रोमी 15:29 - पश्‍चिम तामाङ

²⁹ ङ रोम्‍री एङ्‌यीमाज खबे बेलोरी ख्रीस्‍ट्‌चे न्‍हङ्‌जेत्‍पे मोलम्‍चे प्‍लीङ्‌ज्‍यीम् खस्‍ये मुब।

रोमी 15:29 ပူးပေါင်းရင်းမြစ်များ

प्रेरीत् 19:21

हुजु लीप्‍चे पावलचे माकेडोनीयातेङ् अखैया प्रदेस् तज्‍यीम् यरुसलेमरी ङ्‌यीबे सेम् लज्‍यी। ओसेम् पावलचे, “ङ यरुसलेमरी दोःब बीसेम् रोम् सहर्‌रीएनो ङ्‍यीनोथोःब” पङ्‍ज्‍यी।

रोमी 15:23

तर देरेम् ङचे हुजु ग्‍लामारी प्रचार् स्‍य्‍हेङ्‌बे लक् ज्‍यीन्‍बल मुब। ङल य्‍हक्‍को बर्‌स ङोन्‍ग्‍यम् य्‍हङ्‌सेनो एङ्‍यीमातेङ् खतु लबे सेम् य्‍हक्‍को मुबल।

रोमी 15:32

ओसेम् पर्‌मेस्‍वर्‌की थुः मुसम् ङ तङ्‌तङ्‍ज्‍यीम् एङ्‍यीमाज खस्‍ये मुब। ओसेम् ङ्‍य्‍हङ्‍मा र्‌हुब्‍ले टीज्‍यीम् तङ्‌स्‍ये मुब।

२ कोरीन्‍थी 1:15

ङ्‍य्‍हङ्‍माचे गीःचे गीःत गोब खम्‍ब पङ्‍बे तम्‍री ङ य्‍हक्‍को ढुक्‍क मुबल, होत्‍तज्‍यीम् ङचे ङोन्‍ग्‍यम् एङ्‍यीमात खतु लबरी खबे सेम् लज्‍यी। चोले एङ्‍यीमात ङ्‍य्‍हीख्‍यप् फाइद तस्‍ये मुबल।

एफीसी 1:3

ङ्‍य्‍हङ्‍की प्रभु येसु ख्रीस्‍ट्‍की अप पर्‌मेस्‍वर्‌त तोप्‍प तखइ। तलेपङ्‍सम् पर्‌मेस्‍वर्‌चे ङ्‍य्‍हङ्‍मात येसु ख्रीस्‍ट् ग्‍यम्‍से स्‍वर्‌गइ जम्‍मनो आत्‍मीक् मोलम्‍मा न्‍हङ्‌जेत्‍पल मुब।

एफीसी 3:19

म्‍हीइ ज्ञान्‍चे गोब म्‍हइम टोप्‍ले गोब अखम्‍बे ख्रीस्‍ट्‍की म्‍होइबत एङ्‍यीमाचे गोबखमो, ओसेम् एङ्‌यीमाकी जम्‍मनो स्‍वभाबमा पर्‌मेस्‍वर्‌ल र्‌हङ्‍ब तब खम्‍खइ।

एफीसी 3:8

पर्‌मेस्‍वर्‌की म्‍हीमान्‍हङ्‌री ङ गोदोब्‍न्‍हङ्‍री लक् अतबे म्‍ही तलेएनो ख्रीस्‍ट्‍की दप्‍ज्‍यीम् दप्‍प अखम्‍बे सम्‍पत्‍तीइ ज्‍यबे सम्‍तर् यहुदी अय्‍हीन्‍बे म्‍हीमात स्‍येत्‍पे लक् पर्‌मेस्‍वर्‌की अनुग्रह ग्‍यम्‍से थेङ्‍चे ङत न्‍हङ्‍जेत्‍ज्‍यी।

एफीसी 4:13

चु लक्‍माचे लज्‍यीम् ङ्‍य्‍हङ्‍मा जम्‍मनो ङ्‍य्‍हङ्‍माकी बीस्‍वास्‍री ओसेम् पर्‌मेस्‍वर्‌की जइ ज्ञान्‍की बारेरी गीः तस्‍ये मुब, ओसेम् ङय्‍हङ्‍मा जम्‍मनो आत्‍मीक्‍री च्‍यीप्‍पे म्‍हीमा तस्‍ये मुब, ओसेम् ङ्‍य्‍हङ्‍माएनो जम्‍मनो तम्‍री ख्रीस्‍ट् र्‌हङ्‍बनो तस्‍ये मुब।