रोमी 15:25 - पश्‍चिम तामाङ

²⁵ तर देरेमी ङ यरुलेम्‍री मुबे परमेस्‍वरकी म्‍हीमात र्‌हो लबरी ङ्‍यीब म्‍हइटीब।

रोमी 15:25 ပူးပေါင်းရင်းမြစ်များ

प्रेरीत् 18:21

यहुदीमा ग्‍यम्‍से फेःज्‍यीम् य्‍हर्‌बे बेलोरी पावलचे थेङ्‌यीमात, “पर्‌मेस्‍वर्‌की थुः मुसम् ङ एङ्‍यीमाज दोःज्‍यीम् खल” बी पङ्‍ज्‍यीम् थे एफीसस ग्‍यम्‍से दोङ्‍गरी क्रेत्‍ज्‍यीम् य्‍हर्‌ज्‍यी।

प्रेरीत् 19:21

हुजु लीप्‍चे पावलचे माकेडोनीयातेङ् अखैया प्रदेस् तज्‍यीम् यरुसलेमरी ङ्‌यीबे सेम् लज्‍यी। ओसेम् पावलचे, “ङ यरुसलेमरी दोःब बीसेम् रोम् सहर्‌रीएनो ङ्‍यीनोथोःब” पङ्‍ज्‍यी।

प्रेरीत् 20:16

पावलचे देरेम् ल्‍हो-ल्‍हो बेलो एसीयाकी प्रदेस्‍री टीबे सेम् अल। होत्‍तज्‍यीम् एफीसस सहर्‌री ङ्‌यीबे सेम् अल, तलेपङ्‍सम् थे पेन्‍तीकोस्‍की दीन्‍री यरुसलेमरी दोःबे लागीरी अत्‍तुरी तटीब मुबल।

प्रेरीत् 20:22

“देरेम् ङ पबीत्र आत्‍माचे सुङ्‌ब र्‌हङलेनो ङ्‌येन्‍ज्‍यीम् यरुसलेमरी ङ्‍यीटीब मुब। ङत हुजुरी ता तस्‍ये बी ङचे स्‍येबल अरे।

प्रेरीत् 24:17

“य्‍हक्‍को बर्‌स लीप्‍चे ङ यरुसलेमरी ङइ म्‍हीमात टङ पीन्‍बरी ओसेम् पर्‌मेस्‍वर्‌त भेटी पीन्‍बरी खबल मुबल।

प्रेरीत् 9:13

तर हननीयाचे पङ्‍ज्‍यी, “प्रभु हुजु म्‍हीचे यरुसलेमरी मुबे थेङ्‌की म्‍हीमात य्‍हक्‍को अज्‍यबे लक्‍मा स्‍य्‍हेङ्‌ज्‍यीम् दुख पीन्‍बल मुब रो पङ्‍बे तम् ङचे य्‍हक्‍को म्‍हीमा ग्‍यम्‍से थ्‍येःबल मुब।

रोमी 12:13

पर्‌मेस्‍वर्‌की म्‍हीमाकी अयोब अख्‍युप्‍पमारी र्‌हो स्‍य्‍हेङो, दीम्‍री खबे डोम्‍बोमात ज्‍यनले क्‍योङ्‍बे सेम् लस्‍यीनो टीउ।

१ कोरीन्‍थी 16:4

ओसेम् ङएनो ङ्‌यीबरी ज्‍यब तसम् थेङ्‍यीमात ङतेङ् बक्‍च्‍य बोर्‌ज्‍यीम् ङ ङ्‍यील।

२ कोरीन्‍थी 8:4

थेङ्‍यीमाचे यरुसलेम्‍री मुबे पर्‌मेस्‍वर्‌की म्‍हीमात र्‌हो लबे मौक थेङ्‍यीमातएनो पीनो पङ्‍ज्‍यीम् ङ्‍यीमात य्‍हक्‍को ख्‍यप् फ्‍या लज्‍यी।

२ कोरीन्‍थी 8:6

होत्‍तज्‍यीम् तीतसचे ङोन्‍ग्‍यम् य्‍हङ्‌सेनो एङ्‍यीमाचे पीन्‍बे टङ दुत्‍पे लक् तीप्‍पल तज्‍यीम् हुजु लक् पुरा स्‍य्‍हेङ्‌खइ पङ्‍ज्‍यीम् ङ्‌यीमाचे थेतनो एङ्‍यीमाज पीखत्‍ज्‍यी।

गलाती 2:10

ओसेम् प्रङ्‌नमात ङ्‌यीमाचे र्‌हो लस्‍यीनो टीथोब पङ्‍बे तम्‍कीनो थेङ्‌यीमाचेएनो पङ्‍ज्‍यी। हुजु लक् स्‍य्‍हेङ्‌बरी ङलएनो य्‍हक्‍को सेम् मुबल।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।