रोमी 14:3 - पश्‍चिम तामाङ

³ जम्‍मनो थोइ स्‍हेःमा चबलचे डब्‍डुब्‍माकीनो चबलत दोस् थपीनो, ओसेम् डब्‍डुब्‍माकीनो चबलचे जम्‍मनो थोइ स्‍हेःमा चबलत दोस् थपीनो। तलेपङ्‌सम् थेङ्‍यीमा जम्‍मतनो पर्‌मेस्‍वर्‌चे स्‍वीकार् स्‍य्‍हेङ्‌जेत्‍पल मुब।

रोमी 14:3 ပူးပေါင်းရင်းမြစ်များ

मत्‍ती 18:10

“होसीयार्‌ले टीउ, चु ज्‍यीद कोलमा न्‍हङ्‌री गीतएनो हेल थलउ। ङ एङ्‌यीमात पङ्‍ब, थेङ्‌यीमात स्‍य्‍हप्‍तो स्‍य्‍हेङ्‌बे स्‍वर्‌गदुत्‍मा स्‍वर्‌गरी मुबे पर्‌मेस्‍वर् अपइ ङोन्‍री मुब।

मत्‍ती 9:14

हुजु लीप्‍चे बप्‍तीस्‍मा पीन्‍बे युहन्‍नाइ डबमा येसु मुबे ग्‍लारी खज्‍यीम् चोले ङ्‌योत्‍ज्‍यी, “ङ्‌यीमातेङ् फरीसीमा य्‍हक्‍को र्‌हङ्‍ब ङ्‌यीम्‍बु टीब, तर थेङ्‌की डबमामी तले ङ्‌यीम्‍बु अटीबल?”

लुका 18:9

येसुचे र्‌हङ्‌चे र्‌हङ्‌त धर्‌मी म्‍हेन्‍बलमा ओसेम् ल्‍हो-ल्‍होत ज्‍यीत म्‍हेन्‍बलमात चु अर्‌थ सुङ्‌ज्‍यी।

प्रेरीत् 10:34

हुजु लीप्‍चे पत्रुसचे पङ्‍ज्‍यी, “देमेन्‍नो पर्‌मेस्‍वर्‌चे जम्‍मनो म्‍हीमात च्‍योच्‍यो म्‍हेन्‍जेत्‍प। चु तम् देरे ङचे म्रङ्‌ज्‍यी।

प्रेरीत् 10:44

पत्रुसचे तम् पङ्‍न-पङ्‍ननो पत्रुसकी तम् थ्‍येःबे म्‍हीमा जम्‍मइ जोरी पबीत्र आत्‍मा ब्‍योन्‍युज्‍यी।

प्रेरीत् 28:2

हुजु ग्‍लाकी म्‍हीमाचे ङ्‍यीमात य्‍हक्‍को दय लज्‍यीम् मे फुत्‍ज्‍यीम् दे:बुङ्‍ज्‍यी। तलेपङ्‍सम् नम् युज्‍यीम् खङ्‍टीब मुबल ओसेम् लाबएनो खटीब मुबल।

रोमी 11:15

तलेपङ्‌सम् पर्‌मेस्‍वर्‌चे इस्राएलीमात ख्‍लाजेत्‍मम् जम्‍बुलीङ्‌की म्‍हीमा थेङ्‍तेङ् मीलाप् तज्‍यी पङ्‌सम् इस्राएलीमात देबेएनो पर्‌मेस्‍वर्‌चे स्‍वीकार् स्‍य्‍हेङ्‌जेत्‍पतेङ् थेङ्‌यीमा स्‍यीब ग्‍यम्‍से जीवनरी दोःखब र्‌हङ्‍ब तस्‍ये मुब।

रोमी 14:1

बीस्‍वास्‍री अकोङ्‌बे बीस्‍वासीमात थेङ्‌यीमाकी बीचार्‌मारी तम् अज्‍योप्‍नले सङ्‌गतीरी स्‍वागत् स्‍य्‍हेङो।

रोमी 14:10

होलेपङ्‌सम् एङ्‍यीमाचे तले ल्‍हो-ल्‍हो बीस्‍वासी र्‌होमात दोस् ल्‍हइतीब स्‍यीम्? ओसेम् एङ्‍यीमाचे तले थेङ्‌यीमात अज्‍यब म्‍हेन्‍ब? तलेपङ्‌सम् तीरेत् ङ्‌य्‍हङ्‌मा जम्‍मनो पर्‌मेस्‍वर्‌चे न्‍याय स्‍य्‍हेङ्‌बे ग्‍लारी रप्‍नोथोब।

रोमी 14:13

होत्‍तज्‍यीम् ङ्‌य्‍हङ्‌माचे गी:चे गी:त दोस् ल्‍हइतीब पीत्‍थोब। बरु ङ्‌य्‍हङ्‍माचे ल्‍हो-ल्‍हो बीस्‍वासी र्‌होमात थोक्‍न लबे लक्‍तेङ् पाप्‍री दो:न लबे लक् खेमेएनो अस्‍य्‍हेङ् पङ्‌ज्‍यीम् पक्‍क लइ।

रोमी 14:15

एचे चबे चब ग्‍यम्‍से ल्‍हो-ल्‍हो बीस्‍वासी र्‌होमात सेम् नन लब पङ्‌सम् एचे थेङ्‍यीमात म्‍होइबल अत। एचे चबे चबचे ल्‍हो-ल्‍हो बीस्‍वासी र्‌होमात नास् अलखइ, तलेपङ्‍सम् थेङ्‍यीमाकी लागीरीएनो ख्रीस्‍ट् स्‍यीजेत्‍पल य्‍हीन्‍ब।

रोमी 14:21

एङ्‍यीमाचे चबे स्‍यचे, थुङ्‌बे ज्‍यीचे ओसेम् एङ्‌यीमाचे स्‍य्‍हेङ्‌बे लक्‍मा ताचे पङ्‌लेनो ल्‍हो-ल्‍हो बीस्‍वासी र्‌होमात पाप्‍री दो:न लब पङ्‌सम् हुजु अचबनो, अथुङ्‍बनो ओसेम् अस्‍य्‍हेङ्‍बनो ज्‍यब य्‍हीन्‍ब।

रोमी 15:7

होत्‍तज्‍यीम् पर्‌मेस्‍वर्‌की महीमाकी लागीरी ख्रीस्‍ट्‍चे एङ्‌यीमात ग्रहन् स्‍य्‍हेङ्‌ब र्‌हङ्‌ले एङ्‌यीमाचे गीःचे गीःत ग्रहन् स्‍य्‍हेङो।