रोमी 2:17 - पश्‍चिम तामाङ

¹⁷ एङ्‍यीमा कोइ-कोइचे र्‌हङ्‍चे र्‌हङ्‌तनो यहुदी य्‍हीन्‍ब पङ्‍ब ओसेम् मोसाचे ब्रीबे नीयम्‍री भर् लब, ओसेम् पर्‌मेस्‍वर्‌त स्‍येब पङ्‍ज्‍यीम् घमन्‍ड लब।

रोमी 2:17 ပူးပေါင်းရင်းမြစ်များ

मत्‍ती 3:9

‘ङ्‌यीमा अब्राहामकी ज-जमे य्‍हीन्‍ब, होत्‍तज्‍यीम् पर्‌मेस्‍वर्‌की न्‍याय ग्‍यम्‍चे स्‍योरम्‍यङ्‍ब’ बी थम्‍हेनो। तलेपङ्‍सम् ङ एङ्‌यीमात पङ्‍ब अब्रहामकी लागीरी पर्‌मेस्‍वर्‌चे चु युङ्‌बमाचेएनो ज जमे स्‍य्‍हेङ्‌जेत्‍प खम्‍ब।

लुका 10:28

येसुचे थेत सुङ्‌ज्‍यी, “एचे ठीक्‍नो पङ्‌ज्‍यी। एचेएनो होले स्‍य्‍हेङो। ओसेम् एचे पर्‌मेस्‍वर्‌तेङ् खेमेनो अबेबे जीवन यङ्‌स्‍ये मुब।”

युहन्‍ना 5:39

एङ्‍यीमाचे खेमेएनो अबेबे जीवन धर्‌म छ्‌येमारी यङ्‍ब पङ्‍ज्‍यीम् ज्‍यनले म्‍हइब। ओसेम् हुजु धर्‌म छ्‍येमाचेनो ङइ बारेरी गवाही पीन्‍ब।

युहन्‍ना 5:45

“ङचे एङ्‌यीमात अपइ ङोन्‍री दोस् ङोन्‍स्‍ये मुब बी थम्‍हेनो। एङ्‍यीमाचे आस् थेन्‍बे मोसाचेनो एङ्‌यीमात दोस् ङोन्‍स्‍ये मुब।

युहन्‍ना 7:19

मोसाचे एङ्‌यीमात पर्‌मेस्‍वर्‌की नीयम् पीन्‍बल अय्‍हीनो स्‍यीम्? तर एङ्‌यीमा खल्‍चेएनो पर्‌मेस्‍वर्‌की हुजु नीयम् अङ्‍य्‍हेन्। तले एङ्‍यीमाचे ङत सेत्‍प म्‍हइबल?”

युहन्‍ना 8:33

ओसेम् थेङ्‍यीमाचे पङ्‍ज्‍यी, “ङ्‌यीमा अब्रहामकी कोलमा य्‍हीन्‍ब। ङ्‌यीमा खेमेएनो खलइ बानएनो तबल अरे, ओसेम् एचे ङ्‍यीमात ‘एङ्‌यीमात छुटकारा पीन्‍स्‍ये मुब’ पङ्‌बल ता स्‍यीम्?”

युहन्‍ना 8:41

एङ्‍यीमाचेम् एङ्‌यीमाकी अपचे ता स्‍य्‍हेङ्‌ज्‍यी एङ्‌यीमाचेएनो हुजु स्‍य्‍हेङ्‌ब।” ओसेम् थेङ्‍यीमाचे येसुत, “ङ्‌यीमा प्रोकोलमा अय्‍हीन्। ङ्‍यीमाल अप गीःकीनो मुब, थेङ् पर्‌मेस्‍वर् य्‍हीन्‍ब” बी पङ्‍ज्‍यी।

रोमी 2:23

एङ्‍यीमाचे मोसाचे ब्रीबे नीयम् एङ्‌यीमातेङ् मुब पङ्‍ज्‍यीम् घमन्‍ड स्‍य्‍हेङ्‍ब तर एङ्‍यीमाचे हुजु नीयम् अङ्‌येन्‍ज्‍यीम् तले पर्‌मेस्‍वर्‌त स्‍य्‍हेस अस्‍य्‍हेङ्?

