रोमी 2:4 - पश्चिम तामाङ4 वुइ पर्मेस्वर्की दयचे एङ्यीमात पस्चताप स्य्हेङ्ज्यीम् पर्मेस्वर्पट्टीचे दोन लब पङ्बे तम् अस्येज्यीम् थेङ्की ङ्हच्छ्यङ् दय, नाप ओसेम् धैर्यत तुच्छ म्हेन्ब? အခန်းကိုကြည့်ပါ။ |
रोमी 2:4
51 ပူးပေါင်းရင်းမြစ်များ
होत्तज्यीम् पर्मेस्वर् दयलु मुब ओसेम् कठोर्एनो मुब पङ्बे तम् बीचार स्य्हेङो। थेङ् बीस्वास् स्य्हेङ्ब पीत्पलमाकी लागीरी कठोर् मुब। तर एङ्यीमा थेङ्की अनुग्रहरी टीस्यीनो टीज्यी पङ्सम् एङ्यीमाकी लागीरी थेङ् दयलु तजेत्स्ये मुब। अय्हीन् पङ्सम् एङ्यीमातएनो थाज्यीम् ख्लाबे य्हर्ङत र्हङ्ले ख्लाजेत्स्ये मुब।
तलेपङ्सम् पर्मेस्वर्चे येसु ख्रीस्ट्त ठाकी रुप्री पीत्युजेत्ज्यीम् थेङ्की काः ङ्य्हङ्माकी लागीरी य्हर्पुङ्जेत्ज्यी पङ्ज्यीम् बीस्वास् स्य्हेङ्बे म्हीमाकी पाप् म्हन लजेत्पल मुब। पर्मेस्वर्चे र्हङ्चे र्हङ्त धर्मी य्हीन्ब बी ङोन्जेत्परी चोले स्य्हेङ्जेत्ज्यी। तलेपङ्सम् पर्मेस्वर्चे ख्रीस्ट् ब्योन्युब बीम ङोन्ग्यम् बोमो नाजेत्ज्यीम् म्हीमात पाप्की सजाय न्हङ्अजेत्।
ओसेम् एङ्यीमाकी सेम्की मीःचे थेङ्की य्हल् म्रङ्ब खम्खइ, ओसेम् पर्मेस्वर्चे एङ्यीमात तइ आस् लजेत्ज्यीम् ङ्होत्जेत्ज्यी हुजु एङ्यीमाचे गोखइ, ओसेम् थेङ्चे र्हङ्की म्हीमात न्हङ्जेत्प बी बाचा लजेत्पे आत्मीक् मोलम्मा गत्ते य्हक्को ङ्हच्छ्यङ् मुब पङ्बे तम् एङ्यीमाचे स्येःखइ बी ङ प्रार्थना स्य्हेङ्ब।
पर्मेस्वर्चे चोले स्य्हेङ्जेत्ज्यी, तलेपङ्सम् एङ्यी यहुदी अय्हीन्बे म्हीमाचेएनो थेङ्की छुम्ज्यीम् थेन्बे महीमीत तम् गोब खम्खइ पङ्बे थुः लजेत्ज्यी। ओसेम् ख्रीस्ट् एङ्यीमातेङ् स्य्हुजेत्प पङ्बे तम्नो छुम्ज्यीम् थेन्बे तम् य्हीन्ब। चु पङ्बलमी एङ्यीमाचे पर्मेस्वर्की महीमा यङस्ये मुब पङ्बल य्हीन्ब।
होलेतलेनो पर्मेस्वर्चे ङत दय स्य्हेङ्जेत्ज्यी। तलेपङ्सम् ङ र्हङ्बे गोदोब्न्हङ् य्हक्को पाप स्य्हेङ्बे म्हीत र्हङ्की धैर्य ङोन्जेत्परी येसु ख्रीस्ट्चे ङत नमुना स्य्हेङ्जेत्ज्यी। चु नमुना लीक्यम् थेङ्त बीस्वास् स्य्हेङ्ज्यीम् खेमेएनो अबेबे जीवन यङ्बलमाकी लागीरी य्हीन्ब।
ကြော်ငြာတွေ