रोमी 14:20 - पश्‍चिम तामाङ

²⁰ चबे स्‍हेचे लज्‍यीम् पर्‌मेस्‍वर्‌की लक्‍त नास् थस्‍य्‍हेङो। जम्‍मनो चबे स्‍हे चब तब, तर एचे चबे चबचे ल्‍हो-ल्‍होत पाप्‍री दो:नलबमी अज्‍यब य्‍हीन्‍ब।

रोमी 14:20 ပူးပေါင်းရင်းမြစ်များ

मत्‍ती 15:11

सुङ् ग्‍यम्‍से न्‍हङ्‌री वङ्‌बे स्‍य्‍हेचे म्‍हीत असुद्‍द अस्‍य्‍हेङ्, तर सुङ् ग्‍यम्‍से डोङ्‌बे तम्‍चे म्‍हीत असुद्‍द तनलब।”

मत्‍ती 18:6

“तर खल्‍चे पङ्‌लेनो ङत बीस्‍वास् स्‍य्‍हेङ्‌बे चोतेबे ज्‍यीदमा न्‍हङ्‌री गीःत पाप स्‍य्‍हेङ्‌नलज्‍यी पङ्‌सम् थेइ खारीरी ङ्‍हच्‍छ्‍यङ् र्‌हन्‍द च्‍योज्‍यीम् नुप्‍पे समुन्‍द्रन्‍हङ् इलाब ज्‍यब तब।

प्रेरीत् 10:15

तर थेचे देबेएनो चोतेबे केत् थ्‍येःज्‍यी, “पर्‌मेस्‍वर्‌चे चोखो स्‍य्‍हेङ्‍ज्‍यीन्‍बे स्‍हेत एचे चोखो अय्‍हीन्‍बे स्‍हे थपङो।”

रोमी 14:2

डेत् डेत् बीस्‍वासीमाचे जम्‍मनो स्‍हेमा चब तब बी बीस्‍वास् स्‍य्‍हेङ्‌ब, तर बीस्‍वास्‍री अकोङ्‌बलमाचेमी डब्‍कीनो चब।

रोमी 14:21

एङ्‍यीमाचे चबे स्‍यचे, थुङ्‌बे ज्‍यीचे ओसेम् एङ्‌यीमाचे स्‍य्‍हेङ्‌बे लक्‍मा ताचे पङ्‌लेनो ल्‍हो-ल्‍हो बीस्‍वासी र्‌होमात पाप्‍री दो:न लब पङ्‌सम् हुजु अचबनो, अथुङ्‍बनो ओसेम् अस्‍य्‍हेङ्‍बनो ज्‍यब य्‍हीन्‍ब।

एफीसी 2:10

तलेपङ्‍सम् ङ्‍य्‍हङ्‍माचे ज्‍यबे लक्‍मा स्‍य्‍हेङ्‌बे लागीरी पर्‌मेस्‍वर्‌चे ङ्‍य्‍हङ्‍मात येसु ख्रीस्‍ट्‍री छार् म्‍ही स्‍य्‍हेङ्‍जेत्‍ज्‍यी। ङ्‍य्‍हङ्‍माचे हुजु अनुसार् ब्रखइ पङ्‍ज्‍यीम् पर्‌मेस्‍वर्‌चे ङोन्‍ग्‍यम्‍नो हुजु ज्‍यबे लक्‍मा टोप् लजेत्‍पल मुबल।

फीलीप्‍पी 1:6

ङत चु तम्‍री बीस्‍वास् मुब की पर्‌मेस्‍वर्‌चे एङ्‍यीमारी तीप्‍जेत्‍पे ज्‍यबे लक् येसु ख्रीस्‍ट् दोःज्‍यीम् ब्‍योन्‍अयुगदे पर्‌मेस्‍वर्‌चेनो टोप् लजेत्‍स्‍ये मुब।

तीतस 1:15

सुद्‍द म्‍हीमाकी लागीरी जम्‍मनो स्‍हेःमा सुद्‍द तब। तर असुद्‍दतेङ् बीस्‍वास् अस्‍य्‍हेङ्‍बलमाकी लागीरी तएनो सुद्‍द अत, तलेपङ्‍सम् थेङ्‍यीमाकी सेम्‍तेङ् थेङ्‍यीमाचे म्‍हेन्‍बे तम् दुस्‍ट तब।