रोमी 16:19 - पश्‍चिम तामाङ

¹⁹ एङ्‍यीमा पर्‌मेस्‍वर्‌की फ्रोइ ङ्‌येन्‍ज्‍यीम् ब्रबल मुब पङ्‍बे तम् जम्‍मनो म्‍हीमाचे थ्‍येःबल मुब, ओसेम् चु तम्‍चे लज्‍यीमा ङ य्‍हक्‍को तङ्‍ब। एङ्‍यीमा ज्‍यबे लक्‍की लागीरी बुद्‍दी मुबे म्‍हीमा ओसेम् दुस्‍ट लक्‍की लागीरी दोस् अरेबे म्‍हीमा तखइ पङ्‍बे सेम् ङल मुब।

रोमी 16:19 ပူးပေါင်းရင်းမြစ်များ

मत्‍ती 10:16

“ङ्‌येनो, ङ एङ्‌यीमात ग्‍युमात फरामाकी गुङ्‍री पीत्‍प र्‌हङ्‌ले पीत्‍टीब। होत्‍तज्‍यीम् एङ्‍यीमा पुख्री र्‌हङ्‍बे चनाखो ओसेम् ढुकुर र्‌हङ्‍बे सोझो तउ।

लुका 10:3

ङ्‌यीउ! ङ एङ्‌यीमात फरामाकी गुङ्‌री ग्‍यु कोलमा र्‌हङ्‌ले पीत्‍टीब मुब।

रोमी 1:8

ङोन्‍ग्‍यम् ङ एङ्‍यीमा जम्‍मइ लागीरी ङइ पर्‌मेस्‍वर्‌त येसु ख्रीस्‍ट् ग्‍यम्‍से व्‍होर्‌छ्‍ये पीन्‍ब, तलेपङ्‍सम् एङ्‌यीमाइ बीस्‍वास्‍की बारेरी जम्‍बुलीङ्‌की जम्‍मनो ग्‍लामारी थ्‍येःटीब।

१ कोरीन्‍थी 14:20

म्‍होइबे र्‌होमा, कोलमाचे म्‍हेन्‍ब र्‌हङ्‌ले म्‍हेन्‍ब पीत्‍थोब। एङ्‍यीमामी ताएनो दुस्‍ट लक्‍मा अस्‍य्‍हेङ्‌बे ज्‍यीद कोलमा र्‌हङ्‍ब तथोब, तर सेम्‍री म्‍हेन्‍बतेङ् बीचार् लबरीम् सेम् च्‍यीप्‍पे म्‍हीमा र्‌हङ्‍ब तथोब।

एफीसी 5:17

होत्‍तज्‍यीम् मुर्‌ख थतउ, तर एङ्‌यीमाचे ता स्‍य्‍हेङ्‌खइ पङ्‍बे थुः प्रभुल मुब हुजु गोउ।

फीलीप्‍पी 1:9

ङइ प्रार्‌थना मुब की एङ्‌यीमाकी चु म्‍होइब ज्ञान्‍तेङ बुद्‍दीरी य्‍हक्‍को तबोर्‌स्‍यीनो टीखइ।

फीलीप्‍पी 2:15

ओसेम् एङ्‍यीमा भ्रस्‍टतेङ् पापी म्‍हीमाकी गुङ्‍री दोस् अरेबतेङ्‍ सुद्‍द पर्‌मेस्‍वर्‌की ज जमे तस्‍ये मुब। एङ्‍यीमा जम्‍बुलीङ्‌री थेङ्‍यीमाकी गुङ्‍री मुरी सार्‌मा सर्‌ब र्‌हङ्‌ले सर्‌स्‍ये मुब।

कलस्‍सी 3:16

एङ्‌यीमाकी सेम् ख्रीस्‍ट्‍की फ्रोइचे प्‍लीङ्‍खइ। गीःचे गीःत जम्‍मनो बुद्‍दीचे लोप्‍ज्‍यीम् अर्‌ती पीनो। ओसेम् भजन सङ्‍ग्रहकी व्‍हइमा कोज्‍यीम्, भजनकी व्‍हइमा कोज्‍यीम् ओसेम् आत्‍मीक् व्‍हइमा कोज्‍यीम् पर्‌मेस्‍वर्‌त व्‍होर्‌छ्‌ये पीनो।