रोमी 14:1 - पश्‍चिम तामाङ

¹ बीस्‍वास्‍री अकोङ्‌बे बीस्‍वासीमात थेङ्‌यीमाकी बीचार्‌मारी तम् अज्‍योप्‍नले सङ्‌गतीरी स्‍वागत् स्‍य्‍हेङो।

रोमी 14:1 ပူးပေါင်းရင်းမြစ်များ

मत्‍ती 12:20

थेचे कुक् तबे मएनो क्‍युत्‍स्‍ये अरे, ओसेम् स्‍यीयम्‍टीबे मेतङ्एनो सेत्‍स्‍ये अरे, ओसेम् थेचे न्‍यायत डाना लस्‍ये मुब।

मत्‍ती 14:31

ओसेम् येसुचे ग्‍योन्-ग्‍योन्‍नो थेइ या चुङ्‌ज्‍यीम् “एइ बीस्‍वास् खइ, एचे तले सङ्‌क लबल?” बी सुङ्‌ज्‍यी।

मत्‍ती 18:10

“होसीयार्‌ले टीउ, चु ज्‍यीद कोलमा न्‍हङ्‌री गीतएनो हेल थलउ। ङ एङ्‌यीमात पङ्‍ब, थेङ्‌यीमात स्‍य्‍हप्‍तो स्‍य्‍हेङ्‌बे स्‍वर्‌गदुत्‍मा स्‍वर्‌गरी मुबे पर्‌मेस्‍वर् अपइ ङोन्‍री मुब।

मर्‌कुस् 7:19

तलेपङ्‌सम् हुजु म्‍हीइ सेम्‍न्‍हङ् अय्‍हीन्, तर फोन्‍हङ् वङ्‌ब, ओसेम् हुजु ल्‍ही ग्‍यम्‍से डोङ्‌य्‍हर्‌ब” बी सुङ्‌ज्‍यी। (चोले येसुचे जम्‍म थोइ चबे स्‍हेमा सुद्‍द य्‍हीन्‍ब बी सुङ्‌जेत्‍ज्‍यी।)

लुका 17:2

खजु म्‍हीचे चु ज्‍यीद कोलमा न्‍हङ्‌री गीःत पाप स्‍य्‍हेङ्‌नलब। थेइ खारीरी र्‌हन्‍द च्‍योज्‍यीम् नुप्‍पे गेरी ख्‍लापीत्‍प ज्‍यब तब।

युहन्‍ना 13:20

ङ एङ्‌यीमात देमेन्‍नो पङ्‍ब, ङचे पीत्‍पलमात ग्रहन् स्‍य्‍हेङ्‌बलचे ङतएनो ग्रहन् स्‍य्‍हेङ्‌ब, ओसेम् ङत ग्रहन् स्‍य्‍हेङ्‌बलचे ङत पीत्‍युजेत्‍पलतएनो ग्रहन् स्‍य्‍हेङ्‌ब।”

प्रेरीत् 28:2

हुजु ग्‍लाकी म्‍हीमाचे ङ्‍यीमात य्‍हक्‍को दय लज्‍यीम् मे फुत्‍ज्‍यीम् दे:बुङ्‍ज्‍यी। तलेपङ्‍सम् नम् युज्‍यीम् खङ्‍टीब मुबल ओसेम् लाबएनो खटीब मुबल।

रोमी 11:15

तलेपङ्‌सम् पर्‌मेस्‍वर्‌चे इस्राएलीमात ख्‍लाजेत्‍मम् जम्‍बुलीङ्‌की म्‍हीमा थेङ्‍तेङ् मीलाप् तज्‍यी पङ्‌सम् इस्राएलीमात देबेएनो पर्‌मेस्‍वर्‌चे स्‍वीकार् स्‍य्‍हेङ्‌जेत्‍पतेङ् थेङ्‌यीमा स्‍यीब ग्‍यम्‍से जीवनरी दोःखब र्‌हङ्‍ब तस्‍ये मुब।

रोमी 14:2

डेत् डेत् बीस्‍वासीमाचे जम्‍मनो स्‍हेमा चब तब बी बीस्‍वास् स्‍य्‍हेङ्‌ब, तर बीस्‍वास्‍री अकोङ्‌बलमाचेमी डब्‍कीनो चब।

