रोमी 2:26 - पश्‍चिम तामाङ

²⁶ ओसेम् खतन अस्‍य्‍हेङ्‌बे म्‍हीचे पर्‌मेस्‍वर्‌की नीयम् ङ्‌येन्‍ज्‍यीम् ब्रसम् पर्‌मेस्‍वर्‌चे थेङ्‍यीमात र्‌हङ्‍की म्‍हीमा य्‍हीन्‍ब बी म्‍हेन्‍जेत्‍स्‍ये मुब।

रोमी 2:26 ပူးပေါင်းရင်းမြစ်များ

मत्‍ती 15:28

ओसेम् येसुचे हुजु अमकोलत सुङ्‌ज्‍यी, “एइ बीस्‍वास् ङ्‍हच्‍छ्‍यङ् टीम्, एचे म्‍हेन्‍बल तखइ।” ओसेम् हुजु बेलोरीनो थेइ जमे फेन्‍ज्‍यी।

रोमी 2:25

पर्‌मेस्‍वर्‌की नीयम् ङ्‍येन्‍ज्‍यी पङ्‌सम् एङ्‍यीमाचे स्‍य्‍हेङ्‌बे खतन ठीक्‍नो य्‍हीन्‍ब, तर पर्‌मेस्‍वर्‌की नीयम् अङ्‌येन्‍ज्‍यी पङ्‌सम् एङ्‍यीमा खतन अस्‍य्‍हेङ्‌बे म्‍हीमा र्‌हङ्‌बनो तब।

रोमी 2:27

ओसेम् पर्‌मेस्‍वर्‌की नीयम् ङ्‍येन्‍बे खतन अस्‍य्‍हेङ्‌बे म्‍हीमाचे एङयी खतन स्‍य्‍हेङ्‌बे मोसाचे ब्रीबे पर्‌मेस्‍वर्‌की नीयम् मुज्‍यीमएनो अङ्‍येन्‍बे यहुदीमात दोसी ङोन्‍स्‍ये मुब।

रोमी 3:30

पर्‌मेस्‍वर् गीकीनो य्‍हीन्‍ब। थेङ्‍चे यहुदी य्‍हीन्‍लेनो वुइ अय्‍हीन्‍लेएनो जम्‍मतनो थेङ्‍यीमाइ बीस्‍वास् ग्‍यम्सेनो थेङ्‍की ङोन्‍री धर्‌मी ठार्‌तीजेत्‍प।

रोमी 8:4

होत्‍तज्‍यीम् देरेम् ङ्‍य्‍हङ्‍माचे पर्‌मेस्‍वर्‌की नीयम्‍चे पङ्‍बे तम् टोप् लब खम्‍ब, तलेपङ्‍सम् ङ्‍य्‍हङ्‍मा ल्‍हीःकी पाप् स्‍वभाव अनुसार अय्‍हीन् तर पबीत्र आत्‍मा अनुसार सोब।

गलाती 6:15

खतना स्‍य्‍हेङ्‍लएनो अस्‍य्‍हेङ्‍लेनो तएनो अत, तर पर्‌मेस्‍वर्‌चे एत छार् म्‍ही स्‍य्‍हेङ्‌जेत्‍पल मुब, हुजुनो ङ्‍हच्‍छ्‍यङ् तम् य्‍हीन्‍ब।

एफीसी 2:11

होत्‍तज्‍यीम् एङ्‍यीमाचे र्‌हङ् यहुदी अय्‍हीन्‍ब मुबल पङ्‍बे तम् थम्‍लेदो। ङोन्‍ग्‍यम् ल्‍हीःरी खतना स्‍य्‍हेङ्‌बे यहुदीमाचे एङ्‌यी यहुदी अय्‍हीन्‍बे म्‍हीमात खतना अस्‍य्‍हेङ्‌बे म्‍हीमा पङ्‍ब मुबल।

फीलीप्‍पी 3:3

तलेपङ्‍सम् पर्‌मेस्‍वर्‌त थेङ्‍की पबीत्र आत्‍मा ग्‍यम्‍से तेन्‍बे, ओसेम् येसु ख्रीस्‍ट्‍चे ङ्‍य्‍हङ्‍माकी लागीरी स्‍य्‍हेङ्‍जेत्‍पे लक्‍की लागीरी गर्‌ब स्‍य्‍हेङ्‌बे, ओसेम् ल्‍हीःरी भर् अस्‍य्‍हेङ्‌बे देमेन्‍की खतना ङ्‍य्‍हङ्‍मानो य्‍हीन्‍ब।

कलस्‍सी 2:11

एङ्‍यीमा ख्रीस्‍ट्‍री तबनो देमेन्‍की खतना यङ्‍ब य्‍हीन्‍ब। म्‍हीमा ग्‍यम्‍से ल्‍हीःरी स्‍य्‍हेङ्‌बे खतना अय्‍हीन् तर ख्रीस्‍ट्‍चे स्‍य्‍हेङ्‌बे खतना य्‍हीन्‍ब। चु खतनामी एङ्‍यीमाचे चु ल्‍हीःकी स्‍वभाब्‍की सक्‍ती ग्‍यम्‍से फेःब यङ्‍ब य्‍हीन्‍ब।