रोमी 15:13 - पश्‍चिम तामाङ

¹³ एङ्‌यीमाचे पर्‌मेस्‍वर्‌री बीस्‍वास् स्‍य्‍हेङ्‌बल तज्‍यीम् आसा न्‍हङ्‌बे पर्‌मेस्‍वर्‌चेनो एङ्‍यीमात तङ्‍बतेङ् सान्‍तीचे प्‍लीङ्‌न लजेत्‍खइ पङ्‍ज्‍यीम् ङ प्रार्‌थना स्‍य्‍हेङ्‍ब। होले पबीत्र आत्‍माइ सक्‍ती ग्‍यम्‍से एङ्‌यीमाकी आसा प्‍लीङ्‍खइ।

रोमी 15:13 ပူးပေါင်းရင်းမြစ်များ

युहन्‍ना 14:1

येसुचे थेङ्‌की डबमात सुङ्‌ज्‍यी, “एङ्‍यीमा सेम्‍री थछेरो, एङ्‍यीमाचे पर्‌मेस्‍वर्‌त बीस्‍वास् स्‍य्‍हेङो, ओसेम् ङतएनो बीस्‍वास् स्‍य्‍हेङो।

युहन्‍ना 14:27

ङ एङ्‌यीमात सान्‍ती पीन्‍थेन्‍ब। ङ एङ्‌यीमात ङइ सान्‍ती पीन्‍ब, ओसेम् चु जम्‍बुलीङ्‌की सान्‍ती र्‌हङ्‍ब अय्‍हीन्। एङ्‌यीमाकी सेम् य्‍हक्‍को थछेरो, ओसेम् थलोङो।

रोमी 12:12

एङ्‌यीमातेङ् मुबे आसारी आनन्‍द लउ, दुखइ बेलोरी नाको, ओसेम् प्रार्‌थना स्‍य्‍हेङ्‌स्‍यीनो टीउ।

रोमी 14:17

तलेपङ्‌सम् पर्‌मेस्‍वर्‌की य्‍हुल्‍मी चबतेङ् थुङ्‍ब अय्‍हीन्, तर चुमी पवीत्र आत्‍माचे न्‍हङ्‌जेत्‍पे धार्‌मीक्‍त, सान्‍ती ओसेम् तङ्‍ब य्‍हीन्‍ब।

रोमी 15:19

ओसेम् अचम्‍मइ लक्‍मा ग्‍यम्‍से, सक्‍तीसाली चीन्‍हमा ग्‍यम्‍से ओसेम् पर्‌मेस्‍वर्‌की आत्‍माइ सक्‍ती ग्‍यम्‍से लोप्‍पल मुब। चोले यरुसलेम् य्‍हङ्‌से इल्‍लुरीकन् पङ्‌बे य्‍हुल्‍की जम्‍मनो ग्‍लामारी ङचे ख्रीस्‍ट्‍की ज्‍यबे सम्‍तर् प्रचार् स्‍य्‍हेङ्‌बल मुब।

रोमी 15:5

नाबे सक्‍तीतेङ् आर् न्‍हङ्‍जेत्‍बे पर्‌मेस्‍वर्‌चेनो एङ्‍यीमात येसु ख्रीस्‍ट्‍की थुः अनुसार गीःचे गीःतेङ् सान्‍तीरी टीबे सक्‍ती न्‍हङ्‌जेत्‍खइ।

१ कोरीन्‍थी 2:4

ङचे एङ्‍यीमात लोप्‍पतेङ् प्रचार् स्‍य्‍हेङ्‌बे बेलोरी म्‍हीमाइ बुद्‍दीतेङ् व्‍हम्‍बे तम्‍की छीःमा कोल्‍ज्‍यीम् अपङ्, तर पर्‌मेस्‍वर्‌की आत्‍माइ सक्‍तीचे ङोन्‍ब र्‌हङ्‌ले स्‍येत्‍ज्‍यी।

२ कोरीन्‍थी 9:8

पर्‌मेस्‍वर्‌चे एङ्‍यीमात जम्‍मनो स्‍य्‍हेमा य्‍हक्‍को तबसम्‍म न्‍हङ्‍जेत्‍प खम्‍ब, होत्‍तज्‍यीम् एङ्‍यीमात खेम पङ्‌लेनो जम्‍मनो स्‍हेःमा योस्‍ये मुब, ओसेम् ल्‍होल्‍होमाकी लागीरीएनो ज्‍यबे लक्‍मा य्‍हक्‍को स्‍य्‍हेङ्‌ब खम्‍स्‍ये मुब।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

एफीसी 1:2

ङ्‍य्‍हङ्‍की पर्‌मेस्‍वर् अप ओसेम् प्रभु येसु ख्रीस्‍ट्‍चे एङ्‍यीमात अनुग्रहतेङ् सान्‍ती न्‍हङ्‍खइ।

१ थेस्‍लोनीकी 1:5

तलेपङ्‍सम् ङ्‌यीमाचे एङ्‌यीमात स्‍येत्‍पे सम्‍तर् छीःकीनो अय्‍हीन्, तर सक्‍तीतेङ् पबीत्र आत्‍मा ग्‍यम्‍से स्‍येत्‍पे देमेन्‍की सम्‍तर् य्‍हीन्‍ब। एङ्‌यीमातेङ् बक्‍च्‍य मुबे बेलोरी ङ्‌यीमाचे एङ्‌यीमात खले र्‌हो लज्‍यी बी एङ्‍यीमाचे स्‍येब।

१ तीमोथी 1:1

ङ्‍य्‍हङ्‍त मुक्‍तीदाता पर्‌मेस्‍वर्‌तेङ् ङ्‍य्‍हङ्‍चे आस् थेन्‍बे येसु ख्रीस्‍ट्‍चे कुल्‍जेत्‍प र्‌हङले ङ येसु ख्रीस्‍ट्‍की प्रेरीत पावल ग्‍यम्‍से,

हीब्रु 6:11

एङ्‍यीमा जम्‍मचेनो र्‌हङ्‍की जम्‍मनो आस् यङ्‍बे लागीरी अस्‍यीगदे सम्‍मनो होले जम्‍मतनो र्‌हो लबे जोस् ङोन्‍स्‍यीनो टीउ पङ्‍बे सेम् ङ्‍यीमाल मुब।

१ पत्रुस 1:8

एङ्‍यीमाचे येसु ख्रीस्‍ट्‍त म्रङ्‌बल अरेलेएनो म्‍होइब, ओसेम् एङ्‍यीमाचे थेङ्‍त देरे अम्रङ्‍लएनो बीस्‍वास् स्‍य्‍हेङ्‌ब, ओसेम् स्‍येत्‍ज्‍यीम् स्‍येत्‍प अखम्‍बे ङ्‍हच्‍छ्‍यङ् महीमीत तङ्‍बचे एङ्‌यीमाकी सेम् प्‍लीङ्‍बल मुब।