रोमी 3:21 - पश्चिम तामाङ21 तर देरेम् मोसाचे ब्रीबे नीयम् ङ्येन्ज्यीम् अय्हीन्, पर्मेस्वर्चे म्हीत थेङ्की ङोन्री ल्हो-ल्हो ग्यम्चे धर्मी स्य्हेङ्जेत्प बी ङोन्जेत्पल मुब। हुजु तम्की गबाही मोसाचे ब्रीबे नीयम्तेङ् अगम्बक्तमाचे पीन्बल मुब। အခန်းကိုကြည့်ပါ။ |
रोमी 3:21
37 ပူးပေါင်းရင်းမြစ်များ
हुजु लीप्चे थेङ्यीमाचे पावलकी तम् ङ्येन्बे लागीरी दीन् तेत् लज्यी। ओसेम् हुजु दीन्री य्हक्को म्हीमा पावलत थेन्बे ग्लारी खज्यीम् र्हुब् तज्यी। पावलचे थेङ्यीमात स्य्होः य्हङ्से ङ्यीस्ये सम्मनो पर्मेस्वर्की य्हुल्की बारेरी लोप्ज्यी। ओसेम् धर्मइ छ्येःरी मोसातेङ् अगम्बक्तमाचे ब्रीबे तम्मा ग्यम्से येसुइ बारेरी ज्यनले लोप्ज्यीम् थेङ्यीमात गोनलब म्हइज्यी।
तर देरेम् चु जम्मनो तम्मा दङ्बोनो अगम्बक्तमाचे पर्मेस्वर्चे कुल्जेत्प अनुसार् ब्रीबे तम्मा ग्यम्से स्येःनलजेत्पल मुब। ओसेम् जम्मनो यहुदी अय्हीन्बे म्हीमाचे बीस्वास् लज्यीम् पर्मेस्वर्की तम्मा ङ्येन्खइ पङ्ज्यीम् खेम पङ्लेनो मुजेत्पे पर्मेस्वर्की फ्रोइ अनुसार् चु ज्यबे सम्तर् म्हीमात स्येत्पल मुब।
होत्तज्यीम् पाप्चे म्हीमाइ जोरी सासन् स्य्हेङ्ज्यीम् स्यीनलब र्हङ्ले, देरेम् पर्मेस्वर्की अनुग्रहचे ङ्य्हङ्माइ जोरी सासन् स्य्हेङ्टीबल मुब। चु अनुग्रहचेनो ङ्य्हङ्मात पर्मेस्वर्की ङोन्री धर्मी तनलजेत्प, ओसेम् ङ्य्हङ्की प्रभु येसु ख्रीस्ट् ग्यम्से खेमेएनो अबेबे जीवन् न्हङ्जेत्बल मुब।
पर्मेस्वर्चे एङ्यीमात येसु ख्रीस्ट्तेङ् गीः तनलजेत्ज्यी। पर्मेस्वर्चेनो ख्रीस्ट्त ङ्य्हङ्की लागीरी बुद्दी स्य्हेङ्जेत्ज्यी। ओसेम् ख्रीस्ट्चे ङ्य्हङ्त पर्मेस्वर्की ङोन्री धार्मीक् स्य्हेङ्जेत्ज्यी, थेङ्चेनो ङ्य्हङ्त पर्मेस्वर्की पबीत्र म्ही स्य्हेङ्जेत्ज्यी, ओसेम् पाप ग्यम्से फेःपीन्जेत्ज्यी।
पर्मेस्वर्चे यहुदी अय्हीन्बे म्हीमातएनो बीस्वास् ग्यम्से धर्मी स्य्हेङ्जेत्प पङ्बे तम् य्हक्को ङोन्ग्यम्नो धर्म छ्येःरी ब्रीबल मुबल। होत्तज्यीम् पर्मेस्वर्चे अब्राहाम्त, “ए ग्यम्सेनो जम्बुलीङ्री मुबे जम्मनो जातीमाचे पर्मेस्वर्की मोलम् यङ्स्ये मुब” बी ज्यबे सम्तर् स्येत्जेत्ज्यी।
ကြော်ငြာတွေ