रोमी 2:25 - पश्‍चिम तामाङ

²⁵ पर्‌मेस्‍वर्‌की नीयम् ङ्‍येन्‍ज्‍यी पङ्‌सम् एङ्‍यीमाचे स्‍य्‍हेङ्‌बे खतन ठीक्‍नो य्‍हीन्‍ब, तर पर्‌मेस्‍वर्‌की नीयम् अङ्‌येन्‍ज्‍यी पङ्‌सम् एङ्‍यीमा खतन अस्‍य्‍हेङ्‌बे म्‍हीमा र्‌हङ्‌बनो तब।

रोमी 2:25 ပူးပေါင်းရင်းမြစ်များ

प्रेरीत् 7:51

“युङ्‌ब र्‌हङ्‍बे सेम् थोबे म्‍हीमा, एङ्‍यीमाचे खेमेएनो पर्‌मेस्‍वर्‌त र्‌हङ्‌की सेम्‍री अथेन्। एङ्‌यीमाकी म्‍हेमेमाचे र्‌हङ्‌लेनो एङ्‌यीमाचेएनो खेम पङ्‍लेएनो पबीत्र आत्‍माइ बीरोद् स्‍य्‍हेङ्‌ब।

रोमी 2:13

तलेपङ्‍सम् मोसाचे ब्रीबे नीयम् थ्‍येःकीनो थ्‍येःबलमा पर्‌मेस्‍वर्‌की ङोन्‍री धर्‌मी अत, तर मोसाचे ब्रीबे नीयम् ङ्‌येन्‍ज्‍यीम् ब्रबे म्‍हीमा धर्‌मी तस्‍ये मुब।

रोमी 2:23

एङ्‍यीमाचे मोसाचे ब्रीबे नीयम् एङ्‌यीमातेङ् मुब पङ्‍ज्‍यीम् घमन्‍ड स्‍य्‍हेङ्‍ब तर एङ्‍यीमाचे हुजु नीयम् अङ्‌येन्‍ज्‍यीम् तले पर्‌मेस्‍वर्‌त स्‍य्‍हेस अस्‍य्‍हेङ्?

रोमी 2:26

ओसेम् खतन अस्‍य्‍हेङ्‌बे म्‍हीचे पर्‌मेस्‍वर्‌की नीयम् ङ्‌येन्‍ज्‍यीम् ब्रसम् पर्‌मेस्‍वर्‌चे थेङ्‍यीमात र्‌हङ्‍की म्‍हीमा य्‍हीन्‍ब बी म्‍हेन्‍जेत्‍स्‍ये मुब।

रोमी 2:27

ओसेम् पर्‌मेस्‍वर्‌की नीयम् ङ्‍येन्‍बे खतन अस्‍य्‍हेङ्‌बे म्‍हीमाचे एङयी खतन स्‍य्‍हेङ्‌बे मोसाचे ब्रीबे पर्‌मेस्‍वर्‌की नीयम् मुज्‍यीमएनो अङ्‍येन्‍बे यहुदीमात दोसी ङोन्‍स्‍ये मुब।

रोमी 2:28

खल्‍चे पङ्‌लेनो फीर्‌च्‍योर्‌चे ल्‍हीरीकीनो यहुदी य्‍हीन्‍ब पङ्‍ज्‍यीम् थे देमेन्‍की यहुदी अत। होलेनो ल्‍हीरी स्‍य्‍हेङ्‌बे खतनाएनो देमेन्‍की खतन अय्‍हीन्।

१ कोरीन्‍थी 7:19

तलेपङ्‍सम् खतन स्‍य्‍हेङ्‌लेनो अस्‍य्‍हेङ्‍लेनो हुजु तेएनो अय्‍हीन्, तर ङ्‍हच्‍छ्‍यङ् तम्‍मी पर्‌मेस्‍वर्‌चे कुल्‍जेत्‍पे फ्रोइ ङ्‌येन्‍ज्‍यीम् ब्रब य्‍हीन्‍ब।

गलाती 6:13

थेङ्‍यीमा खतना स्‍य्‍हेङ्‍बलमाचेएनो मोसाचे ब्रीबे नीयम्‍मा जम्‍मनो अङ्‍येन्। तर खतना स्‍य्‍हेङ्‌बे नीयम् एङ्‍यीमाचे ङ्‍येन्‍ज्‍यी पङ्‍ज्‍यीम् थेङ्‍यीमाचे घमन्‍ड स्‍य्‍हेङ्‌बरी एङ्‍यीमात खतना स्‍य्‍हेङो पङ्‍बल य्‍हीन्‍ब।

गलाती 6:15

खतना स्‍य्‍हेङ्‍लएनो अस्‍य्‍हेङ्‍लेनो तएनो अत, तर पर्‌मेस्‍वर्‌चे एत छार् म्‍ही स्‍य्‍हेङ्‌जेत्‍पल मुब, हुजुनो ङ्‍हच्‍छ्‍यङ् तम् य्‍हीन्‍ब।