रोमी 15:32 - पश्‍चिम तामाङ

³² ओसेम् पर्‌मेस्‍वर्‌की थुः मुसम् ङ तङ्‌तङ्‍ज्‍यीम् एङ्‍यीमाज खस्‍ये मुब। ओसेम् ङ्‍य्‍हङ्‍मा र्‌हुब्‍ले टीज्‍यीम् तङ्‌स्‍ये मुब।

रोमी 15:32 ပူးပေါင်းရင်းမြစ်များ

प्रेरीत् 18:21

यहुदीमा ग्‍यम्‍से फेःज्‍यीम् य्‍हर्‌बे बेलोरी पावलचे थेङ्‌यीमात, “पर्‌मेस्‍वर्‌की थुः मुसम् ङ एङ्‍यीमाज दोःज्‍यीम् खल” बी पङ्‍ज्‍यीम् थे एफीसस ग्‍यम्‍से दोङ्‍गरी क्रेत्‍ज्‍यीम् य्‍हर्‌ज्‍यी।

प्रेरीत् 27:1

ओसेम् फेसतस्‍चे समुन्‍द्रइ ग्‍यम्‍से तज्‍यीम् इटालीया य्‍हुल्‍री ङ्‌यीबे तम् पङ्‌ब बीसेम् थेङ्‍यीमाचे पावलतेङ् ल्‍हो-ल्‍हो कैदीमात ग्‍यल्‍बो अगस्‍टस्‍की कप्‍तान युलीयस्‍की यारी सोप्‍तीपीन्‍ज्‍यी।

रोमी 15:29

ङ रोम्‍री एङ्‌यीमाज खबे बेलोरी ख्रीस्‍ट्‌चे न्‍हङ्‌जेत्‍पे मोलम्‍चे प्‍लीङ्‌ज्‍यीम् खस्‍ये मुब।

१ कोरीन्‍थी 16:18

तलेपङ्‍सम् थेङ्‍यीमाचे ङइ आत्‍मतएनो एङ्‌यीमाकी आत्‍मात र्‌ह्‌ङ्‍लेनो आर् खनलबल मुब। चोतेबे म्‍हीमात स्‍हेस लउ।

१ कोरीन्‍थी 4:19

तर प्रभुइ थुः मुसम् ङ एङ्‌यीमाज ग्‍योनेनो खस्‍ये मुब, ओसेम् हुजु ङ्‍हच्‍छ्‍यङ् म्‍हेन्‍ज्‍यीम् ब्रबलमाकी तम्‍कीनो अय्‍हीन्, तर थेङ्‌यीमाकी सक्‍ती खतेब टीम् च्‍यास्‍ये मुब।

२ कोरीन्‍थी 7:13

होत्‍तज्‍यीम् ङ्‍यीमात आर् यङ्‌बल मुब। ङ्‌यीमाचे आर्‌कीनो अय्‍हीन् एङ्‍यीमा जम्‍मचेनो तीतस्त तङ्‍नलबल तज्‍यीम् ङ्‌यीमाएनो झेन्‍नो तङ्‍बल मुब।

२ तीमोथी 1:16

ओनेसीफरसकी दीम्‍की म्‍हेम्‍यतेङ् प्रभुइ कृपा तखइ, तलेपङ्‍सम् थेचे ङत य्‍हक्‍को ख्‍यप् आर् पीन्‍बल मुब। ओसेम् ङत जेल्‍री च्‍युप्‍पे बेलोरी थे अपेत्।

फीलेमोन 1:20

होत्‍तज्‍यीम् म्‍होइबे अले, प्रभुरी ङइ लागीरीएनो चु लक् स्‍य्‍हेङ्‌पीनो, चोले ख्रीस्‍ट्‍री ङइ सेम्‍एनो तङ्‍बचे प्‍लीङ्‍खइ।

फीलेमोन 1:7

म्‍होइबे अले, एचे ल्‍हो-ल्‍होमात म्‍होइबल तज्‍यीम् ङचे य्‍हक्‍को तङ्‍बतेङ् य्‍हक्‍को आर् यङ्‌बल मुब। तलेपङ्‍सम् एचे पर्‌मेस्‍वर्‌की म्‍हीमाकी सेम् तङ्‍नलबल मुब।

याकुब 4:15

बरु एङ्‍यीमाचेम्, “प्रभुइ थु: मुसम् ङ्‍य्‍हङ्‍मा सोल, ओसेम् चोले स्‍य्‍हेङ्‍ल वुइ होले स्‍य्‍हेङ्‍ल” बी पङ्‍थोब।