रोमी 3:10 - पश्‍चिम तामाङ

¹⁰ धर्‌म छ्‍येःरी चोले ब्रीबल मुब, “धर्‌मी खलएनो अरे, गीएनो अरे।

रोमी 3:10 ပူးပေါင်းရင်းမြစ်များ

मत्‍ती 15:19

तलेपङ्‍सम् म्‍हीइ सेम् न्‍हङ्‌सेनो दुस्‍ट तम्‍मा, सेत्‍प-तुप्‍प, ब्‍यभीचार् स्‍य्‍हेङ्‌ब, बेस्‍या स्‍य्‍हेङ्‌ब, य्‍होलब, भ्‍यु पङ्‍ब ओसेम् नीन्‍द स्‍य्‍हेङ्‌बे अज्‍यबे तम्‍मा डोङ्‌ब।

मर्‌कुस् 10:18

येसुचे थेत सुङ्‌ज्‍यी, “ए ङत तले ज्‍यब पङ्‍ब? पर्‌मेस्‍वर् बीम खलेएनो ज्‍यब अरे।

रोमी 11:8

धर्‌म छ्‍येरी ब्रीबल मुब, “पर्‌मेस्‍वर्‌चे थेङ्‌यीमात तएनो अगोबे आत्‍मा न्‍हङ्‍जेत्‍ज्‍यी, म्रङ्‌ब अखम्‍बे मीः न्‍हङ्‍जेत्‍ज्‍यी, थ्‍येःब अखम्‍बे न्‍हबीङ् न्‍हजेत्‍ज्‍यी। ओसेम् थेङ्‍यीमा देरेसम्‍मएनो होतेबनो तटीब।”

रोमी 3:11

पर्‌मेस्‍वर्‌की बारेरी गोबे म्‍ही खलएनो अरे, पर्‌मेस्‍वर्‌त म्‍हइबे म्‍ही खलएनो अरे।

रोमी 3:23

तलेपङ्‍सम् जम्‍मचेनो पाप् स्‍य्‍हेङ्‍बल मुब, ओसेम् पर्‌मेस्‍वर्‌की महीमा ग्‍यम्‍से थारीङ् तबल मुब।

रोमी 3:4

होले अत, म्‍हीमा भ्‍यु तलेएनो पर्‌मेस्‍वर्‌मी देमेन् य्‍हीन्‍ब। धर्‌म छ्‍येःचे थेङ्‌की बारेरी चोले पङ्‍ब, “थेङ्‍चे सुङ्‍जेत्‍पे फ्रोइरी थेङ् ठीक् बी ङोन्‍जेत्‍प, ओसेम् म्‍हीमाचे थेङ्‌की न्‍याय स्‍य्‍हेङ्‌बतेङ् थेङ् डाजेत्‍स्‍ये मुब।”

तीतस 3:3

तलेपङ्‍सम् ङोन्‍ग्‍यम् ङ्‍य्‍हङ्‍माएनो मुर्‌ख, पर्‌मेस्‍वर्‌त अङ्‍येन्‍बल, बराल्‍तीज्‍यीम् ब्रबल। ङ्‍य्‍हङ्‍मा अज्‍यबे सेम्‍तेङ् मनमोज्‍की बाना मुबल। ओसेम् र्‌होत न्‍होङ्‍न लबे सेम् थोःबतेङ् स्‍हेर्‌बल, म्‍हीमाचे ङ्‍य्‍हङ्‍त अखोबल ओसेम् ङ्‍य्‍हङ्‍मा न्‍हङ्‍एनो गीःचे गीःत अखोबल मुबल।

१ पत्रुस 1:16

तलेपङ्‍सम् धर्‌मसास्‍त्ररी चोले ब्रीबल मुब, “एङ्‍यीमा पबीत्र तथोब, तलेपङ्‍सम् ङ पबीत्र मुब।”

प्रकास 21:8

तर लोङ्‍बलमा, बीस्‍वास् अलबलमा, नेइबे लक् स्‍य्‍हेङ्‌बलमा, म्‍ही सेत्‍पलमा, बेस्‍य स्‍य्‍हेङ्‌बलमा, जादु ङोन्‍बलमा, ख्‍लत तेन्‍बलमातेङ् भ्‍यु पङ्‍बलमाकी ग्‍लामी लुम्‍टीबे मेतेङ् गन्‍धक्‍की ग्‍ये य्‍हीन्‍ब। हुजुरी दोःबमी दोस्रो स्‍यीब य्‍हीन्‍ब।”

प्रकास 22:15

तर सहर्‌की फीर्‌च्‍योर्‌मी नीकील र्‌हङ्‍बे बानी थोबे म्‍हीमा, जादु ङोन्‍बलमा, बेस्‍या स्‍य्‍हेङ्‌बलमा, म्‍ही सेत्‍पलमा, ख्‍लत तेन्‍बलमा ओसेम् भ्‍युकी तम् ङ्‍येन्‍बलमातेङ् हुजु अनुसार् ब्रबलमा तब।