रोमी 3:27

होलेपङ्‌सम् तारी घमन्‍ड स्‍य्‍हेङ्‌ब? घमन्‍ड स्‍य्‍हेङ्‌बे तम्‍नो अरे। ङ्‍य्‍हङ्‍माचे नीयम् ङ्‌येन्‍ज्‍यीम् धर्‌मी अत तर ङ्‍य्‍हङ्‍माचे ख्रीस्‍ट्‍री बीस्‍वास् स्‍य्‍हेङ्‌ज्‍यीम्‍कीनो धर्‌मी तब।

रोमी 9:32

तले तब अखम्? तलेपङ्‍सम् थेङ्‍यीमाचे बीस्‍वास् अस्‍य्‍हेङ्‍नले लक्‍माकीनो स्‍य्‍हेङ्‌ज्‍यीम् पर्‌मेस्‍वर्‌की ङोन्‍री धर्‌मी तब म्‍हइब मुबल। थेङ्‍यीमा थोक्‍पे युङ्‌बरी थोक्‍ज्‍यीम् गुर्‌बल मुब।

२ कोरीन्‍थी 11:22

ता थेङ्‍यीमा हीब्रु म्‍हीमा य्‍हीन्‍ब? ङएनो य्‍हीन्‍ब। थेङ्‍यीमा इस्राएली म्‍हीमा य्‍हीन्‍ब? ङएनो य्‍हीन्‍ब। ता थेङ्‌यीमा अब्राहामकी ज-जमे य्‍हीन्‍ब? ङएनो य्‍हीन्‍ब।

गलाती 2:15

ङ्‍य्‍हङ्‍मामी न्‍हब य्‍हङ्‌सेनो यहुदी य्‍हीन्‍ब, ओसेम् मोसाचे ब्रीबे पर्‌मेस्‍वर्‌की नीयम् अङ्‍येन्‍बे यहुदी अय्‍हीन्‍बे म्‍हीमा र्‌हङ्‍बे पापीमा अय्‍हीन्।

एफीसी 2:11

होत्‍तज्‍यीम् एङ्‍यीमाचे र्‌हङ् यहुदी अय्‍हीन्‍ब मुबल पङ्‍बे तम् थम्‍लेदो। ङोन्‍ग्‍यम् ल्‍हीःरी खतना स्‍य्‍हेङ्‌बे यहुदीमाचे एङ्‌यी यहुदी अय्‍हीन्‍बे म्‍हीमात खतना अस्‍य्‍हेङ्‌बे म्‍हीमा पङ्‍ब मुबल।

प्रकास 2:9

एचे नाबे दुखमा ङचे स्‍येःब, ओसेम् ए प्रङ्‍न मुब पङ्‍बे तम्‍एनो ङचे स्‍येःब, तर एमी पर्‌मेस्‍वर्‌की ङोन्‍री बरु मुब! यहुदी अय्‍हीन्‍लेएनो र्‌हङ् यहुदी य्‍हीन्‍ब पङ्‍बलमाचे एइ बीरुद्‍दरी स्‍य्‍हेङ्‌बे नीन्‍द ङचे स्‍येःब, थेङ्‍यीमामी सैतान्‍की तम् ङ्‌येन्‍बे समुह य्‍हीन्‍ब।

प्रकास 3:1

“ओसेम् सार्‌डीस्‍की मन्‍डलीत स्‍य्‍हप्‍तो स्‍य्‍हेङ्‌बे चवत चु तम् ब्रीउ: “चु तम् पर्‌मेस्‍वर्‌की आत्‍मा ङ्‌यीस् ओसेम् सार् ङ्‌यीस् मुबलचे सुङ्‌ब। एइ लक् ङचे स्‍येःब। जम्मचेनो ए सोम्‍बो मुब बी पङ्‍ब, तर एङ्‍यीमामी स्‍यीबल मुब।

प्रकास 3:9

च्‍यागो, यहुदी य्‍हीन्‍ब पङ्‍ज्‍यीम् भ्‍यु पङ्‍बे सैतान्‍की म्‍हीमात ङ एइ कङ्‍री स्‍य्‍हु लबुङ्‍स्‍ये मुब, ओसेम् ङचे एत म्‍होइब पङ्‍बे तम् थेङ्‍यीमात गोनलस्‍ये मुब।