रोमी 16:26 - पश्चिम तामाङ26 तर देरेम् चु जम्मनो तम्मा दङ्बोनो अगम्बक्तमाचे पर्मेस्वर्चे कुल्जेत्प अनुसार् ब्रीबे तम्मा ग्यम्से स्येःनलजेत्पल मुब। ओसेम् जम्मनो यहुदी अय्हीन्बे म्हीमाचे बीस्वास् लज्यीम् पर्मेस्वर्की तम्मा ङ्येन्खइ पङ्ज्यीम् खेम पङ्लेनो मुजेत्पे पर्मेस्वर्की फ्रोइ अनुसार् चु ज्यबे सम्तर् म्हीमात स्येत्पल मुब। အခန်းကိုကြည့်ပါ။ |
रोमी 16:26
34 ပူးပေါင်းရင်းမြစ်များ
चु जम्बुलीङ् ठुङ्ब य्हङ्सेनो पर्मेस्वर्चे स्य्हेङ्जेत्पे जम्मनो स्हेःमा म्रङ्ज्यीम् पर्मेस्वर्त स्येःब खम्ब। पर्मेस्वर्की खेम पङ्लेनो तबे सक्तीतेङ् इस्वरीय स्वभाब र्हङ्बे म्रङ्ब अखम्बे पर्मेस्वर्की गुन्मा म्हीमाचे ज्यनले स्येब खम्ब। होत्तज्यीम् थेङ्यीमाचे पर्मेस्वर्त अस्ये पङ्बरी ताकी प्लाएनो लम्यङ्स्ये अरे।
पर्मेस्वर्चे यहुदी अय्हीन्बे म्हीमातएनो बीस्वास् ग्यम्से धर्मी स्य्हेङ्जेत्प पङ्बे तम् य्हक्को ङोन्ग्यम्नो धर्म छ्येःरी ब्रीबल मुबल। होत्तज्यीम् पर्मेस्वर्चे अब्राहाम्त, “ए ग्यम्सेनो जम्बुलीङ्री मुबे जम्मनो जातीमाचे पर्मेस्वर्की मोलम् यङ्स्ये मुब” बी ज्यबे सम्तर् स्येत्जेत्ज्यी।
ङ्य्हङ्की बीस्वासकी चु देमेन्की सम्तर् य्हक्को ङ्हच्छ्यङ् य्हीन्ब बी ङ्य्हङ्माचे स्वीकार स्य्हेङ्ब, थेङ् म्हीइ ल्हीरीनो म्रङ्युजेत्ज्यी, पबीत्र आत्माचे थेङ्त धर्मी ङोन्जेत्ज्यी, थेङ्त स्वर्गदुत्माचे म्रङ्जेत्ज्यी, जाती जातीमाकी गुङ्री थेङ्की प्रचार तज्यी, जम्बुलीङ्री थेङ्त बीस्वास् स्य्हेङ्ज्यी, थेङ्त पर्मेस्वर्चे स्वर्गरी नोम्जेत्ज्यी।
तर ख्रीस्ट्की कारी ङ्य्हङ्मात सुद्द तनलबे झेन् य्हक्को ङ्हच्छ्यङ् सक्ती मुब। खेमपङ्लेनो तस्यीनो टीजेत्पे पर्मेस्वर्की आत्मा ग्यम्से सीद्द ठा रुप्री ख्रीस्ट्चे र्हङ्तनो पर्मेस्वर्त सोप्तीजेत्ज्यी। होले पङ्सम् ङ्य्हङ्माचे सोम्बो पर्मेस्वर्की सेव स्य्हेङ्ब खम्खइ पङ्ज्यीम् ख्रीस्ट्की काचे लक् अतबे पेठीम् ग्यम्से ङ्य्हङ्माकी बीबेक्त झेन् य्हक्को सुद्द तनलब खम्ब।
ङ्य्हङ्माचे स्येःब, पर्मेस्वर्की ज ब्योन्युज्यीम् ङ्य्हङ्मात देमेन्की पर्मेस्वर्त स्येःबे लो न्हङ्जेत्ज्यी। देरेम् ङ्य्हङ्मा देमेन्की पर्मेस्वर्तेङ् मुब, तलेपङ्सम् ङ्य्हङ्मा थेङ्की ज येसु ख्रीस्ट्री मुब। थेङ्नो देमेन्की पर्मेस्वर् य्हीन्ब, ओसेम् थेङ्नो खेमेएनो अबेबे जीवन् य्हीन्ब।
ओसेम् हुजु स्वर्गदुत्त तेन्बरी ङचे पुइ जुःज्यी, तर थेचे ङत पङ्ज्यी, “ङत होले थलउ। ङएनो एतेङ् ल्हो-ल्हो बीस्वासीमा र्हङ्बे येसुइ बारेरी गबाही पीन्बे योक्पोकीनो य्हीन्ब। पर्मेस्वर्तकीनो तेनो। तलेपङ्सम् पर्मेस्वर् ग्यम्से देमेन्की अगम्बानी पङ्बलमाचे येसुइ बारेरी गवाही पीन्ब।”
ကြော်ငြာတွေ