रोमी 14:21

एङ्‍यीमाचे चबे स्‍यचे, थुङ्‌बे ज्‍यीचे ओसेम् एङ्‌यीमाचे स्‍य्‍हेङ्‌बे लक्‍मा ताचे पङ्‌लेनो ल्‍हो-ल्‍हो बीस्‍वासी र्‌होमात पाप्‍री दो:न लब पङ्‌सम् हुजु अचबनो, अथुङ्‍बनो ओसेम् अस्‍य्‍हेङ्‍बनो ज्‍यब य्‍हीन्‍ब।

रोमी 14:3

जम्‍मनो थोइ स्‍हेःमा चबलचे डब्‍डुब्‍माकीनो चबलत दोस् थपीनो, ओसेम् डब्‍डुब्‍माकीनो चबलचे जम्‍मनो थोइ स्‍हेःमा चबलत दोस् थपीनो। तलेपङ्‌सम् थेङ्‍यीमा जम्‍मतनो पर्‌मेस्‍वर्‌चे स्‍वीकार् स्‍य्‍हेङ्‌जेत्‍पल मुब।

रोमी 15:1

ङ्‌य्‍हङ्‌मा बीस्‍वास्‍री कोङ्‌बलमाचे र्‌हङ्‌तकीनो तङ्‌न लब अय्‍हीन्, बीस्‍वास्‍री अकोङ्‌बलमातएनो र्‌हो लथोब।

रोमी 15:7

होत्‍तज्‍यीम् पर्‌मेस्‍वर्‌की महीमाकी लागीरी ख्रीस्‍ट्‍चे एङ्‌यीमात ग्रहन् स्‍य्‍हेङ्‌ब र्‌हङ्‌ले एङ्‌यीमाचे गीःचे गीःत ग्रहन् स्‍य्‍हेङो।

रोमी 4:19

अब्राहाम ल्‍हेगोर् ब्रेत्‍स्‍यी ब्‍लीतीङ् योयम्‍बल मुबल, तर थेइ खेक्‍प ल्‍ही ग्‍यम्‍से कोल तबअखम्‍बलतेङ् सारा बाझो तबल गोज्‍यीमएनो थे बीस्‍वास्‍री य्‍हङ्‌य्‍होङ् अत।

१ कोरीन्‍थी 9:22

कम्‍जोर्‌माकी गुङ्‍री लक् स्‍य्‍हेङ्‌बे बेलोरी थेङ्‍यीमाचे ख्रीस्‍ट्‍त बीस्‍वास् स्‍य्‍हेङ्‌खइ पङ्‍ज्‍यीम् ङएनो कम्‍जोर् तज्‍यी। चोले जम्‍मनो म्‍हीमाकी गुङ्‍री खले तमु जम्‍मनो म्‍हीमाचे ख्रीस्‍ट्‍री जीवन् यङ्‍खइ पङ्‍ज्‍यीम् ङ जम्‍मनो थोइ म्‍ही तज्‍यी।

फीलीप्‍पी 2:29

प्रभुरी थेत तङ्‌तङ्‍ज्‍यीम् अलेत र्‌हङ्‌ले ग्रहन् स्‍य्‍हेङो, चोतेबे म्‍हीमात स्‍य्‍हेस स्‍य्‍हेङो।

१ थेस्‍लोनीकी 5:14

ङइ र्‌होमा, ङ्‌यीमा एङ्‌यीमात फ्‍या लज्‍यीम् पङ्‍ब, लक् स्‍य्‍हेङ्‌बरी ब्‍लेकु तबलमात एङ्‍यीमाचे चेतावनी पीनो, लोङ्‍बलमात आर् पीनो, अखम्‍बलमात र्‌हो लउ, ओसेम् जम्‍मतनो नाको।

हीब्रु 5:14

तर कोङ्‌बे चबमी छर्‌ज्‍यीन्‍बे म्‍हीइ लागीरी य्‍हीन्‍ब। थेचेम् ज्‍यबतेङ् अज्‍यब फेःब खम्‍बे तालीम् यङ्‍ज्‍यीन्‍बल तब।

२ युहन्‍ना 1:10

खलपङ्‍लेनो एइ दीम्‍री खबे बेलोरी चु तम् बीम ल्‍हो-ल्‍हो तम् लोप्‍ज्‍यी पङ्‌सम् थेत एइ दीम्‍री थवङ्‌पुङो, ओसेम् थेत लस्‍सोएनो थस्‍य्‍हेङो।