचेएनो यङ्‍खइ पङ्‍ज्‍यीम् थेङ्‌चे एङ्‌यीमात ङ्‌होत्‍जेत्‍ज्‍यी।

हीब्रु 4:1

पर्‌मेस्‍वर्‌चे ङ्‍य्‍हङ्‍मात दुःब न्‍हबे ग्‍लारी वङ्‍पुङ्‍ब बी सुङ्‍जेत्‍पे बाचा दवम् मुब। होत्‍तज्‍यीम् ङ्‍य्‍हङ्‍मा होसीयार् तज्‍यीम् टीइ, ओसेम् एङ्‍यीमान्‍हङ्‍री हुजु दुःब न्‍हबे ग्‍लारी वङ्‍अम्‍यङ्‍बल खलेएनो अतखइ।

१ पत्रुस 4:13

तर ख्रीस्‍ट्‍चे नाजेत्‍पे दुख जुज्‍यीम् एङ्‌यीमाचेएनो नाम्‍यङ्‍बल मुब पङ्‍ज्‍यीम् य्‍हक्‍को तङो। तलेपङ्‍सम् थेङ्‌की ङ्‍हच्‍छ्‍यङ् महीमा म्रङ्‍खबतेङ् एङ्‍यीमा तङ्‍म्‍यङ्‍ल।

१ पत्रुस 5:1

ङएनो मन्‍डलीइ एल्‍डर् ओसेम् ख्रीस्‍ट्‍चे नाजेत्‍पे दुख म्रङ्‌बे म्‍ही, ओसेम् पर्‌मेस्‍वर्‌चे ङोन्‍जेत्स्‍येकी महीमारी ङएनो तस्‍ये तज्‍यीम् देरेम् ङ एङ्‍यीमान्‍हङ् मुबे मन्‍डलीइ एल्‍डर्‌मात फ्‍या लज्‍यीम् पङ्‍ब।

१ पत्रुस 5:10

जम्‍मनो अनुग्रह न्‍हङ्‌बे पर्‌मेस्‍वर्‌चे ख्रीस्‍ट्‍री र्‌हङ्‍की खेमेएनो अबेबे महीमा जुबे लागीरी एङ्‍यीमात ङ्‌होत्‍जेत्‍पल मुब। एङ्‍यीमाचे य्‍हम् दुख नाब बीसेम् थेङ्‌चेनो एङ्‍यीमात छार् स्‍य्‍हेङ्‍जेत्‍स्‍ये मुब, ओसेम् सक्‍ती न्‍हङ्‌ज्‍यीम् य्‍हङ्‌य्‍होङ् अतनले कोङ्‍नलजेत्‍स्‍ये मुब।